Kolosia 3:1 - Kanasi

¹ Tane ema insena: God e Keriso do awodea bo bedewe inaleno enalawilene e ina sanaa wadale bedewe wainilana. Sa baiwa dima uboo, Keriso Mamamba God witapa on deneuwe wandia bolawe, e baila imaala wineia bedewe insaisala itunune baiwaitonuna.

Kolosia 3:1 ပူးပေါင်းရင်းမြစ်များ

Matiu 22:44

‘Tatamba God ne Tatana mampe wane wanase, ‘Witana on deneuwe aisite wana ne ideita e wenawenaa nanausimope e waa atowe teamopatuwapi.”

Matiu 26:64

Iesu leusane wanase, “E eba ipa sa waiana! Tane ne e uduudu dialedina: E ando Apana Otopa God mukamukaua witapa on deneuwe waimpo ita do uba giouwa asiasi iompo ewana.”

Matiu 6:20

Tane adibala uwatauwa eba baila uboo adibaitana, naepe lalaa mai adibala kadisapu, ba puraiwa adibalala ninintopue kadintopua. Sape poiwaa adiba duwa mai epauke odapue pointopua rua, dia.

Matiu 6:33

Tane e bauta God gonaawa insaisawaitonuna do dima God menasadia baiwaitonuna, ita me nitu uduudu e menaledia enalempa.

Gagalo euda Iesu Keriso umanawa Mak girumalena 12:36

Aleu kakaiwa Dawid insaisawa waneno wane wanase, ‘Tatamba God ne Tatana mampe wane wanase, ‘Witana on deneuwe aisite wana ne ideita e wenawenaa nanausimope e waa atowe teamopatuwapi.”

Gagalo euda Iesu Keriso umanawa Mak girumalena 14:62

Ita Iesu me diene wanase, “Oa, ne ipa ema ewaneiana. Tane e ando Apana Otopa God mukamukaua witapa on deneuwe waimpo ewaidasana, ita do me uba giouwa asiasi iompo ewana.”

Gagalo euda Iesu Keriso umanawa Mak girumalena 16:19

Iesu mo gagalomono dialeno me wadenposie uboo odene alene God witapa on deneuwe aisidene wain.

Gagalo euda Iesu Keriso umanawa Luk girumalena 12:33

Puraiwa e manlawo wineia gimaramone ita manewa wadane apana nuaparelala wanamona. E eba baila mane petawa winakasala dewasana mai pumpu wapie dialepia, sa ipa adibala uwatauwa winakasalala eba baila uboo adibaitana. Sape poiwaa adiba duwa mai epauke odapue pointopua rua, ita lalaa mai adibala kadimopu, dia.

Gagalo euda Iesu Keriso umanawa Luk girumalena 20:42

Dawid me meba Sam bukawa bede wane wanase, ‘Tatamba God ne Tatana mampe wane wanase: Mape witana on deneuwe aisite wana.

Gagalo euda Iesu Keriso umanawa Luk girumalena 22:69

Tane ande ita ando Apana Otopa God mukawaa witapa on deneuwe wampi.”

Aposel 2:34

Iesu sa Aleu kakaiwa no nenena God witapa on deneuwe wande. Ita Dawid mapo ema umanawa wane wanase, ‘Tatamba God ne Tatana diene wane wanase, ‘Witana on deneuwe aisite wana.

Aposel 7:55

Tane Sitiwin Aleu kakaiwa nopesano emawa uboo odene ewadosadio God sapawaida ita Iesu God witapa on deneuwe enedio ewen.

Paul letawa sumanailala Rom bedewe waimoia mampo girumalena 8:34

Mida ando God sumanaiwalala kotumopi? Mai mida da, ipawa Keriso Iesu no baimba bolena bedewe no inanten. Tane mai sa os, dia. Me bo bedewe enenwisene tauma God witapa on deneuwe wandie iririleide no baimba.

Paul letawa sumanailala Rom bedewe waimoia mampo girumalena 8:6

Tane ete insaisawa banlanempa, sa ompawa ipa bo. Tane Aleu kakaiwa insaisawa bedewe wainenta sa ompawa ipa inaida ita wanwan euda obasa.

2 Korint 4:18

Tauma no insaisamba mai dima tauma eweitana bedewe ituipona, tane no insaisamba dima ibuwa ewasiawaia bedewe ituite wainitana. Ipawa nitu uduudu emambo ewamoitana ipa tauma os baiwa winei, ema aupe lawosantopue diantopu. Tane dima mai ewaewala ipa winakasalala, ando mai kadintopue diantopu, diaida.

Epesus 4:10

Me mida iena deawaa leulene odene alene uboo wain. Me epe dewalena nitu uduudu mampe me os uduudulepia baiwa.

Epesus 5:22

Ioto nainailala babadala atouwoitana ita atenidaitana sa ipa Tatamba baiwa dewasailana.

Kolosia 2:20

E sumanailala Keriso do boitene ita ina sanaa wadale bedewe wainilana. Sa baiwa tawo dewawa mukawa daitada mapo taudoledia tauma lotonaubeno me mukawa e osolawo mai wineipona, dia. Apana da wisepie kakaiwa itupie wapiase, “Ema mai dewasaa, ea! Sa mai naa, dia! Nitu sa mai wadaa!” E dima baiwa tawo dewawa anaanau epe ruau ipusia eteile ruawaitile dewamoilana, tawo dewawa mapo e taudolena wadadolede, ba?

Kolosia 3:2

Dima uboo wineia baibu insaisaitonuna, mai dima tawo osowe winamoia ewamonune insaisau wadonuna, dia.

Ibru 1:13

God mai ensel da diape waponase, “Witana on deneuwe aisite wana, ne ideita e emalawoa apanawa waa atowe teamopa.”

Ibru 1:3

God sapawaida me Otopa bedewe enditewade, mo nata ipa sapau deawaa os. God Otopa me Mamba inainamba ita dewawa uduudu otentuwan. God Otopa aiawa mukamukaua mampe dewa uduudu wadadomodio badowa winei. Me bauta meba osinawa mampe apana kadiu mitenauben. Ema aupe me tawo ema ene odene alene uboo God debamawaida witapa on deneuwe aisidene waine wande.

Ibru 10:12

Tane no Pirisimba Keriso kadi pulowa dea os deasane walama uduudu baiwa itun. Me nolawa diasane aupe me God witapa on deneuwe aisidene waine wande.

Ibru 12:2

No weuwante bedewe Iesu ewadosante antonta. Tane Iesu, me ipa no sumanaimba bumpa ita ompa. Me nuaeuwa debama winedia ewene baiwa koros pokawa etedie do koros osowe bowa malawa mai insepona. Ita ompa osowe me God kolaiwatawa on deneuwe aisidene wain.

Ibru 8:1

Insena, gagalo ema ipawaida ema epe: No Pirisimba ionoidoa ipa debamawaida, me uboo God mukawaaida kolaiwatawa witapa on deneuwe winedia osowe wande.

1 Pita 3:22

Keriso bo bedewe enenwisene aupe uboo odene alene God witapa on deneuwe aisiden wain. Ensel ita uboo wanwanlala mukamukaua uduudu ipa me atowe.