Tane apana umanau God me perowetawa bedewee wadi wadiase, “Ne obaina.” Tane mo ipa apanaida. Ita Iesu mo ruaulene apanaida wanalen. Me poka etene ita bolen. Iesu epe dewalena, me mida bo mukawa wadedia, sa ipa kadi mamba Seitan, kadisapie nanausisapia baiwa. Ita do me bowa bedewee apana mo wanwambu uduudu bedewe bo sawa mo taudomodia inamopia baiwa.
Gagalo ema ipa ulaipa: Pue osinawa apana etepu mirawa nambesan, tane Iesu osinawa ipa mukawa debamaia, mai pue osinawa rua, dia. Iesu bedewe mai wawu da do, ita me Aleu wanwankasalala mukawa mampe meba etepa pulolene amona eudida God mampe itun. Ema mampe me no nuamba insaisawa dewawa bobopa mitedie eusadia, no God wanwankasalala simbiasantaa baiwa.