Markɨ 5:2 - Maktubu dɨnə Mãr̰ĩduwa gɨ bii gɨ chibne

² Me mana gɨ Jesu chə́ə dodə bɨrwa dalawə da, abe mɨn gɨ dúndi dɨ àcn̰e widɨbɨw swaa mana gɨ munɨniyə hára sawa dɨrəw daa.

Markɨ 5:2 ပူးပေါင်းရင်းမြစ်များ

Markɨ 1:23

Mana gɨ nare nə ilə kulə dwaya gwale gɨnə Jesu lə di da, gun mɨn gɨ dúndi dɨ àcn̰e widɨbɨw kaw ilə dwar̰agɨ lə me. Gun gɨ ta di sojɨ mar̰ɨjaw daa nan̰ way ba:

Markɨ 1:26

Mwom da, dúndi dɨ àcn̰e di gɨgdɨ abe di daa gɨ dwana me, soy daa nan̰ me, kal sɨdɨ gandɨ nɨm bam abe di sɨwə sɨn̰.

Markɨ 3:30

Jesu waygɨ woni gɨlə bii gɨ ꞌwoo yande i dara cendi waya ba an̰ji ba i gɨ dúndi dɨ àcn̰e lə sɨwə.

Markɨ 3:9

Mana gɨ Jesu yər nare di gɨr̰ɨ nan̰ da, an̰ji waygɨ woni gɨrsə gwale duwa ba da: «Unən bɨrwa hane nɨm, dara kal nare di ɗɨrbɨnən bədə.»

Markɨ 4:1

Targɨn̰ ɗang da, Jesu so ilə gɨləgɨ nare gwale gɨnə Mãr̰ĩ duwa lə ɗang bi kuray gɨ ɓɨle gɨ Galile bɨwə. Nare ꞌyarbar nan̰e mana gɨ tulɨwə. Yande mwom da, an̰ji kal sɨw nagɨ ha bɨrwa dalawə dama lə me ɗɨbə nɨm nimiyə. Me nare nə pad da, dam day kuray di bɨwə wayniyə.

Markɨ 4:36

Mana gɨ cendi so kal nare nə gɨr̰e di dodə ɗɨm da, woni gɨrsə gwale duwa di ꞌwoy bɨrwa gɨ Jesu dam lə di ha gandɨw. Bɨrwa nə ɗang kaw, ilə hára lə gandagɨ me ca.

Markɨ 5:21

Mana gɨ Jesu day gɨ nə woni gɨrsə gwale duwa cwaragɨ bi gɨ bɨrwa gɨra mana gɨ kuray gɨ ɓɨle dugdɨw dɨ ka lə bi da, nare nan̰ dayar gandɨw bi mana gɨ kuray di bɨwə.

Markɨ 5:3

Abe gɨ ta di, ciri duwa dɨ dama i mana gɨ munɨniyə. Gun mɨn kaw nem magdaw dodə bədə. Gɨ sul kaw, gɨ nem magdaw dodə bədə.

Markɨ 7:25

Yande da, deme mɨn dɨ durmədɨ dúndi dɨ àcn̰e gɨldɨ dɨrədɨ dwaya gwale duwa me tandi swaa kaláng hára piy gubɨrədɨ dodə Jesu dɨrəwə.

Maana dɨnə Jesu duwa dɨ Luk jangɨdɨ 8:27

Mana gɨ Jesu chə́ə bɨrwa lə bo gɨdaw dodə sɨn̰a lə mwom da, gun mɨn gɨ ciri dɨ ta lə gɨ dúndi dɨ àcn̰e nan̰ widɨbɨw hára saw dɨrəw daa. Gun gɨ ta di àl aliya nan̰ hurə barge sɨwə bədə me, dam ulay bədə me ca. Mana duwa gɨ dama da, i munɨniyə.

Maana dɨnə Jesu duwa dɨ Luk jangɨdɨ 9:42

Mana gɨ dwe di ilə hára dara ꞌywaa Jesu da, dúndi dɨ àcn̰e di uw ɨndəw dodə sɨn̰a lə me habdɨ me ca. Jesu ɨr̰ɨn̰ dúndi dɨ àcn̰e di gɨ dwana ba dɨmnə bam dwe di sɨwə. An̰ji so dwe di daa me yɨw ꞌyàw gandɨw abəw.