Gagalo euda Iesu Keriso umanawa Luk girumalena 4:25 - Kanasi

²⁵ Elaia wandia walamawe God dewasano unu mai da wapona enawa natadea sawano dialen. Ita sape nana uduudu diantontuwano apana omanatoboiamono waimoie. E mai insenase walama sawo no bolamba Israel bedewe obuobu dia, tane obuobu ipa uaraia nuaparentoie waimoie.

Gagalo euda Iesu Keriso umanawa Luk girumalena 4:25 ပူးပေါင်းရင်းမြစ်များ

Matiu 20:15

Mane ne os mainawoa nola dewalala malesamodina, ne neba insaisana rua dewasapa, e di momoduitiana. Ne apana amonala dewana euda osowe e epe dewaitiana, ba?’”

Gagalo euda Iesu Keriso umanawa Luk girumalena 10:21

Iesu gagalo sa diamontue aupe Aleu kakaiwa nuaeuwawa me nopeidosano Mamba wadaposisane wane wanase, “Mako, e uba ita tawo onioniau mamba wainiana. E gonaa umanawa ita mukaa ita atena uduudu ne mainawosaano apana girumantoie aten debama wadeie asowawantoie waimoia mampo weregasaiano mai atentoipe waimoipona, dia. Tane otooto kerakera insaisau oauara rua waimoi laia mampo sabamosaiano atenidantoie waimoio nuana eudidaleide. E insaisaa euda meneedio rua dewasaiana baiwa ne wadaposiedina.

Paul letawa sumanailala Rom bedewe waimoia mampo girumalena 9:15

God me ipa dodomana os, ipawa me mapo Moses diene wanase, “Mida ne nuawadawada amonawa wanawanawa menanepia, ne ideita wanapaa rua. Ita mida ne nuaparewanteapaa menanepia, ne me ideita nuaparewanteapaa rua. Ne neba insaisana rua dewasadina.”

Paul letawa sumanailala Rom bedewe waimoia mampo girumalena 9:20

Ne apana sa diape wapaase, “Sona, e apanaida, dima baiwa e God aiawa sipoa epe leusaiana?” Eueuwa ema insea: Onta mai apana mida dewasadia diepie wapiase, “Dima baiwa epe dewaneiana?”

Epesus 1:11

God bauta insaisawa ituna rua dewa uduudu dewasadio segaleide, mai di segaleipona, dia. Ita God bauta insaisawa ituna rua no sonabanene dewaneno me apanawaida wananten. Sa ipa God menasana rua segalen.

Epesus 1:9

God menasana Keriso mampe me insaisawa dewasape diasapona. Ita me insaisawa sa bauta wadenitudeno apana mai atentopona, dia. Tane God me atemba debamaia mampe menasana dima wadenitudena walamawa euwa ituna osowe segalepono no atentepona. Sa baiwa me insaisawa no mainimbo sabamoidosano atenten. God insaisawa sabamosana ipa ema epe: Me ipa nitu uduudu uboo ita tawo osowe wineia awodeamopio uwau nepa dea, sa ipa Keriso, atowentopuo oniamompa.

Iems 5:17

Peroweta Elaia ipa apanaida no ruamba. Me nuawa uduudu mampe rauparilena unu mai wapi, ita uaboa 42 bedewe mai unu wapona, dia.

Gagalo Sabamolala 11:6

Peroweta ema muka wadeiena God benemawa wampaa walamawe uba bodapuo unu mai nosepi, dia. Do muka wadeiena owa, esa, ita maneu tawo osowe wineia dewamopuo osinantopu. Tane do muka wadeiena ita inseia ruawa poka daitada tawo osowe dewasapuo segalepia rua.