1 Timote 1:1 - Maktubu dɨnə Mãr̰ĩduwa gɨ bii gɨ chibne

¹ I ɨndi gɨ Pol, paja gɨnə Jesu Kris duwa me, nə jangɨ maktubu dɨ ka di. I Mãr̰ĩ gaba bɨləndɨ me, Jesu Kris gɨ də kalang dusɨrəndɨ dɨwə ba a ha àlandɨ mani nə də ilə ɓyadagɨ lə di me, chɨ́n paja gɨnə Jesu Kris duwa, cendi.

1 Timote 1:1 ပူးပေါင်းရင်းမြစ်များ

Maana dɨnə Jesu duwa dɨ Luk jangɨdɨ 1:47

me sɨn ꞌyolɨn nan̰e mana gɨ Mãr̰ĩ ni dɨwə, dara an̰ji i aba bɨlən.

Maana dɨnə Jesu duwa dɨ Luk jangɨdɨ 2:11

Changa dɨ laba lə da, gɨ yàng aba bɨlə mana mɨn mana gɨ ciri dɨnə Dabid lə. I Aba ciri ɨnda, an̰ji i Dole gɨ Mãr̰ĩ biyəw gɨ Kris di.

2 Tesalonik 2:16

Aba ciri ɨnda gɨ Jesu Kris di gɨ sɨw duwa me Abɨrandɨ gɨ Mãr̰ĩ gaba ùrəndɨ nan̰ me gɨ dusi duwa dɨ lade da, hurandɨ abnani dusɨrəndɨ lə gɨ dɨrɨn̰ bɨr̰ɨn̰ me, ꞌyàndɨ ɨrmə gɨ lade me ca.

1 Timote 1:12

Nə àlɨ́w Aba ciri ɨnda gɨ Jesu Kris dóche dara an̰ji yərɨn ba nə i gun gɨ ba a nem kala dusɨw dɨnnə biyən chə́n aba àlaw giyə duwa me ꞌyàn dwana me ca.

1 Timote 2:3

Amsa gɨ Mãr̰ĩ gɨ ya ta de di da, i mani nə lade me ꞌyolɨw Mãr̰ĩ gaba bɨləndɨ di me ca.

1 Timote 2:7

Mãr̰ĩ con ɨndi gɨdɨn paja duwa me gun duwa gaba àsa berni waya mani nə ta di gwale day me ca. Nə way i gwale sɨw, nə saw i kulagɨ bədə. An̰ji giyən dara ba nə gɨlnəgɨ nare nə i Juwib bədə gwale sɨw, dara cendi ba kalna dusɨrəgɨ Jesu Kris dɨwə.

1 Timote 4:10

I sɨdɨ, də àlnang giyə me, də jarnang me da, i dara də kalang dusɨrəndɨ Mãr̰ĩ gaba dama gɨ dɨrəw bɨ̀ra dɨwə. An̰ji i aba bɨlə nare pad màa me, bɨl i woni kala dusɨrəgɨ dɨwə.