Matiu 2:13 - Kanasi

¹³ Ware ene leuntone antoieno aupo Tatamba enseliwa auwen bedewe Iosep mampe segalene diene wanase, “Erod menasadia oto ema banusapie bosapia baiwaleide. Sa baiwa tauwadea enawie oto inawa do otamoe aitana Isibt bedewe wankasaitana ita ne dialepo ruawa leuitane winlena.”

Matiu 2:13 ပူးပေါင်းရင်းမြစ်များ

Matiu 1:20

Me nainai eewa insaisawaleidio Tatamba enseliwa auwen bedewe mampe segalene diene wanase, “Iosep, Dawid atanosiwa, Meri naisea, mai inguguraite ea! Me Aleu kakaiwa mukawa mampe bulen.

Matiu 10:23

Bola dea bedewe apana e kadilempa e tauwadea bola sa ene bola da bedewe aitane nolaitana. Ne ulaipa dialedina, e mai nolala dewasane Israel bolawa uduudu diasanuno Apana Otopa leulepi wisepi.

Matiu 2:12

Ema aupe tadino ituntoio God auwen bedewe diamona mo leuntopue bolau awa antompe mai Erod mampe antopue diadewasasapu, dia. Tane epue inta da inta bolauwo antopu. Ita mo God diamona ruawantone inta da asiasi leuntone bolauwo anton.

Matiu 2:14

Tatamba enseliwa Iosep diena rua tadina sawo me itu bedewe enenwisene oto inawa benemasano eteno mo oto wadane bola waimoia ene Isibt bedewe antoiena.

Matiu 2:16

Erod oto gagalowa anuwa wandi lewalene meba insene atenlen ware apanawa me lagasane ene antone wankasanton, sa baiwa me nuawa kadiidaleno wandie. Ita me nuawa kadiidaleno osowe sorodiawa waaubamona Beteliemwa antopue otooto mona sanaa uduudu sape muntoia ita ena nata bedewe waimoia epaboiamopu. Erod ware apanawa mampo warere debamawa kiporawa eweiena omowa etene atenlene enawa ruawalene otooto mona sa epaboiamon.

Matiu 2:22

Tane Erod boleno aupe me otopa Akeleus Iudia oniedi wandie. Tane mo antoie into Iosep ema umanawa etene Iudia awa saidalene dabualen. Me sape awa inguguraleidio Tatamba auwen bedewe diena mai leulepie Iudiawo alepi, dia. Ita me ene Galiliwa alene

Aposel 10:22

Mo me diane waienase, “No Rom sorodiawa debamawa Konelias waaubaneno e aa winen. Me apana euda dodomana, me God mampe sumanailala ita Iuswa uduudu me ebowa euda os wai. God enseliwa kakaiwa me mampe segalene diena e me duwe aite wasausawo etepi.”

Aposel 10:7

Ensel me epe diene ene aleno aupe Konelias nolawa dewalala nata ita Rom sorodiawa me atowe nolaleidie oniedia Iopa bedewe waaubamopia baiwa diamono mampe wimoiena.

Aposel 12:11

Ensel Pita ene aleno aupe meba enedie insaisa bedeweleno atenidalene insenase, “God enseliwa mainawo wiseno ewane insena abo auwen rua bedewe ne ensel sa ewedina. Tane sa dia! Ne tauma atenidanten, sa ipa Tatamba enseliwa wanaubeno mainawo wisene Erod kadi bedewe ituneno bonteapona sauneno dibura enaiane di nonen. Iuswa ne kadiwaida donsape bonteapono nuau eulepona anuwa waimoia mampe Tatamba enseliwa wanaubeno sauneno inanten.”

Aposel 12:7

Tane Pita tadina sawo dibura bedewe ituleidio Tatamba enseliwa sapawa debamawa do wisene sapa me ituleidiawo eintewano sapa wan. Ita ensel sa Pita tebipa epene wadamesasane diene wanase, “Tauwadea enawiea!” Me epe wadio seni Pita witape taumoiena pumpu wane ampe nonosinton.

Aposel 16:36

Me mo gagalou etene Paul diene wanase, “Rom gabemaniwa debamau gagalo wanaaubeiena ne e elepo dibura ene di nolene aitana. Mo epe waiena baiwa ne e waaubalepo nuala euda mampe aitana.”

Aposel 5:19

Ita mo sape waimoio tadino Tatamba enseliwa dibura duwa moawa wadenaubene aposel banlamono nomone antoiena.

Aposel 7:19

Warere sa no nosinosimba lagamone kadikadimone muka mampe Israel apanawa diamona mo muba obampuida gegelau nambe teamopuo bontopu, mai inawaa wampu.

Gagalo Sabamolala 12:14

Tane me mai i wadapona rua, dia. Ipawa God nene Inamoia debamaia mabupa nata i ampe teamon me lapopolepie naepe God me baiwa bola imaasanawo sala makowa bedewe alepi. Me uaboa 42 sape waimpo dima menasadia mampe oniempa. Ita duragon, sa ipa mota tontawa, mai donsapie wadepia rua, dia.

Gagalo Sabamolala 12:4

Duragon sa me wedopa mampe kipora waiwa natadea bedeuwo waiwa dea bedewe kipora uduudu weweramone epaaubamono tawo osowe nomoiena. Ita duragon i bulena oto mulepia baiwaleidia mampe alene danaweido enedia, oto muleipono adapaboe napona baiwa.

Gagalo Sabamolala 12:6

Ita i duragon sawalene weuwane sala makowa bedewe bola God me baiwa imaasanawo alen. Me sape God insaisawa rua walama 1,260 waimpo dima menasadia rua mampe sausampe oniempa.