Kɨrara gɨ daa (Exode) 15:16 - Maktubu dɨnə Mãr̰ĩduwa gɨ bii gɨ chibne

¹⁶ I ɨjɨm Gaba dama gɨ dɨrəm bɨr̰ɨn̰ di me, mə àl mani nə dan̰a gɨ ɨsəm gaba dwana me, lán̰a ɓugdɨgɨ nɨm dodə. Cendi kɨdɨ nare nə mɨm nem àla mani mɨn bədə, bɨraa nare dɨma ha cilangɨ bam bá do, nare nə mə kɨdəgɨ daa di ha gɨndəgɨ saw nɨm bam bá do.

Kɨrara gɨ daa (Exode) 15:16 ပူးပေါင်းရင်းမြစ်များ

Kɨrara gɨ daa (Exode) 11:7

Ɗɨm da, nare nə Israyel ciri dayyə da, gɨ ha dwaya dogdə gurə gɨ gunnə bədə me, gurə gɨ mani nə paga lə bədə me ca. Ta di me anə ha ꞌwacn̰a dara ɨndi Gaba dama gɨ dɨrən bɨr̰ɨn̰ di ba nə àlang ꞌyeni nare nə Ejibtɨ mani nə jiga me, ba nə àlgɨ nare nə Israyel kaw mani nə jiga me ca.”»

Kɨrara gɨ daa (Exode) 15:13

Gɨ dusi dɨma dɨ lade di, mə ɨndara nare dɨma nə mə kɨdəgɨ daa di dɨrəgɨ lə, dwana dɨma wolgɨ ha gandagɨ mana gɨ lade gɨ wun mɨnaw jiga gɨ mə dam lə di.

Kɨrara gɨ daa (Exode) 15:5

Ku gɨnə nimi day gobɨ dɨdəgɨ lə, me cendi ɗondɨbɨ dodə nimi gɨndəgɨ lə ya kur̰a de.

Kɨrara gɨ daa (Exode) 15:6

Ɨjɨm Gaba dama gɨ dɨrəm bɨr̰ɨn̰ di, ɨsəm gɨ abe gɨlə dwana duwa. Ɨsəm gɨ abe dɨlan̰a woni mar̰ande dɨma ꞌyágɨ bam.

Kɨrara gɨ daa (Exode) 18:8

Ɨr̰ɨ Moyis kɨbɨw mwáw di mani pad nə Aba dama gɨ dɨrəw bɨr̰ɨn̰ àláw dole gɨ Ejibtɨ me, àlagɨ́ nare nə Ejibtɨ me, dara nare nə Israyel di. An̰ji kɨbɨw wamani pad gɨ ba gɨ ꞌywaw hára lə bɨrmə lə, me ba i gɨ bɨrmə gɨ man me, Aba dama gɨ dɨrəw bɨr̰ɨn̰ ba kɨdəgɨ nɨm daa di mo?

Kɨrara gɨ daa (Exode) 20:2

«Ɨndi di, nə i Aba dama gɨ dɨrən bɨr̰ɨn̰ gɨ nə i Mãr̰ĩ dan di. I ɨndi di me nə dɨməng bam sɨn̰a dɨ Ejibtɨ lə dɨ tanga anə àla kwaynani lə di.

Kɨrara gɨ daa (Exode) 23:20

«Dwayna, nə ha giyə paja ni gɨ daa mɨn ɨndarna dɨrəngə bɨrmə lə gamnang hana gandang dɨmnə mana gɨ sɨn̰a dɨ nə ɗangr̰ang gandɨdɨ lə di bá.

Kɨrara gɨ daa (Exode) 23:22

Anə dwayna gwale bɨwə me, anə àlna mani nə nə wayang gandagɨ di gɨ bɨrmə day me da, nə ha ꞌya i aba mar̰ande gɨnə woni mar̰ande dan pad day me, nə ha jara say gɨ woni jara gandang say me ca.

Kɨrara gɨ daa (Exode) 23:27

Mana gɨ anə gɨrnə sɨn̰a dɨ anə ilə hára lə di ib mwom da, nə ha bwagɨ nare dɨra lán̰a gɨndəgɨ lə. Nare pad nə anə ha hára dayyə ta di, nə ha cagdagɨ bam me, woni mar̰ande dan pad da, anə ha yara taragɨ gidiyə me ca.

Kɨrara gɨ daa (Exode) 6:7

Nə ha layang cwang nare ni me, nə ha ꞌya i Mãr̰ĩ dan me ca. I ta di me anə ha ꞌwacn̰a nɨm dara ɨndi di, ba nə i Aba dama gɨ dɨrən bɨr̰ɨn̰ gɨ nə i Mãr̰ĩ dan di, an̰ju gaba kɨdəng daa mana gɨ giyə gɨ wome gɨ nare nə Ejibtɨ chə́ng gandɨw dɨdəngə di dalawə.