Matiu 11:21 - Kanasi

²¹ “Ne dialedina, e Korasin ita Betisaida apanawa kadi rebarebaida donsane pokawa etaidasana! Ginasa pokawaau e bolalawo dewamoieno ewamole mai sumanaitape God mampe dodomanaitapona, dia. Naita ginasa pokawaau e ewamolana rua Taire ita Saidon apanawa ewamopono mo mapo kadiu bedewe insaisau leusape dodomanantopona. Ita mo kadiu epona eueuwa dewasaipe garau kadiu taumoipe isana totontoipe nuaparentoipe waimoipona.

Matiu 11:21 ပူးပေါင်းရင်းမြစ်များ

Matiu 11:22

Kotu walamawe Taire ita Saidon apanawa matangelau pokawa etapu, mai dia. Tane e Korasin ita Betisaida apanawa kotu walamawe matangelala rebarebaida osolawolepio poka etaidasana, mai Taire ita Saidon apanawa ruau.

Matiu 15:21

Tane Iesu Israel tawowa ene Taire ita Saidon bolau kerakera bedeuwointa alen.

Matiu 18:7

Ambi kadiwa rebarebaida tawo apanawa baibu mo mida sumanailala banlakadisamoio sumanaibu eie omeia. Dewa ema ideita segantopu, tane ambi kadiwa rebarebaida apana mida dewa ema dewamoio segantoia mampo.

Matiu 26:24

Apana Otopa mampe epe segalepio bolepi, me umanawa buka bedewe girumaleno winedia rua. Tane me mida Apana Otopa dabuasapie laga mampe kotu apanawa mamposapia me matangela rebarebaida donsapie poka etepi! Poka sa etepia sawa eulena inawa me gamowa epona.”

Gagalo euda Iesu Keriso umanawa Mak girumalena 6:45

Nana dialeno Iesu wawe alala diamone wanase, “E waa bedewe odane nawane doa waiwa dawo bola Betisaidawo aitonuno ne apana ema uaraia waaubamopo bolauwo antompo walawo wimpa.”

Gagalo euda Iesu Keriso umanawa Mak girumalena 7:24

Ita Iesu waeuwaleidia ene alene bola debama Taire mampelene bola kerakera bedewainta wandi leidie. Sape me du dea bedewe odene wandie mai menasapona apana atensapu, dia. Ita me weregalepona mai rua, me benemawa debamaleno apana uduudu eteiena.

Gagalo euda Iesu Keriso umanawa Mak girumalena 7:31

Iesu tawo Taire ene Saidon bedewainta doa Galili mampelene tawo Dekapolis bedewainta aleidie.

Gagalo euda Iesu Keriso umanawa Mak girumalena 8:22

Iesu wawe alala do nawane antone bola Betisaida bedewe wimoiena. Sape apana isiwa sou emawa potawa banlene Iesu mampe wimone iririsaiena me ibuwa wadapono inalepona baiwa.

Gagalo euda Iesu Keriso umanawa Luk girumalena 4:26

Peroweta Elaia omana walamawa sawo wandie, tane God me mai diapona no obuobumbaida mampo alepe saumopona, dia. Tane God Elaia wanaubeno bola da nambea Sarepatiwa Saidon bedewe alen. Sape i dea obulene nuapareidalene wandia sausan.

Gagalo euda Iesu Keriso umanawa Luk girumalena 6:17

Me aposeliwa sonabamone do wadiwae iane antone bola apuapua osowe nomoiena. Tane sape Iesu warorowa uaraia ita do apana da uara auwenatuwaiena. Mo Iudia bolawa uduudu bedewe wanwanlala wimoiena. Ita do Ierusalemwa wanwanlala uara ita owa tampea bola debama ebowa Taire ita Saidon bedeuwo wanwanlala Iesu awa wimoiena.

Gagalo euda Iesu Keriso umanawa Luk girumalena 9:10

Aposel Iesu waaubamona leuntone Iesu mampe wimone dima uduudu mo nolawantoiena benemasaieno eten. Me mo benemau etene mo os do bola dawo antopue muba waimompaa menasano mo banlamono do bola Betisaida bedewe antoiena.

Gagalo euda Iesu Keriso umanawa Ion girumalena 1:44

Tane Pilip Betisaida apanawa, bola sa ipa Endru Pita nata bolau dea.

Gagalo euda Iesu Keriso umanawa Ion girumalena 12:21

Ita Girik apanawa sa iririu wadane Pilip mampe antone diane waienase, “Somba, no Iesu ewate do gagalontataa menaidanede. Banlanewo ane ewata!”

Aposel 12:20

Walama sawo Taire ita Saidon apanawa Erod do diadiantoiena ita me nuawa kadiidalen mo mampo. Nuakadikadi sa osowe bola sa apanawa awodeantone gagalontona me mampe antopue gagalo dodomanasapu. Mo mai tauwadea Erod mampe gagalo awa antopona, dia. Mo bauta me nolawa dewalala nuawea ebowa Balasitus iririsaiena me saumopie Erod mampe mo baibu gagalolepie nuawa wadaaisisapio dodomanalepio mo iririu etepie ruawalepi. Mo Erod do gagalontopue wanwambu eulepia menamodia, ipawa Erod bola oniamodia bedewe nana debama wineio mo wadeie waimoi. Ita mo me mampe antone do gagalo dodomanasaiena.

Aposel 27:3

No antite imonemba bola Saidoniwa odatana. Sape Iulius nuawa euda mampe Paul sausane me eno alen sosowa mampo dima menasadia rua wanapua baiwa.

Iud letawa sumanailala mampo girumalena 1:11

Mo ando kadiwaida rebareba donsapu! Apana Kein dewalena ruawa deawaa mo dewantoi. Do mo mane debama donsapona baiwa peroweta lagawaa Balaam dewawa kadiwa bedewe insaisau ituie baiwaidantoie waimoi. Apana ebowa Kora sala makowa bedewe Moses aiawa wandabuasana ruawa mo tauma deawaa dewasai, ita me ruawa kadi donsai.

Gagalo Sabamolala 11:3

Ita ne perowetana nata mida benemana waia ne diamope inta wadapaaubepa mo baibu. Ita mo antopue muka do benemana wampo walama 1,260 dialepi. Mo mai bena euda benantopue antopu, dia, tane mo kadi segalepia eueuwa baiwa gara kadiwa imbu taumopu.”

Gagalo Sabamolala 6:12

Sip sanaa buka lomiwa namba 6 wadediaubedio ewedinee. Ita wanatata debamaia wiseno omo dubalene sala iwinidalen ita uaboa bumena ewaewawa osina ruawa segalen.