Gagalo euda Iesu Keriso umanawa Mak girumalena 9:17 - Kanasi

¹⁷ Mo uduudu sape eneia bedeuwo sou dea Iesu sipoasane wanase, “Debamamba, aleu kadiwa ne otona bedewe wandio aiawa mai waipona, moawa potawa os wandia banlene e manawo winepona insene winen.

Gagalo euda Iesu Keriso umanawa Mak girumalena 9:17 ပူးပေါင်းရင်းမြစ်များ

Matiu 12:22

Ema aupe mo apana dea banlene Iesu mampe wimon. Apana sa ipa emawa ita moawa potawa, ipawa me bedewe aleu kadiwa wandie. Ita Iesu me ewene inasano gagalo wan ita do sala ewen.

Matiu 17:15

wane wanase, “Tatamba, ne otona nuaparewaitaa, me walamawa wisedio uwawa koakoaleide ita poka debama etede. Me guriboboleidie ia iilala ita esa bedewe omedie aleide.

Matiu 9:32

Apana ema nata antoioma apana isiwa sou moawa potawa banlene Iesu mampe wimoiena. Me mai gagalolepia rua, ipawa aleu kadiwa me bedewelene wandie.

Gagalo euda Iesu Keriso umanawa Mak girumalena 10:13

Apana isiwa otooto kerakera banlamone Iesu mampe wimoiena me witapa mo osouwo itupie sau euda wanamopia baiwa. Wawe alala mo epe dewantoio ewamone apana onau wane bodamoiena.

Gagalo euda Iesu Keriso umanawa Mak girumalena 5:23

nuawa uduudu mampe Iesu iririsane wanase, “Winea, ne anona kerauda bo baiwaleide, ne menanedia e witaa osowe ituwo inalepi.”

Gagalo euda Iesu Keriso umanawa Mak girumalena 7:26

“Ne menanedia anona bedewe aleu kadiwa wandia tanawo nosepie nambelepi.”

Gagalo euda Iesu Keriso umanawa Mak girumalena 9:16

Ita me mo waitaramone wanase, “Edima osowe gagaloitile diadiaitilana?”

Gagalo euda Iesu Keriso umanawa Mak girumalena 9:18

Tane e mape dia, sa baiwa e waawo alala diamona aleu kadiwa otona bedewe wandia tanapono nosepona. Tane mo mai dewasapona rua, dia. Ne otona ema epe dewaleide: Walama isiwa me wandia euda. Tane walama da bedewe aleu kadiwa otona bedewelena dewasadio dogo osowe omedie leusaituleidie guriboboleide. Ita moawe gusau wimoie, moawa totontoie etepa badoleidituwadio winede.”

Gagalo euda Iesu Keriso umanawa Mak girumalena 9:25

Ita mape apana uara mampontone ieio Iesu ewamone ita aleu kadiwa oto sa dewasadio asiwa ita moawa potaleidia badowa diene wanase, “Aleu kadiwa, oto ee noe nambe aitaa! Mai walama da leuite oto bedeweite kadisaa!”

Gagalo euda Iesu Keriso umanawa Luk girumalena 11:14

Walama dea Iesu apana gagalo wasiawaia donsan. Ita Iesu aleu kadiwa apana sa bedewe wandia badowa diena apana sa epiiepie nambelepi. Aleu kadiwa Iesu aiawa ruawalene apana eniene nambeleno aupe moawa potawa winedia aiawa wan. Apana uara sape eneia me gagaloleidio ewane nuaeu do memesaidantoiena.

Gagalo euda Iesu Keriso umanawa Luk girumalena 9:38

Mo auweia bedeuwo apana dea mukalene Iesu mampe wane wanase, “Debamamba, ne otona deaida baiwa iririedina wine ewee sausaa!

Gagalo euda Iesu Keriso umanawa Ion girumalena 4:47

Me Iesu Iudia ene Galili bedewe wisena umanawa etene ita Iesu mampe wisene iririsane wanase, “E ne nata ane Kapeanaum bedewe ita otona bo baiwaleidia inasaa.”