Matiu 20:30 - Kanasi

³⁰ Tane apana emau potawa nata inta waiwe waimoie Iesu tampointa wisene aleidio umanawa eteiena. Sa baiwa mo mukantone wane waienase, “Tatamba, Dawid Otopa, no nuaparembaite saunea!”

Matiu 20:30 ပူးပေါင်းရင်းမြစ်များ

Matiu 13:4

Ita me lawuru naumba laraimodio isiwa into nonosinton ita nene wimone ennaantoiena.

Matiu 15:22

Sape i dea wisene mukama Iesu apasane wane wanase, “Tatana, Dawid Otopa, nuaparenaitaa! Aleu kadiwa ne anona bedewe wandie dewasadio pokaida etede, mai rua!” Tane i sa mai Israel iwa, me bola Kanaan bedewe wanwanlala.

Matiu 20:31

Tane apana uara mo wadabuamone diamoiena dainantopu. Ita mo etanadabuasane osowe mukantone waienase, “Tatamba, Dawid Otopa, no nuaparembaite saunea!”

Matiu 21:14

God duwa bedewe apana emau potau ita apana etepu kiokiou Iesu mampe wimono me inamon.

Matiu 21:9

Apana Iesu danawe ita adiwe enane antoia mo aiau mukama wane waienase, “Osana, Dawid Otopa wadatapos! Euda me mampe mida God ebowe iediawo! Osana, God ionoidoa wadaposisate debamasata!”

Matiu 22:42

“E Keriso mida God sauawalen baiwa ambi inseilana, me mida otopa?” Mo sipoasane waienase, “Keriso ipa Dawid atanosiwa.”

Gagalo euda Iesu Keriso umanawa Mak girumalena 10:46

Iesu wawe alala do Ierusalemwa antoie into Ieriko bedewe wimone, bola sa eio apana uaraia wauwo waroromone antoie. Tane bola sa tampe Timias otopa emawa potawa ebowa Batimias inta waiwe iririleidie wandie.

Gagalo euda Iesu Keriso umanawa Luk girumalena 4:18

“Tatamba God ne sonabanene Aleupa kakaiwa osonawosana ne abolala apanawa nuaparentoia mampo Gagalo euda amonanteapo etapu. Ita me ne waaubaneno winena apana tautaulala dibura bedewe waimoia benemamopo dibura epue inantopu. Tane do waaubaneno winena emau potawa benemamopo inantopue sala ewapu, ita do waaubanena mo mida wanwankadikadintoio bola da gabemaniwa oniamodia benemamopo inantopue wampudewantopu.

Gagalo euda Iesu Keriso umanawa Luk girumalena 7:21

Mo me Ion waitarawa diane ene eneio mampo Iesu kerolala ita poka daitada etaetalala uara, do emau potantoia uara, ita do mo mida bedeuwo aleu kadiu waimoia inamontuwan.

Aposel 2:30

Dawid ipa God perowetawa dima God me sauasana atenlene do wandie. God nuawa uduudu mampe me sauasane wanase. ‘Ne dewasapo e atanosia dea aupaa wadepie warerelepi.’