Kɨrara gɨ daa (Exode) 23:24 - Maktubu dɨnə Mãr̰ĩduwa gɨ bii gɨ chibne

²⁴ Me nare nə ta di, anə ha piyə gubɨrəng dodə domde day dɨrəgɨ lə bədə me, anə ha bwasagɨ bədə me, anə ha ꞌwoo bɨrmə day gɨ cendi uw dara bwasa gɨ domde day di bədə me ca. Me anə ha ichɨbə domde day di dúndɨrəgɨ bam me, anə ha cubə kur̰a dɨ gɨ jogdɨdɨ daa ɨrmɨdɨ dwama day di bam me ca.

Kɨrara gɨ daa (Exode) 23:24 ပူးပေါင်းရင်းမြစ်များ

Kɨrara gɨ daa (Exode) 20:3

Anə ha hɨrwə dwama ɨrməw mãr̰ĩ dara ɓaman nɨm bədə.

Kɨrara gɨ daa (Exode) 20:5

Anə ha piyə gubɨrəng dodə mani nə ta di dɨrəgɨ lə mɨlawdagɨ bədə, dara ɨndi Gaba dama gɨ dɨrən bɨr̰ɨn̰ gɨ nə i Mãr̰ĩ dan di, nə i aba halgɨni. Gun gɨ àlna mani nə hana lə bədə dɨrənnə da, nə ha àsaw wamani dɨwə. Me wamani gɨ ta di ha pama aba gɨn̰ən bam di bɨraa mage duwa nə dii subu lə labaa, nə dii wodɨ lə bá.

Kɨrara gɨ daa (Exode) 23:13

«Anə ha àsa angal dan ladɨ le mana gɨ gwale gɨ ɨndi gɨ Mãr̰ĩ nə wayang gandɨw pad di dɨwə. Hɨrwɨnə domde nənə nare nə ɗang day bədə me, gunə sumdəgɨ bɨdəngə bədə bɨr̰ɨn̰ me ca.

Kɨrara gɨ daa (Exode) 23:32

Me anə ha yəə mɨlan gɨ nare nə ta di bədə me, gɨ domde day bədə me ca.

Kɨrara gɨ daa (Exode) 23:33

Kalnagɨ damna gandang ciri dannə bədə. Dara cendi damna gandang da, cendi ha lamang bwang àla gɨ àcn̰a gandɨn dara anə ha bwasa domde day.»

Kɨrara gɨ daa (Exode) 32:20

An̰ji u labe gɨ dwe dúndɨw dɨ nare nə Israyel ɗangr̰ɨw di àsɨ dùwa lə me, yo gɨdɨ dɨbɨrɨn̰. An̰ji lay dɨbɨrɨn̰ di bodɨ nimiyə me ꞌyàgɨ́ nare nə Israyel di chə̀.