Kɨrara gɨ daa (Exode) 33:20 - Maktubu dɨnə Mãr̰ĩduwa gɨ bii gɨ chibne

²⁰ An̰ji wayɨw Moyis ɗang bi ba da: «Mə ha nyama yara dɨrən bədə, dara gun gɨ gɨsage da, ha nyama yaran me ha dama nɨm bɨ̀ra me bədə.»

Kɨrara gɨ daa (Exode) 33:20 ပူးပေါင်းရင်းမြစ်များ

Kɨrara gɨ daa (Exode) 24:10

Cendi yər Mãr̰ĩ gɨnə cendi nə Israyel day di. Me dodə gɨdawə da, mana wun ya ba gɨ ɗangr̰ɨw i gɨ kur̰a dɨ lade dɨ idɨ sumi dɨ ꞌyogdɨ nan̰ ya siyaya ba a ácn̰ nɨm ta de.

Kɨrara gɨ daa (Exode) 24:9

Targɨn̰ ɗang da, Moyis wol Arõ me, Nadab me, Abiyu me, nare nə Israyel nə dɨrəgɨ nagdɨ nə gɨnɨn̰ wurgɨsubu di me nagɨgɨ ha daa kur̰a dɨdə.

Kɨrara gɨ daa (Exode) 3:6

Ɨndi di, nə i Mãr̰ĩ gɨnə abam duwa. Nə i Mãr̰ĩ gɨnə Abɨraham duwa me, gɨnə Isak duwa me, gɨnə Jakob duwa me ca.» Me Moyis di budɨ dɨrəw le, dara lán̰a àlɨwe, an̰ji nem ꞌwoo dɨrəw daa yara gɨ Mãr̰ĩ bədə.

Kɨrara gɨ daa (Exode) 33:18

Moyis wayɨw Aba dama gɨ dɨrəw bɨr̰ɨn̰ ba da: «Nə amsɨm ɗe! Gɨlɨn ꞌywagda dɨma di, kal nə yər.»

Kɨrara gɨ daa (Exode) 33:23

Mwom da, nə ha ꞌwoo ɨsən bam dɨmmə me, mə ha yara i tarɨn. Me dɨrən da, gun ha nyama yaragɨ bədə.»

1 Timote 6:16

An̰ju mɨn me, dam bɨ̀ra mar bədə bɨr̰ɨn̰. An̰ji dam mana gɨ ácn̰e gɨ gun mɨn nem chidɨ lə sɨwə ib bədə. Gun mɨn mana gɨ nare dwar̰agɨ lə yərɨw gɨ dɨrəw bədə me, caga ka kaw, gun mɨn nem yaraw bədə sɨn̰ me. Kal nare pad ꞌwagɨnaw gɨ jilay. Dwana pad i ɨsəwə gɨ dɨrɨn̰ bɨr̰ɨn̰. Amen.