Maana dɨnə Jesu duwa dɨ Luk jangɨdɨ 11:1 - Maktubu dɨnə Mãr̰ĩduwa gɨ bii gɨ chibne

¹ Wála mɨn, Jesu dam ilə amsa Mãr̰ĩ mana gɨ mɨnnə. Mana gɨ amsa duwa di ꞌyen̰ bam da, aba gɨrsə gwale duwa mɨn gɨra ùrɨw ba da: «Aba ciri nin, gɨlnin amsa gɨ Mãr̰ĩ di, ya Jã Batis ba gɨlgɨ gɨ woni gɨrsə gwale duwa de me.»

Maana dɨnə Jesu duwa dɨ Luk jangɨdɨ 11:1 ပူးပေါင်းရင်းမြစ်များ

Maana dɨnə Jesu duwa dɨ Luk jangɨdɨ 10:42

Ɗɨm da, mani mɨn tenene me i nə lade nan̰ cendi. Mari ɓɨr̰ə dɨra i mani nə lade di, me gun ha chabagɨ bam ɨsədɨ lə bədə.»

Maana dɨnə Jesu duwa dɨ Luk jangɨdɨ 11:2

Jesu waygɨ da: «Mana gɨ anə dara amsa da, wayna da: “Abɨranin gɨ Mãr̰ĩ, kal nare ꞌwacn̰ana dara sumɨm ba wun i mɨnaw jiga. Kal wála dɨma gaba lama dwãr̰ĩ di hane ɗɨm.

Maana dɨnə Jesu duwa dɨ Luk jangɨdɨ 6:12

Wála mɨn da, Jesu so nagɨ ha daa kur̰a dɨdə dara amsa gɨ Mãr̰ĩ. An̰ji amsɨ Mãr̰ĩ di bɨraa mana walɨw daa baj.

Maana dɨnə Jesu duwa dɨ Luk jangɨdɨ 7:13

Mana gɨ Aba ciri gɨ Jesu yər aba mara di iw da, dɨrəw ꞌyəngɨw me waydɨ ba da: «Kal nulə ɗi.»

Maana dɨnə Jesu duwa dɨ Luk jangɨdɨ 7:19

me giygɨ ba hana ùrnə Aba ciri gɨ Jesu an̰ju ba i gun gɨ woni cɨmə Mãr̰ĩ bɨw nə pii ba way ba hára lə di labaa, ba gɨ ɓyadɨna i gun gɨ ɗang mo?

Maana dɨnə Jesu duwa dɨ Luk jangɨdɨ 9:18

Wála mɨn, Jesu ilə amsa Mãr̰ĩyə bam hin̰e me, woni gɨrsə gwale duwa ilə gandɨw me ca. An̰ji ùrgɨ ba da: «Caga da, nare nə gɨr̰e di way ba nə i wi ɓag mo?»

Maana dɨnə Jesu duwa dɨ Luk jangɨdɨ 9:28

Mana gɨ Jesu way gwale gɨ ta di nem ya wála dunasɨr de da, an̰ji wol Piyer me Jã me Jak me, cendi nagɨgɨ ha daa kur̰a dɨdə dara amsa gɨ Mãr̰ĩ.