Markɨ 1:13 - Maktubu dɨnə Mãr̰ĩduwa gɨ bii gɨ chibne

¹³ An̰ji dam mana gɨ ta lə di bɨraa àl wála gɨnɨn̰ wodɨ me Sidan gɨrsɨw nɨm lə, gaa ba dɨ ha nyama lamaw àsàw àla gɨ àcn̰a lə mo? An̰ji dam i mwagɨne nə bam dwar̰agɨ lə me, paja nənə Mãr̰ĩ duwa nə daa gamɨw cendi.

Markɨ 1:13 ပူးပေါင်းရင်းမြစ်များ

Kɨrara gɨ daa (Exode) 24:18

Ɨr̰ɨ Moyis gandɨ ya sawe di dalawə ilə naga hára lə pii pii kur̰a di dɨdə. An̰ji dama daa kur̰a di dɨdə àla wála gɨnɨn̰ wodɨ.

Kɨrara gɨ daa (Exode) 34:28

Moyis dama gɨ Aba dama gɨ dɨrəw bɨr̰ɨn̰ daa kur̰a dɨ Sinay dɨdə àla wála gɨnɨn̰ wodɨ. An̰ji wama mani bədə me, chàa nimi bədə me ca. An̰ji janga gwale gaba yəə gɨ mɨlan di mana gɨ kur̰a dɨ ɓɨdɨr̰a ɓɨdɨr̰a di sɨdə, i bii gɨ ꞌwoo gɨ mwaj di.

Matiyə 26:53

Mə ɨrɨm dara nə nem gaba ꞌwaga Aban gɨ Mãr̰ĩ bədə mo? Dee nə ꞌwagɨnaw da, mana gɨ ta lə di dog, an̰ji dee ha giyən paja duwa nə daa ya dubu dubu ɨndi na de gɨra ha wannə.

Matiyə 4:1

Ɗang da, dúndi dɨnə Mãr̰ĩ duwa ha gɨ Jesu mana gɨ bam dɨn dwar̰ɨ lə dara Sidan ba gɨrsɨnəw nɨm, gaa ba dɨ ha nyama lamaw àsaw àla gɨ àcn̰a lə mo?

Maana dɨnə Jesu duwa dɨ Luk jangɨdɨ 4:1

Dúndi dɨnə Mãr̰ĩ duwa ꞌwon Jesu dusɨw daa, me an̰ji so kal kuray gɨ Jurde di bam. Ɨr̰ɨ dúndi di wolɨw ha gandɨw bam dɨn dwar̰ɨ lə.

1 Timote 3:16

Əw, gwale gɨnə Mãr̰ĩ duwa gɨ də kalang dusɨrəndɨ dɨwə di, i gwale gɨ geche. Pii da, Mãr̰ĩ budɨw dodə me caga da, an̰ji gɨlɨw daa pɨden̰yə. Gwale sɨw gɨ ta di, wun i ya diri ba dɨ way nɨm ba da: Jesu Kris gɨra gɨl sɨw gɨdɨ gun gɨ gɨsage. Dúndi dɨnə Mãr̰ĩ duwa gɨlgɨ nare an̰ji ba i gun sɨw gɨ tɨba. Paja nənə Mãr̰ĩ duwa kaw, yərɨw me ca. Gɨ àsɨgɨ nare nə gɨndəgɨ jiga jiga pad sɨn̰a dɨdə ka berni duwa me, mana gɨ sɨn̰a gɨndɨdɨ lə pad da, nare kal dusɨrəgɨ dɨwə. Mãr̰ĩ uw yá nɨm daa ciri duwa dɨ ꞌyogdeyə dɨ an̰ji dam lə di.