Maana dɨnə Jesu duwa dɨ Luk jangɨdɨ 6:22 - Maktubu dɨnə Mãr̰ĩduwa gɨ bii gɨ chibne

²² Mana gɨ nare ɨlnəng labaa, ꞌywarnang bam sɨdəgɨ lə labaa, cadɨbɨnang labaa, myandɨnang sumdəng bam dara ɨndi gɨ Gun gorndɨw da, anə dam i gɨ sii ꞌywala.

Maana dɨnə Jesu duwa dɨ Luk jangɨdɨ 6:22 ပူးပေါင်းရင်းမြစ်များ

Matiyə 10:18

Gɨ ha hára gandang woni wama ciri dɨrəgɨ lə me dolgə dɨrəgɨ lə me dara daran ɨndi. I ta di me anə ha biyəgɨ gɨ gwale gɨ nə wayɨw me mani nə nə àlgɨ di me mana gɨ cendi dɨrəgɨ lə, me mana gɨ nare nə i Juwib bədə dɨrəgɨ lə me ca.

Matiyə 10:22

Nare pad ha ɨlənge dara daran ɨndi. Me gun gɨ yɨnə sɨw wàyna kalna dusɨw dɨnnə bɨraa ꞌyan̰a lə da, Mãr̰ĩ ha ꞌyàw bɨlə.

Matiyə 10:39

Gun gɨ ùrnə bɨlə gɨ sɨw duwa dodə sɨn̰a dɨdə ka da, an̰ji ha nwala bɨlə duwa gaba dama gɨ dɨrəw bɨr̰ɨn̰ di i bam, me gun gɨ gɨn̰ɨnə bɨlə gɨ sɨw gɨ sɨn̰a dɨdə ka di bam dara daran ɨndi da, an̰ji ha ꞌywaa bɨlə gaba dama gɨ dɨrəw bɨr̰ɨn̰ di le.»

Maana dɨnə Jesu duwa dɨ Luk jangɨdɨ 20:15

Me cendi yɨw surɨw ha nɨm bam iche daga di tarɨwə me, ꞌyəw bam.» Ɨr̰ɨ Jesu ùr nare di ba da: «Ina yande da, aba yiga di ha àla nare nə ta di man mo?

Maana dɨnə Jesu duwa dɨ Luk jangɨdɨ 21:17

Nare pad ha ɨlənge dara daran ɨndi.

Maana dɨnə Jesu duwa dɨ Luk jangɨdɨ 6:21

ꞌYeni nə cherni àlang caga ka da, anə dam i gɨ sii ꞌywala, dara anə ha wama mani ɨbdə le. ꞌYeni nə anə ilə bwaa gura caga ka da, anə dam i gɨ sii ꞌywala, dara anə ha piyə baya pəgɨn̰.

Maktubu dɨnə Jak duwa 1:12

Gun gaba yəə sɨw waya mɨjag mana gɨ mani woni gɨrsəw dwar̰agɨ lə da, dam i gɨ sii ꞌywala. Dara mana gɨ an̰ji ɗwayna wamani di bam mwom da, ha ꞌywaa kwan̰e gɨ i bɨlə gaba dama gɨ dɨrəw bɨr̰ɨn̰ gɨ Mãr̰ĩ u bɨw way dara ba a ha ꞌyàgɨ́ nare woni ùrəw di.