Maana dɨnə Jesu duwa dɨ Luk jangɨdɨ 9:42 - Maktubu dɨnə Mãr̰ĩduwa gɨ bii gɨ chibne

⁴² Mana gɨ dwe di ilə hára dara ꞌywaa Jesu da, dúndi dɨ àcn̰e di uw ɨndəw dodə sɨn̰a lə me habdɨ me ca. Jesu ɨr̰ɨn̰ dúndi dɨ àcn̰e di gɨ dwana ba dɨmnə bam dwe di sɨwə. An̰ji so dwe di daa me yɨw ꞌyàw gandɨw abəw.

Maana dɨnə Jesu duwa dɨ Luk jangɨdɨ 9:42 ပူးပေါင်းရင်းမြစ်များ

Markɨ 9:20

Cendi walaw dwe di hára nɨm, me mana gɨ dúndi dɨ àcn̰e di ba dɨ bo dɨrədɨ ca yər Jesu da, tandi u dwe di gɨ dwana ɨndəw dodə, dwe di habdɨ dodə sɨn̰a lə, me bɨw kaw sugdɨ me ca.

Maana dɨnə Jesu duwa dɨ Luk jangɨdɨ 7:15

Aba mara di bɨw a daa, so dam daa me way gwale. Mwom da, Jesu wol dwe di ha ꞌyàdɨ iw.

Maana dɨnə Jesu duwa dɨ Luk jangɨdɨ 9:39

Me dúndi dɨ àcn̰e àlbɨwe. Wála gɨ swanaw mwom da, an̰ji soy gura me, dúndi di uw ɨndəw dodə me, habdɨ dodə, me bɨw sugdɨ le me, kalɨw kaláng bədə me ca. Àlɨw kalɨw i made bɨdə bá.

Maana dɨnə Jesu duwa dɨ Luk jangɨdɨ 9:41

Jesu waygɨ da: «Hay! ꞌYeni nare nə àcn̰e nə kal dusɨrəng dɨnnə bədə me nə gá! Nə ha dama gandang àla wála ɨndi na mo? Nə ha ꞌwóng dɨn bam bɨraa mindi na mo?» Ɨr̰ɨ an̰ji wayɨw abe di ba hane gɨ gorndɨw di kwa.

Maana dɨnə Jesu duwa dɨ Luk jangɨdɨ 9:43

Nare pad nə yər mani nə ta di, yɨbdɨ dɨdəgɨ dara Mãr̰ĩ ba i gun gɨ geche. Mana gɨ nare worgɨ lə yɨbə dɨdəgɨ lə dara mani nə Jesu àlgɨ̀ di sɨn̰ da, an̰ji waygɨ woni gɨrsə gwale duwa ba da: