Matiu 8:31 - Kanasi

³¹ sa baiwa aleu kadiwa Iesu iririsane waienase, “No atenten e tananea, sa baiwa no menanedia e waaubanewo nonete ane bono sa bedeuwo odate wanta.”

Matiu 8:31 ပူးပေါင်းရင်းမြစ်များ

Matiu 4:24

Ita Iesu benemawa sape debamalene Siria tawowa uduudu bedewe alentuwan. Sa baiwa apana sosou kerolala, poka daitada wadamodia, apana bedeuwo aleu kadiwa wanwanlala, bosulala isiwa ita apana tampu bobopa banlamone Iesu mampe wimono inamon.

Matiu 7:6

Nitu kakaila euda e manlawoa mai duba apanawa wanamona. E epe dewaitonuna, sa ipa ewaewa abo nitu kakaila euda elo wanamoipona, ba posarula bono mampo aubeipona rua. Naita e nitula da euda elo ba bono mampo aubena elo ba bono wimpue nitula sa euda ansisisapue epue e bailantopue adalepue siosawialepu.”

Matiu 8:30

Tane maidana bono uara labantoie leie,

Matiu 8:32

Ita Iesu mo diamone wanase, “Nolene aitana!” Aleu kadiwa Iesu aiawa ruawantone apana nata emone nomone antoiena bono bedeuwo. Ita bono uara sa daiwa antono doa numamon.

Gagalo euda Iesu Keriso umanawa Mak girumalena 5:12

Ita aleu kadiu Iesu iririsane waienase, “No menanedia bono sa bedeuwo ane wainenta.”

Gagalo euda Iesu Keriso umanawa Mak girumalena 5:7

Ita Iesu me diene wanase, “Aleu kadiwa apana ema bedewe wainiana ee noe nambe aitaa!” Me ema etene Iesu danawe imimpa emmisilene mukama siribabalene wane wanase, “Iesu, God ionoidoa Otopa, e mai nolaa da ne mainawo wineipona, dia. E God ebowa mampe sauanea mai kadineawo poka etapa!”

Gagalo Sabamolala 12:12

Seitan nanausane aneiena ita uboo taneieno uba en. Sa baiwa uba nuaeuitaa ita uboo wanwanlala uduudu nuaeuitana! Tane kadi rebarebaida iede tawo osowe wanwanlala do owa bedewe wainilana manlawo, ipawa Seitan e manlawo iede. God Seitan nolalepia walamawa kampaida os ituno me atenlen, sa baiwa me nuawa sigaida wade.”