Epes 3:9 - Maktubu dɨnə Mãr̰ĩduwa gɨ bii gɨ chibne

⁹ Me ɗang da, ba nə biynəgɨ nare pad gɨndɨw daa pɨden̰yə, ba i man me mani nə an̰ju gɨ Mãr̰ĩ ba budɨgɨ dodə pii ɓɨg di. An̰ju gaba bwaa mani pad di ba budəgɨ dodə ɓɨgden̰ wála gɨ ba àsɨ gɨ sɨn̰a bá.

Epes 3:9 ပူးပေါင်းရင်းမြစ်များ

Matiyə 10:27

Gwale gɨ nə waynang gandɨw gɨ changa da, cwarna waynaw daa gɨ dawa ɗən̰ ɗən̰. Gwale gɨ nə àsɨ bɨn sumdəngə n̰amɨw nɨm kaw, nagɨna daa kulu dɨwə swajɨnaw gɨ berni daa pɨden̰yə me ca.

Matiyə 13:35

Ta di me i gwale gɨ tanga Mãr̰ĩ wayɨw aba cɨmə bɨw di me yala àlal kɨrab. An̰ji waya ba: «Nə ha gɨləgɨ mani i gɨ gwale gɨ diri, nə ha wayagɨ mani nə i budɨ lə ɓɨg wála gɨ nə diy gɨ mani gɨndəgɨ bá di daa.»

Matiyə 25:34

Targɨn̰ ɗang da, dole di ha wayagɨ cendi nə ɨsəw gɨ abeyə di ba da: “ꞌYeni nə Aban gɨ Mãr̰ĩ biy bɨw dɨdəngə di, hane damna ciri dɨ Mãr̰ĩ lam gɨ dwãr̰ĩ duwa lə. Ciri dɨ ta di, i dɨba dan dɨ an̰ji ɗangr̰ang gandɨdɨ ɓɨgden̰ diyə gɨ sɨn̰a gɨndɨdɨ lə bá.

Matiyə 28:19

Yande da, hana sɨn̰a gɨndɨdɨ lə pad: Cwana nare nə gɨndəgɨ jiga jiga pad kalgɨ gɨ kɨdɨnə woni gɨrsə gwale ni, me àlnagɨ batem gɨ Aban gɨ Mãr̰ĩ sumɨw me ɨndi gɨ Gorndɨw sumɨn me gɨ Dúndi duwa sumdɨ me ca.

Maana dɨnə Jesu duwa dɨ Luk jangɨdɨ 24:47

me, ba gɨ ha àsagɨ nare nə gɨndəgɨ jiga jiga nə sɨn̰a gɨndɨdɨ lə pad berni gɨ sumɨw duwa, dara cendi ba kalna àcn̰a day bam me ba hane ꞌywana Mãr̰ĩ, me an̰ji ba ha kala dusɨw hɨlala àcn̰a day dɨwə sɨn̰. Berni dɨ ta di, gɨ ha diyə gɨndɨdɨ i mana gɨ Jursalem.

Epes 1:4

Mãr̰ĩ piyndɨ mana gɨ sɨwə dara ba də kɨdɨnəng nare duwa dara də ɓamarang daa gɨ Jesu Kris di i pii pa gɨ an̰ji wor àsa sɨn̰a sɨn̰. An̰ji piyəndɨ yande dara ba də kɨdɨnəng nare nə dusɨrəgɨ wusɨbɨ nə mani nə àcn̰e hin̰e kaw ilə sɨdəgɨ lə bədə mana gɨ dɨrəwə. I dara dwani duwa di me

Epes 3:2

ꞌYang ꞌyeni da, anə doy gwale gɨ gɨ way dara dusi dɨ lade dɨ Mãr̰ĩ àl gandɨn me ꞌyàn giyə ɨsənnə dara, ba nə wanang nɨm lə di.

Epes 6:19

Amsɨna Mãr̰ĩ dara daran me ca, dara kalɨw a ꞌyànan gwale bɨnnə. Yande da, nə ha wayagɨ nare dɨban lán̰a, Nõ dɨ lade dɨ Mãr̰ĩ budɨdɨ dodə pii gwale dɨra.

2 Tesalonik 2:13

Chamranin, Aba ciri gɨ Jesu ùrəng nan̰ me, nenin da, giyə nin gɨ àla i àlaw gɨ Mãr̰ĩ dóche dɨban bwaa gɨ gwayni dara darang. Dara Mãr̰ĩ an̰jirang i ꞌyeni pii pa ꞌyàng bɨlə do me àsɨ sɨn̰a sɨn̰. Anə ꞌyo bɨlə di, i dara dúndi dɨnə Mãr̰ĩ duwa cwang kɨdəng nare nə dusɨrəng wusɨbɨ me, dara dusɨrəng dɨ anə kaldɨ gwale sɨw dɨwə di me ca.

1 Timote 3:16

Əw, gwale gɨnə Mãr̰ĩ duwa gɨ də kalang dusɨrəndɨ dɨwə di, i gwale gɨ geche. Pii da, Mãr̰ĩ budɨw dodə me caga da, an̰ji gɨlɨw daa pɨden̰yə. Gwale sɨw gɨ ta di, wun i ya diri ba dɨ way nɨm ba da: Jesu Kris gɨra gɨl sɨw gɨdɨ gun gɨ gɨsage. Dúndi dɨnə Mãr̰ĩ duwa gɨlgɨ nare an̰ji ba i gun sɨw gɨ tɨba. Paja nənə Mãr̰ĩ duwa kaw, yərɨw me ca. Gɨ àsɨgɨ nare nə gɨndəgɨ jiga jiga pad sɨn̰a dɨdə ka berni duwa me, mana gɨ sɨn̰a gɨndɨdɨ lə pad da, nare kal dusɨrəgɨ dɨwə. Mãr̰ĩ uw yá nɨm daa ciri duwa dɨ ꞌyogdeyə dɨ an̰ji dam lə di.