Maana dɨnə Jesu duwa dɨ Luk jangɨdɨ 8:10 - Maktubu dɨnə Mãr̰ĩduwa gɨ bii gɨ chibne

¹⁰ Jesu waygɨ ba da: «ꞌYeni da, Mãr̰ĩ àl gandang ladni; an̰ji gɨləng gwale sɨw gɨ budə lə dara lama duwa gɨ dwãr̰ĩ di ɗɨm. Me nare nə ɗang da, nə waygɨ gandɨw i gɨ gwale gɨ diri. Yande da, cendi un̰bɨ me yər bədə, domən̰dɨ me doy bədə me ca.

Maana dɨnə Jesu duwa dɨ Luk jangɨdɨ 8:10 ပူးပေါင်းရင်းမြစ်များ

Matiyə 11:25

Mana gɨ ta lə da, Jesu wayɨw Mãr̰ĩ ba da: «Ay, Aban, aba ciri gɨ mani nə daa me nə dodə me i ɨsəwə, nə àlɨ́m dóche, dara nare woni dɨrɨn̰ naa me, nə woni ꞌwacn̰a mani me da, mə budɨgɨ mani nə ta di dodə, me cor mə gɨlgɨ gandagɨ i dine nə ꞌyəng daa cendi.

Matiyə 16:17

Mwom da, Jesu di wayɨw ba da: «Simõ gɨnə Jonas gorndɨw, mə dam i gɨ sii ꞌywala! Nə way yande dara i gun gɨ gɨsage me gɨləm gwale gɨ ta di bədə, me i Aban gɨ Mãr̰ĩ gaba dama daa di me gɨləm mani nə ta di an̰ju.

Markɨ 4:11

Me Jesu cogɨ lə diiyə waygɨ ba da: «ꞌYeni da, Mãr̰ĩ gɨləng gwale sɨw gɨ budə lə dara lama duwa gɨ dwãr̰ĩ di ɗɨm, me nare nə iche da, nə gɨlgɨ mani pad di i gɨ gwale gɨ diri.

Markɨ 4:12

Ta di me i mani nə aba cɨmə Mãr̰ĩ bɨw jangɨ nɨm gɨ gwale day pii mana gɨ Maktubu dɨnə Mãr̰ĩyə, me yala àlal nɨm. An̰ji way ba da: “Cendi un̰bɨ me yər bədə, domən̰dɨ me doy bədə, me ꞌwocn̰ gwale di gɨndɨw bədə me ca. I yande me cendi ha ꞌywaa gɨ bɨrmə gaba cwara nɨm Mãr̰ĩ sɨwə bədə, me Mãr̰ĩ kaw, ha kala dusɨw hɨlala àcn̰a day dɨwə bədə me ca.” »

1 Timote 3:16

Əw, gwale gɨnə Mãr̰ĩ duwa gɨ də kalang dusɨrəndɨ dɨwə di, i gwale gɨ geche. Pii da, Mãr̰ĩ budɨw dodə me caga da, an̰ji gɨlɨw daa pɨden̰yə. Gwale sɨw gɨ ta di, wun i ya diri ba dɨ way nɨm ba da: Jesu Kris gɨra gɨl sɨw gɨdɨ gun gɨ gɨsage. Dúndi dɨnə Mãr̰ĩ duwa gɨlgɨ nare an̰ji ba i gun sɨw gɨ tɨba. Paja nənə Mãr̰ĩ duwa kaw, yərɨw me ca. Gɨ àsɨgɨ nare nə gɨndəgɨ jiga jiga pad sɨn̰a dɨdə ka berni duwa me, mana gɨ sɨn̰a gɨndɨdɨ lə pad da, nare kal dusɨrəgɨ dɨwə. Mãr̰ĩ uw yá nɨm daa ciri duwa dɨ ꞌyogdeyə dɨ an̰ji dam lə di.