Epes 4:6 - Maktubu dɨnə Mãr̰ĩduwa gɨ bii gɨ chibne

⁶ Mãr̰ĩ kaw, i mɨn tenene, an̰ji me i nare abɨragɨ pad, an̰ji lam dwãr̰ĩ nare dɨdəgɨ lə pad me, àl giyə nare sɨdəgɨ lə pad me dam lə nare sɨdəgɨ lə pad me ca.

Epes 4:6 ပူးပေါင်းရင်းမြစ်များ

Matiyə 6:13

Kal mani mɨn lamnanin bwananin àla gɨ àcn̰a lə bədə me kɨdɨnin daa Sidan ɨsədɨ lə. Dara dwãr̰ĩ me dwana me sumi gɨ ꞌwaga me i dɨma gɨ dɨrɨn̰ bɨr̰ɨn̰. Amen.

Matiyə 6:9

Dwayna i man me anə ha amsa Mãr̰ĩ mo: Abɨranin gɨ Mãr̰ĩ gaba dama daa, kal nare ꞌwacn̰ana dara sumɨm ba wun i mɨnaw jiga.

Epes 1:21

Mana gɨ ta lə da, an̰ji dam paja nə daa gechide day dɨdəgɨ lə me dúndi nə àcn̰e gechide day pad dɨdəgɨ lə me, sumɨw ꞌwogɨ ɗoy sumi gɨ ꞌwaga gɨ ɗang gɨnə mani nə caga ka day bam pad me, nə wara pii kaw day bam me ca.

Epes 2:22

I dara ɓamara dan gɨ Kris di daa mɨn dɨ me an̰ji ilə dáyang nɨm daa mɨn gɨ nare nə kal dusɨrəgɨ Aba ciri dɨwə nə ɗang, dara ba nə gɨdɨnə ya kulu gɨnə Mãr̰ĩ duwa gɨ an̰ji dam lə gɨ bɨrmə gɨnə dúndi duwa dɨra di.

Epes 3:17

Nə amsɨw ɗang bi dara Kris damna dusɨrəngə dara ꞌyeni da, anə kal dusɨrəng dɨwə me nə amsɨw dara anə bwana sabɨrang hana dodə cog mana gɨ dwaniyə me damna yɨnə sɨdəng lə wayna le me ca.

Epes 6:23

Kal Mãr̰ĩ gɨ i abɨrandɨ me Aba ciri ɨnda gɨ Jesu Kris me ꞌyànagɨ chamre woni kala dusɨrəgɨ Jesu Kris dɨwə hɨlala jwam me dwani me dusi dɨ kala me ca.