Markɨ 6:14 - Maktubu dɨnə Mãr̰ĩduwa gɨ bii gɨ chibne

¹⁴ Wála gɨ ta lə da, Jesu sumɨw ꞌwogɨ nan̰e mana gɨ nare bɨdəgɨ lə. Yande da, dole gɨ gɨ ꞌwogɨw Erod kaw, doy gwale gɨnə Jesu duwa di me. Nare nə mɨn da, way ba: «I Jã gaba àlagɨ́ nare batem di me ba dɨmə daa nare nə mare dwar̰agɨ lə an̰ju. I ta di me an̰ji ꞌyo gɨ dwana dɨ idɨ àla gɨ mani nə dan̰a nə ta di.»

Markɨ 6:14 ပူးပေါင်းရင်းမြစ်များ

Matiyə 9:31

Ɨr̰ɨ nare nə ta di doy bədə me cor gandɨ ha wayagɨ nare mani nə Jesu àl gandagɨ di daa mana gɨ wama gɨ ta lə di pad.

Markɨ 1:28

I ta di me Jesu sumɨw ꞌwogɨ nɨm mana gɨ wama gɨ Galileyə pad kaláng yande.

Markɨ 1:45

Ɨr̰ɨ abe di so ha me ha cɨmdəgɨ nare gwale di daa pəgɨn̰ yag yag me, nare pad kaw ꞌwocn̰ mani nə gɨ àlaw gandagɨ di com. I dara yande di me Jesu ùr gaba gɨlə gɨ sɨw daa mana gɨ ciriyə bədə di. Ɨr̰ɨ an̰ji dam nɨm tulɨn̰yə bam dɨn dwar̰ɨ lə me, nare nə swaa ciri dayyə jiga jiga kaw hára ꞌyow nɨm.

Markɨ 8:28

Me woni gɨrsə gwale duwa di wayɨw ba da: «Nare nə mɨn da, way ba mə i Jã gaba àlagɨ́ nare batem; nə yab da, way day ba mə i aba cɨmə Mãr̰ĩ bɨw gɨ Eli, nə yab ɗang bi da, way day ba mə i woni cɨmə Mãr̰ĩ bɨw nə pii gun day gɨ ɗang.»

Maana dɨnə Jesu duwa dɨ Luk jangɨdɨ 13:31

Wála gɨ ta di lə da, nare nə gɨ ꞌwogɨgɨ Parise nə yab chidɨbə hára Jesu sɨwə me wayɨw ba da: «Cɨm kal ciri dɨ ka di, me ha bam hən̰, dara dole gɨ Erod ùr ba a ꞌyəmme.»

Maana dɨnə Jesu duwa dɨ Luk jangɨdɨ 3:1

Wála mɨn, Mãr̰ĩ wayɨw Jã gɨnə Jakari gorndɨw gwale bam dɨn dwar̰ɨ lə. I aliya gɨ mwaj bii jii gɨ dole gɨ geche gɨ Rom gɨ gɨ ꞌwogɨw Tiber lam gɨ dwãr̰ĩ duwa me, Pons Pilat lam duwa dwãr̰ĩ mana gɨ wama gɨ Judeyə, me Erod lam duwa dwãr̰ĩ mana gɨ wama gɨ Galileyə me, chendɨw gɨ Pilip lam duwa dwãr̰ĩ mana gɨ wama gɨ Iture me Tɨrakoni me, Lisanas lam duwa dwãr̰ĩ mana gɨ wama gɨ Abilennə me ca. Aliya gɨ ta lə di da, i Han day gɨ Kayip me i woni bwasa Mãr̰ĩ gechide day cendi.

Maana dɨnə Jesu duwa dɨ Luk jangɨdɨ 7:17

Gwale gɨnə Jesu duwa gɨ ta di nõ duwa nɨm mana gɨ ciri dɨ sɨn̰a dɨnə nare nə Juwib dayyə me sɨn̰a dɨ tulbədɨ lə bá bá me ca.

Maana dɨnə Jesu duwa dɨ Luk jangɨdɨ 9:19

Cendi cow wayɨw da: «Nare nə mɨn da, way ba mə i Jã gaba àlagɨ́ nare batem, nə mɨn way day ba mə i aba cɨmə Mãr̰ĩ bɨw gɨ Eli me, nə mɨn ɗang way day ba mə i woni cɨmə Mãr̰ĩ bɨw nə pii gun day gɨ mɨn ɗang me ba dɨmə daa nare nə mare dwar̰agɨ lə.»

1 Tesalonik 1:8

I dara ꞌyeni ɗanĩ me, nare nə dam wama gɨ Maseduwannə me nə dam wama gɨ Akayyə me, doy gɨ gwale gɨnə Aba ciri gɨ Jesu Kris duwa. I mana gɨ ciri dɨ ta lə di mɨra me nare doy gɨ gwale di lə bədə, me dusi dan dɨ kala da, nare way gwale dɨra sɨn̰a lə pad, ùr dara ba nə waynanin nenin bá bədə.