Gagalo euda Iesu Keriso umanawa Luk girumalena 12:35 - Kanasi

^35-36 Ita Iesu wawe alala diamone wanase, “Walama uduudu nola baiwa imaawaitonune ita siwala impo do wanlempa! E nola dewalala eubu mida mo debamau nainai odawa bedewe alena leulepie wisepia onioniawantoie waimoia ruauitana. Mo imaantoie waimoi mo debamau wisepie du moape kekesaralempo tauwadea os du moawa wadapuaubepue banlepuo odepi.

Gagalo euda Iesu Keriso umanawa Luk girumalena 12:35 ပူးပေါင်းရင်းမြစ်များ

Matiu 25:1

Iesu gagalo babawa da mo diamone wanase, “God gonaawa ipawanalempo Apana Otopa warere awa wisepia walamawe ema epe rua segalepi: Ioto sanaau uduudu 10 siwau otamone nomone nainai apanawa into donsapua awa antoiena.

Matiu 5:16

Epe rua deawaa e sapala mai weregasana, dia, tane eno sapa sa apana mampo sapa wapi. E epe dewaitonuno mo e dewala eubu ewapue ita e Mamala uboo wandia ebowa wadaposisapue sapaidasapu.”

Epesus 6:14

E ulaipa dewasanune do gagalowaitonune wanlempa, sa ipa e igala wadane nolawo taune leununa. God e dewaleno me do dodomanaiten, sa ipa e danala ita adila enabodawa euda badowaida taune enonuna.

Pilipai 2:15

Inta ema bedewe mai mida da kadi wawuwa dialepi, ita do mai mira da e bedelawo winepi. E sumanailala tawo ema osowe apana kadi dewalala kiokiou bedeuwo wainilana. Tane e ipa God obampaida, sa baiwa euda dodomana os dewasanune mo bedeuwo wanlempa. Ita Gagalo euda inaida nenedia amonaitonuna bedewe e kipora uba tampea ruau duba apanawa bedeuwo sapa wanuna.

1 Pita 1:13

God e inaida ema enalena baiwa insaisala imaasanune dodomana os wanlempa ita eba onioniadewaitonuna. Iesu Keriso sabamolepie wisepia walama osowe sau amonawa euda enalepi. Sa baiwa e insaisala dodomana amona euda me e enalepia bedewe itununa.