1 Timote 6:3 - Maktubu dɨnə Mãr̰ĩduwa gɨ bii gɨ chibne

³ Mana gɨ gun gɨlnə mani nə ɗang nə bwarna gɨ gwale gɨ ta di bədə me, an̰ji gɨn̰ə yəə gɨ gwale sɨw gɨnə Aba ciri ɨnda gɨ Jesu Kris duwa bam me, an̰ji gɨn̰ə mani nə də gɨlgɨ gandagɨ nare dara hára gɨnə gun duwa Mãr̰ĩ dɨrəwə bam me da,

1 Timote 6:3 ပူးပေါင်းရင်းမြစ်များ

Matiyə 22:21

Cendi wayɨw ba i dole gɨ geche gɨ Rom dɨw. Mwom da, Jesu waygɨ da: «Ladɨ! Yande da, mani nənə dole duwa da, ꞌyànaw dole di, me mani nənə Mãr̰ĩ duwa kaw, ꞌyànaw Mãr̰ĩ di le me ca.»

Matiyə 28:20

Gɨlnəgɨ kalgɨ gɨ àlna bɨn gɨ nə wayang gandɨw di bá bá. Me dwayna: Ɨndi da, nə ilə gandang gɨ wála wála bɨraa dɨr̰ɨn̰a ꞌyan̰a dɨra lə bá.»

1 Tesalonik 4:8

Yande da, gun gɨ gɨn̰ɨnə gɨsəni nin bam da, gɨn̰ i gɨsəni gɨnə gun duwa bədə me, gɨn̰ i gɨsəni gɨnə Mãr̰ĩ gaba ꞌyàng Dúndi duwa dɨ wuse di bam.

1 Timote 1:10

Bii gɨ ꞌwoo gɨ ta di, i dara abje woni kan̰ja namde dodə mad mad me namde woni kaya me, abje woni laya kwandagɨ abje ɨrməgɨ namdagɨ dɨdəgɨ me, i dara woni yɨbə kwandagɨ nare kwaynani kɨləgɨ bam me, woni saba kulagɨ me, woni ɗɨbə gwale day gɨ cendi sɨrgɨ gɨ sɨdəgɨ di dɨwə bədə dɨdəgɨ me ca. Mãr̰ĩ kal bii gɨ ꞌwoo di i dara nare woni àla mani pad nə bor gɨ gɨlə gɨ ɓag gɨ gɨ gɨlɨw di bədə dɨdəgɨ.

1 Timote 1:3

Wála gɨ nə so dara hára sɨn̰a dɨ Maseduwannə da, nə wayɨm ba mə damna lə ciri dɨ geche dɨ Epes di lə jang. Əw, dam lə jang ya ba nə wayam nɨm pii de, dara ɨməgɨ gɨ woni gɨləgɨ kwandagɨ gwale gɨ bor gɨ gwale gɨnə Mãr̰ĩ duwa bədə bɨrmə bam.

1 Timote 1:6

Nare nə mɨn gɨn̰ àla gɨ mani nə lade nə ta di bam me cendi nol bɨrmə di bam. Cor cendi wajɨ i gwale gɨ gɨndɨw ilə bədə jwab jwab.