Maana dɨnə Jesu duwa dɨ Luk jangɨdɨ 1:76 - Maktubu dɨnə Mãr̰ĩduwa gɨ bii gɨ chibne

⁷⁶ Caga da, ɨjɨm gɨ gorndɨn di, gɨ ha ꞌwagam aba cɨmə Mãr̰ĩ gaba dama mani pad dɨdəgɨ lə bɨw, dara mə ha hára pii Aba ciri dɨrəwə dara ɗangr̰aw gɨ bɨrmə duwa.

Maana dɨnə Jesu duwa dɨ Luk jangɨdɨ 1:76 ပူးပေါင်းရင်းမြစ်များ

Matiyə 14:5

Yande mwom da, Erod di ùr ba ꞌyə Jã di le, me an̰ji lán̰gɨ i nare, dara Jã di, cendi ɨrmɨw ba i aba cɨmə Mãr̰ĩ bɨw.

Matiyə 21:26

Me də waynang ba i nare nə gɨsɨgədə da, də lán̰gɨ ɨnda i nare nə gɨr̰e di, dara cendi pad ɨrɨm dara Jã ba i aba cɨmə Mãr̰ĩ bɨw.»

Matiyə 3:11

Ɨr̰ɨ Jã waygɨ nare nə gɨr̰e ba da: «Ɨndi da, nə àlang batem i gɨ nimi, gɨl dara anə banə kala mani dan nə àcn̰e di bam me anə banə yala ꞌyo i Mãr̰ĩ ɗɨm. Me tarɨnnə da, gun gɨ ɗang gɨ dwana duwa ɗoy dɨ ni bam hára lə. Gun gɨ ta di i gɨ geche gɨ ɨndi da, nə nem àsa dɨgɨlan mana gɨ dɨgɨlaw duwa dɨ an̰ji àsɨdɨ dodə dɨdə bədə. An̰ji duwa da, ha hára àlang batem i gɨ Dúndi dɨnə Mãr̰ĩ duwa me gɨ dùwa me ca.

Matiyə 3:3

Aba cɨmə Mãr̰ĩ bɨw gɨ Esayi waya pii dara mani nə Jã ba ha àlagɨ̀ di. Esayi way ba da: «Gun soy berni mana gɨ dɨn dwar̰ɨ lə ba da: “Aba ciri gɨ Mãr̰ĩ hára lə! Ɗangr̰ɨnaw bɨrmə, kalɨw a inə i tɨba!”»

Markɨ 11:32

Me də waynang ba i nare nə gɨsɨgədə da, i na gaa ha àlandɨ som?» Cendi lán̰gɨ i nare nə gɨr̰e di dara nare nə pad di ɨrɨm dara Jã di ba i aba cɨmə Mãr̰ĩ bɨw ꞌyang.

Maana dɨnə Jesu duwa dɨ Luk jangɨdɨ 1:32

An̰ji ha ꞌya i gun gɨ geche me, gɨ ha ꞌwagaw Mãr̰ĩ gaba dama mani pad dɨdəgɨ lə gorndɨw, me Aba ciri gɨ Mãr̰ĩ ha chə́w gage gɨ dwãr̰ĩ gɨnə mwáw gɨ Dabid duwa dɨwə me ca.

Maana dɨnə Jesu duwa dɨ Luk jangɨdɨ 1:35

Paja di codɨ waydɨ ba da: «I dúndi dɨnə Mãr̰ĩ duwa me ha chə́ə dɨyyə, me Mãr̰ĩ gaba dama mani pad dɨdəgɨ lə dwana duwa ha àla giyə sɨyyə me ca. I dara yande me, dwe gɨ də ha yàw di, ha ꞌya i gun gɨnə Mãr̰ĩ duwa gɨ wun mɨnaw jiga, me gɨ ha ꞌwagaw Mãr̰ĩ gorndɨw me ca.

Maana dɨnə Jesu duwa dɨ Luk jangɨdɨ 6:35

Ɨr̰ɨ ꞌyeni da, ùrnə woni mar̰ande danne me àlna gandagɨ ladni me ca. Anə ꞌwánaw gun mani da, ɨrmɨnə dara ba cwanang daa bá bədə. Anə àlna yande mwom da, Mãr̰ĩ ha ꞌywagang gwayni dan nan̰a le, me anə ha ꞌya i Mãr̰ĩ gaba dama mani dɨdəgɨ lə pad dɨndaw, dara an̰ji kaw i aba àla ladni gɨ nare nə gun ꞌyàgɨ́ mani kaw nem àláw dóche bədə me, nə dusɨrəgɨ ur̰in̰ me ca.