Gagalo euda Iesu Keriso umanawa Mak girumalena 12:36 - Kanasi

³⁶ Aleu kakaiwa Dawid insaisawa waneno wane wanase, ‘Tatamba God ne Tatana mampe wane wanase, ‘Witana on deneuwe aisite wana ne ideita e wenawenaa nanausimope e waa atowe teamopatuwapi.”

Gagalo euda Iesu Keriso umanawa Mak girumalena 12:36 ပူးပေါင်းရင်းမြစ်များ

Matiu 5:35

Mai tawo nituwa da ebowa wae mampe soa kangorasaa, ipawa tawo ipa God wawa eimpadodempaa bolawa. Ita mai Ierusalem ebowa wae mampe soa kangorasaa, ipawa bola sa ipa warere debama God bolawaida.

Aposel 1:16

wane wanase, “Sosona, dima uduudu mapo buka bedewe Iudas, mida Iesu onawa apanawa me wadapua baiwa banlamona, umanawa girumalena God insaisawa rua ipawanalen. Dima Aleu kakaiwa warere Dawid moawe Iudas umanawa gagalolena ruaida segalentuwan.

Aposel 28:25

Mo muba insaisau natantono ita a baiwantoio Paul gagalo diasadie wanase, “Aleu kakaiwa peroweta Aisaia bedewe e nosinosila mampo wandewalen. Aisaia bukawa bedewe God wane wanase,

1 Korint 15:25

Tane tauma God insaisawa rua Keriso warerelempo ideita God wenawenawa uduudu me wawa atowemopi.

2 Timoti 3:16

Gagalo kakaiwa uduudu buka bedewe girumalena, sa ipa God insaisawa ulaipa wano etane insaisau bedeweleno inseiena rua girumantoiena. God aiawa, sa ipa eudida sumanai waeuwa baiwa, do kadi nibuasampe empaa baiwa, ita do dewa kiokiowa dodomanasampaa baiwa, do wanwan dodomana intawa waeuwalempaa baiwa.

Ibru 1:13

God mai ensel da diape waponase, “Witana on deneuwe aisite wana, ne ideita e emalawoa apanawa waa atowe teamopa.”

Ibru 4:7

Ambi no ema epe atentata? God walama da no odataa baiwa sonabene itun, ita walama sa me ebowa wadia Ande walamawa. Israelwa bubua bolawe mai odapona aupe ena uara dialeno God Dawid moawe gagalolene wanase, “Ande, walama ema bedewe e God aiawa etonune nuala mai anatene badosana, dia!” Gagalo ema buka bedewe girumalena umanawa no bauta deawaa gagalowanten.

1 Pita 1:11

Tane Aleu kakaiwa mo bedeuwo wandia mukawa mampe Keriso poka etepie ita ema aupe sapawaida wadepia umanawa bauta benemanton. Mo dima Keriso Aleupa kakaiwa waeuwamodio ando walama dainea ita inainamba ambi segalepia donsapona baiwa banusaie.

2 Pita 1:21

Ipawa peroweta gagalou mai apanaida insaisawa bedewe wineipona, diaida. Tane mo Aleu kakaiwa bedeuwolene waeuwamono God umanawa benemanton.