Kɨrara gɨ daa (Exode) 20:2 - Maktubu dɨnə Mãr̰ĩduwa gɨ bii gɨ chibne

² «Ɨndi di, nə i Aba dama gɨ dɨrən bɨr̰ɨn̰ gɨ nə i Mãr̰ĩ dan di. I ɨndi di me nə dɨməng bam sɨn̰a dɨ Ejibtɨ lə dɨ tanga anə àla kwaynani lə di.

Kɨrara gɨ daa (Exode) 20:2 ပူးပေါင်းရင်းမြစ်များ

Kɨrara gɨ daa (Exode) 13:14

Me mana gɨ ɗan̰ dɨndɨrang ùrnəng ba da: “Də àlang yande dana mo?” da, waynagɨ da: “I Aba dama gɨ dɨrəw bɨr̰ɨn̰ gɨ ɨsəw gaba dwana me, dɨməndɨ nɨm bam mana gɨ kwaynaniyə sɨn̰a dɨ Ejibtɨ lə.

Kɨrara gɨ daa (Exode) 13:3

Ɨr̰ɨ Moyis waygɨ nare nə Israyel ba da: «Kal dusɨrəng gunəng daa wála gɨ anə ganda nɨm bam mana gɨ kwaynaniyə sɨn̰a dɨ Ejibtɨ lə di dɨwə. Dara i Aba dama gɨ dɨrəw bɨr̰ɨn̰ di gɨ ɨsəw gaba dwana di me dɨməng nɨm bam. Me wála gɨ ta lə di da, mapa gɨ gɨ àlɨ̀w gɨ musbu da, anə ha wama bədə.

Kɨrara gɨ daa (Exode) 15:13

Gɨ dusi dɨma dɨ lade di, mə ɨndara nare dɨma nə mə kɨdəgɨ daa di dɨrəgɨ lə, dwana dɨma wolgɨ ha gandagɨ mana gɨ lade gɨ wun mɨnaw jiga gɨ mə dam lə di.

Kɨrara gɨ daa (Exode) 15:16

I ɨjɨm Gaba dama gɨ dɨrəm bɨr̰ɨn̰ di me, mə àl mani nə dan̰a gɨ ɨsəm gaba dwana me, lán̰a ɓugdɨgɨ nɨm dodə. Cendi kɨdɨ nare nə mɨm nem àla mani mɨn bədə, bɨraa nare dɨma ha cilangɨ bam bá do, nare nə mə kɨdəgɨ daa di ha gɨndəgɨ saw nɨm bam bá do.

Kɨrara gɨ daa (Exode) 15:26

An̰ji waygɨ ba da: «Anə àlna ɨndi Gaba dama gɨ dɨrən bɨr̰ɨn̰ gɨ nə i Mãr̰ĩ dan di bɨn me, anə àlna mani nə tɨba dɨrənnə me, anə àlna bii ni gɨ ꞌwoo di gɨ bɨrmə duwa ladɨ me, anə àlna mani pad nə nə ɨrməng gandagɨ di gɨ bɨrmə day bá bá me da, mwom gɨ nə bwagɨ nare nə Ejibtɨ ta di, mɨn tenene kaw, nə ha àsang gandɨw bədə bɨr̰ɨn̰. Dara i ɨndi Gaba dama gɨ dɨrən bɨr̰ɨn̰ di me, nə i aba swang daa mwom dannə ɨndi.»

Kɨrara gɨ daa (Exode) 20:1

Me gwale gɨ Mãr̰ĩ waygɨ nare nə Israyel di me i ta:

Kɨrara gɨ daa (Exode) 29:46

Yande mwom da, cendi ha ꞌwacn̰a dara ɨndi Gaba dama gɨ dɨrən bɨr̰ɨn̰ di, ba nə i Mãr̰ĩ day, ɨndi gɨ nə dɨməgɨ bam sɨn̰a dɨ Ejibtɨ lə dara ba nə dam lə dwar̰agɨ lə. Ɨndi Gaba dama gɨ dɨrən bɨr̰ɨn̰ di, ɨndi di me nə i Mãr̰ĩ day.»

Kɨrara gɨ daa (Exode) 6:6

Yande da, mə ha wayagɨ nare nə Israyel gwale gɨ sumɨn ba da: “Ɨndi di, nə i Aba dama gɨ dɨrən bɨr̰ɨn̰ di! Giyə gɨ wome gɨ nare nə Ejibtɨ chə́ng dɨdəngə ta di, nə ha kɨdəng daa dalawə. Nə ha kɨrəng daa kwaynani dɨ cendi ilə àlang gandɨdɨ lə ta di. Nə ha kɨrəng daa gɨ ɨsən gaba dwana me, nə ha agɨ sariya dɨ wome nan̰ me ca.