Maana dɨnə Jesu duwa dɨ Luk jangɨdɨ 7:22 - Maktubu dɨnə Mãr̰ĩduwa gɨ bii gɨ chibne

²² Ɨr̰ɨ, an̰ji cogɨ waygɨ nare nə Jã kɨjəgɨ di ba da: «Cwarna hana waynaw Jã di mani nə anə yərgɨ gɨ dɨrəng me, anə doygɨ gɨ sumdəng me di: Nare nə dɨrəgɨ bu kaw, cor yər mana me, nə majɨgəndɨ kaw, ha daa tɨba tɨba me, nare nə cagɨm àlgɨ kaw, cagɨm sɨr̰ɨbɨ bam sɨdəgɨ lə me, nə sumdəgɨ ɗugɨr kaw, doy gwale me, nə mare kaw, bɨdəgɨ agdɨ daa me, nare nə bugɨr kaw, gɨ waygɨ Nõ dɨ lade me ca.

Maana dɨnə Jesu duwa dɨ Luk jangɨdɨ 7:22 ပူးပေါင်းရင်းမြစ်များ

Matiyə 11:5

Nare nə dɨrəgɨ bu kaw, cor yər mana me, nə majɨgəndɨ kaw, ha daa tɨba tɨba me, nare nə cagɨm àlgɨ kaw, cagɨm sɨr̰ɨbɨ bam sɨdəgɨ lə me, nə sumdəgɨ ɗugɨr kaw, doy gwale me, nare nə mare kaw, bɨdəgɨ agdɨ daa me, nare nə bugɨr kaw, gɨ waygɨ Nõ dɨ lade me ca.

Matiyə 21:14

Mwom da, nare nə dɨrəgɨ bu me nə majɨgəndɨ me chidɨbə daa Jesu sɨwə ib ib hára ꞌyow ciri dwar̰ɨ dɨ kulu gaba bwasa Mãr̰ĩ ilə di, me an̰ji ꞌyàgɨ́ labiya.

Maana dɨnə Jesu duwa dɨ Luk jangɨdɨ 4:18

«Dúndi dɨnə Aba ciri gɨ Mãr̰ĩ duwa ilə gandɨn, dara an̰ji biyən tidɨrɨn swani dɨnnə dara ba nə waynagɨ nare nə bugɨr nõ dɨ lade. An̰ji giyən dara ba nə hane waynagɨ kòy nə gɨ layagɨ sayyə cendi ba ha kɨrara i daa ɗɨm me, an̰ji giyən dara ba nə hane waynagɨ nare nə dɨrəgɨ bu, cendi ba ha yara mana me, nare nə kwandagɨ gɨlgɨ dɨrəgɨ kaw, ba nə ha kɨdəgɨ daa me ca.

Maana dɨnə Jesu duwa dɨ Luk jangɨdɨ 7:21

Mana gɨ ta lə da, Jesu ilə swaa nare nan̰ daa mwom day gɨ dɨrəw jiga jiga lə me, majɨgani dayyə me, nə dúndi dɨ àcn̰e ilə sɨdəgɨ lə kaw, an̰ji ꞌyorgɨ gandɨdɨ bam me, nare nan̰ nə dɨrəgɨ bu kaw, yər mana me ca.

Maana dɨnə Jesu duwa dɨ Luk jangɨdɨ 7:23

Me gun gɨ dusɨw ina sɨr sɨr dɨnnə bədə da, an̰ji dam i gɨ sii ꞌywala.»

Maktubu dɨnə Jak duwa 2:5

Dwayna, chamran nə nə ùrgɨ nan̰: I nare nə kwandagɨ nə sɨn̰a dɨdə ka yərgɨ ba i burgədə woni ꞌywaa mani bədə me, Mãr̰ĩ an̰jirɨgɨ cendi ba kɨdɨnə woni ꞌywaa mani mana gɨ dusi day dɨ kala lə me ba dɨmnə hana ciri duwa dɨ an̰ji u bɨw way ba a ha ꞌyàgɨ́ woni ùrɨw di lə me ca.