1 Tesalonik 4:3 - Maktubu dɨnə Mãr̰ĩduwa gɨ bii gɨ chibne

³ Mani nə Mãr̰ĩ ùrgɨ sɨdəngə da, ùr dara ba anə ina i nare duwa nə dusɨrəgɨ wusɨ me, anə banə àlna àcn̰a gɨ gichɨni bədə me ca.

1 Tesalonik 4:3 ပူးပေါင်းရင်းမြစ်များ

Matiyə 12:50

Dara gun gaba àla mani nə Aban gaba dama daa dusɨw ùrgɨ da, an̰ji me i chendɨn, i chidɨn, i in.»

Matiyə 15:19

Dara i mana gɨ gun dusɨw dɨ korgɨn̰yə me ɨrmə gɨ àcn̰e swaa lə: ꞌYáa gɨ gun gɨ ùrə dɨma me, kan̰ja gɨ jam dyaməw labaa, kan̰ja gɨ kondi tɨrədɨ me, delme dɨ idɨ kan̰ja namde labaa abje me, mĩyni me, sabaw gɨ jam gwale bwaw dɨwə me, widɨru me.

Matiyə 5:32

Me ɨndi da, nə wayang: Abe gɨ ꞌywarna dyaməw dɨ i gɨ abe gɨ ɗang bədə bam da, an̰ji nogdɨ ba hana àlna àcn̰a gɨ gichɨni. Ɗang da, abe gɨ unə deme dɨ tɨrədɨ ꞌywaradɨ bam da, an̰ji àl i àcn̰a gɨ gichɨni di me ca. I ya an̰ji kaw, ba i i gɨ jaw dyaməw de me ca.»

Matiyə 7:21

«Nare pad woni ꞌwagan ba “Aba ciri nin, Aba ciri nin” da, ha ganda ciri dɨ daa lə di bədə, me i nare woni àla mani nə Aban gɨ Mãr̰ĩ gaba dama daa dusɨw ùrgɨ di me ha ganda lə cendi.

Markɨ 3:35

Dara gun gaba àla mani nə Mãr̰ĩ dusɨw ùrgɨ da, an̰ji me i chendɨn, i chidɨn, i in.»

Epes 5:17

I dara yande me kalna kɨdə nare nə woni ɨrmə gwale bədə ɗi, ɗɨm da, ɨrmɨnə dɨdəngə ladɨ le dara ꞌwacn̰a mani nə Aba ciri ùrgɨ ba nə àlnagɨ di.

Epes 6:6

Anə àl woni ciri dan di bɨdəgɨ dara cendi ba yarnang me sɨdəgɨ ba ꞌywalnagɨ nɨm mɨra bədə, ɗɨm da, àlnagɨ yande dara ba anə i kòy nənə Kris duwa me, dara anə ùr ba anə àl i Mãr̰ĩ bɨw gɨ dusɨrəng dɨ mɨn me ca.

1 Tesalonik 4:2

Dara anə ꞌwocn̰ com, i gɨsəni gɨ Jesu Kris gɨsənin di me, nə gɨsəngnin nɨm me ca.

1 Tesalonik 4:4

Dwar̰angə da, kal wi kaw yarna deme mɨn unə me, damna gɨ bɨrmə gɨ tɨba Mãr̰ĩ dɨrəwə me, nare àsɨnagɨ nɨm gɨ sumi gɨ ꞌwaga dɨdəgɨ lə me ca.

1 Tesalonik 5:18

Ina i mani nə we weyə kaw, àlnaw Mãr̰ĩ dóche. Ta di me i mani nə an̰ji ùrgɨ dara nare nənə Jesu Kris duwa ba àlnagɨ di.

1 Tesalonik 5:23

Kal Mãr̰ĩ gaba hɨlala jwam di gɨ sɨw duwa kɨdɨnəng nare nə dusɨrəgɨ wusɨbɨ her her me, gamna doni dan me, ɨrmə dan me, dúndɨrəng me ca, dara wála gɨ Jesu Kris cwara duwa lə da, gun ha àsang gwale dɨdəngə bədə.

2 Tesalonik 2:13

Chamranin, Aba ciri gɨ Jesu ùrəng nan̰ me, nenin da, giyə nin gɨ àla i àlaw gɨ Mãr̰ĩ dóche dɨban bwaa gɨ gwayni dara darang. Dara Mãr̰ĩ an̰jirang i ꞌyeni pii pa ꞌyàng bɨlə do me àsɨ sɨn̰a sɨn̰. Anə ꞌyo bɨlə di, i dara dúndi dɨnə Mãr̰ĩ duwa cwang kɨdəng nare nə dusɨrəng wusɨbɨ me, dara dusɨrəng dɨ anə kaldɨ gwale sɨw dɨwə di me ca.