Gagalo euda Iesu Keriso umanawa Mak girumalena 14:58 - Kanasi

⁵⁸ “No eteitano me wanase, ‘Ne God duwa apana wadeiena kadisapatue tane walama natadea bedewe ne God duwa da mai apana witapo dewalala wadapatuwapio segalepi.’”

Gagalo euda Iesu Keriso umanawa Mak girumalena 14:58 ပူးပေါင်းရင်းမြစ်များ

Matiu 26:61

benemasikintone waienase, “Apana ema epe wane wanase, ‘Ne God duwa kadisapa ita walama natadea bedewe ne osowe wadapa.’”

Gagalo euda Iesu Keriso umanawa Mak girumalena 14:57

Tane mo isiwa sape waimoia enanawimone gagalowa da mampe Iesu wawusane waienase,

Gagalo euda Iesu Keriso umanawa Mak girumalena 14:59

Ita mo isiwa God duwa gagalowa sa benemawantoiena mai dealepona, dia.

Gagalo euda Iesu Keriso umanawa Ion girumalena 2:19

Iesu mo sipoamone wanase, “E God duwa ema kadisanatuwapi, tane ne du ema sanaasape walama natadea bedewe osowe wadapa.”

Aposel 7:48

Tane God ionoidoa mai du apana witapo dewasaia bedewe wainipona, dia. No ema atentena, ipawa peroweta bukawa bedewe God wadi wadiase,

2 Korint 5:1

No insaisamba dima ewasiawaia bedewe ituitana, ipawa no atenten no etemba tauma do wainitana ipa ape rua, mai du badowa, dia. Tane etemba ape rua kadilepie dialepio God etemba sanaa nenepio bedewe wanta. Du ipa sa me meba dewasana winakasala uboa, mai apanaida witape wadapona, dia.

Ibru 9:11

Tane Keriso no Pirisimba ionoidoa wisen ita nitu uduudu eubu intawa aitamana sabamosan. Me God duwa kakaiwaida eudida bedewe odene alene simbialeide. Du debama uboa, sa ipa eudida mai du kakaila tawo ema mampea apana witapo wadeiena rua, dia.

Ibru 9:24

Keriso mai du kakaila apana witapo wadeiena bedewe odape alepona, dia. Du kakaila sa ipa dima uboo winedia aleupa os. Tane Keriso ubaida bedewe odene alene ita tauma wisedie no baimba God danawe enede.