Kolosia 2:2 - Kanasi

² Ne epe badowa nolantedina, ipawa ne menanedia sumanailala uduudu nuau badolepio ita nuawadawada mampe ete dea rua deaidantopu. Ema bedewe mo insaisau wadepiaubepie debamalepio God benemawa bauta weregala uduudu atentoputuwapi. Benema ema weregalene winedia ipawaida ipa Keriso.

Kolosia 2:2 ပူးပေါင်းရင်းမြစ်များ

Matiu 11:25

Walama sawo Iesu wane wanase, “Mako, e uba ita tawo onioniau mamba wainiana. E gonaa umanawa ita mukaa ita atena uduudu ne mainawosaano apana girumantoie aten debama wadeie asowawantoie waimoia mampo weregasaiano mai atentoipe waimoipona, dia. Tane otooto kerakera insaisau oauara mampo sabamosaiano atenidantoie waimoio nuana eudidaleide.

Matiu 11:27

Dewa uduudu onioniau mukawa ne Mamana mampe winedia mainawosano oniamodina. Tane mai mida da ne ateineapona, dia, Mamamba os ne ateinen. Ita mai mida da Mamamba atensaipona, dia, tane Otopa os me atensadio wande. Ita mo mida me sonabamodia do Mamamba atensaie waimoi, ipawa Otopa mo mampo sabamosano atentoiena. Tane apana da dia.

Matiu 13:11

Ita Iesu mo diamone wanase, “God gonaawa benemawa ipawaida wadenitudena e os manlawo sabamoleidio ateitile wainilana. Tane mo mida me gonaawa adiwe waimoia mampo mai sabamosaipono atentoipona, dia. Tane mo mampo gagalo babawa waeuwa os nosedio etei.

Gagalo euda Iesu Keriso umanawa Luk girumalena 1:1

Niapo Teopilas, ne auwadewadewaedina. Apana uara dima no bedembo segantona umanawa girumantoieno wineia e ateitene wainiana.

Gagalo euda Iesu Keriso umanawa Ion girumalena 10:30

Ne Mamana nata deaida, mukamba deawaa wainitana.”

Gagalo euda Iesu Keriso umanawa Ion girumalena 10:38

Tane naita ne Mamana God nolawa dewamopino ewaneane sumanaitana ne ipa God Otopa. Naita e ne umanana dima dialena insakoawaitane mai sumanaiwaitana ginasa ne dewamodino e eweilana mampe sumanaitane ateitana Mamamba ne bedenawo ita ne me bedewe wainedina.”

Gagalo euda Iesu Keriso umanawa Ion girumalena 16:15

Dima uduudu Mamamba mampea ipa ne nebaana, sa baiwa ne wane wanase, ‘Aleu kakaiwa mai meba ebowe nolalepi, dia, tane dima me waeuwalempa, sa ipa ne mainawoa.’”

Gagalo euda Iesu Keriso umanawa Ion girumalena 17:3

Ita inawinakasala ipa ema epe: Mo mida e sonabamoana e dea os Godida wainiana atenepe ita do Iesu Keriso mida e waaubeana atensapona.

Gagalo euda Iesu Keriso umanawa Ion girumalena 5:17

Sa baiwa Iesu mo diamone wanase, “Ne Mamana bumpe ita tauma nolaleidie wande, ita ne do deawaa dewasadina.”

Gagalo euda Iesu Keriso umanawa Ion girumalena 5:23

God no Mamamba epe dewasana apana uduudu me wadaposisaia rua deawaa Otopa wadaposisampaa baiwa. Me mida mai Otopa ebowa wadaposisaipe debamasaipona, sa ipa me mai Mamamba mida me wanaubena wadaposisaipona.

Gagalo euda Iesu Keriso umanawa Ion girumalena 6:69

No sumanaintene atenten e ipa kakaiwaida God mampea wien!”

Aposel 4:32

Tane sumanailala uduudu nuau ita insaisau deaida waimoie. Mo bedeuwo mai sou dea da nituwa da anatepona, dia, tane dima uduudu mo mampoa sosou do eda amonantoie.

Paul letawa sumanailala Rom bedewe waimoia mampo girumalena 15:13

God ando no inaida ita inawinakasala nenepi. Me epe dewasapia bedewe no tauma insaisamba ituitana. God me ipa dewa eubu ema uduudu bumpa. Ne rauparintedina me e nuala nuaeuwa mampe nopesapi ita wanwanla euda obasa enalepi. Ema bedewe Aleu kakaiwa mukawa e insaisala nopesampo badowaida God mampe itununa.

Paul letawa sumanailala Rom bedewe waimoia mampo girumalena 16:25

Tauma no uduudu God ebowa wadaposisate sapasata. Me e saulepio sumanaila bedewe badowa enana. E sumanaila bumpa, sa ipa Gagalo euda Iesu Keriso umanawa ne benemantedina. Iesu Keriso benemawa ema bumpeido ita tauma God weregasano winedie.

Paul letawa sumanailala Rom bedewe waimoia mampo girumalena 2:4

God dewawa euda e manawo dewasade. Me mai tauwadea nuawa kadileipona, dia, me do nuawa aiaisiwa oniaedie wande. Tane e me dewawa euda dabuasaiana, ba? God me euwa mampe menasadia e insaisaa leusapio kadi bedewe me emawe dodomanaitaa. E ema inseiana, ba dia?

1 Korint 14:31

E uduudu God insaisawa Aleu kakaiwa dima dialedia benemawaitana rua, tane deadea gagaloitano apana etapue atentopu ita ema bedewe e wasaula nuau badosapi.

1 Korint 2:12

Mapo no tawo insaisawa os inseite wainite ita God insaisawa mai atenteipe, dia. Tane God no inanedia walamawe me Aleupa kakaiwa nenen. Me no saunedia baiwa no tauma rua os God dima euwa di nenena atendewantitana.

Galasia 3:28

Sa baiwa tauma Keriso bedewe Iuswa ita uwa daitada apanawa mai nambenambe, mo ipa uwa dea os. Deawaa, nola dewalala ita apana debamau mo mida baibu nolantoia, do apana mona ba ioto mai nambenambe, dia. Keriso Iesu bedewe mo ipa dea os.

Epesus 1:7

God nuawadawada osowe mauraidalena baiwa nuaparembalene me Otopa wanaubeno wisen. Ita osinawa mampe kadi taiwa taunedia lotonaubene inanene kadiwamba insendabuasan. No mai dima euda dewasapona, dia. Tane God nuaparembalene nuawadawadawa amonawa debamawa, insaisa euwa, ita atenida do di memenaubeno unu rua osombo ieno wadatana.

Epesus 3:16

Ne rauparintedina Aleu kakaiwa mampe God mukawa enalepio nuala badosane sumanai mampe badowa enana. Ne iririntedina God maurawa eubuida mampe wineia mukawa sa enalempo wadonuna.

Epesus 3:3

God insaisawa meba wadenitudena me tauma ne mainawo sabamosan. Sa ipa e uwa daitada apanawa do, mai no Iuswa os, Keriso bedewe God apanawaida wanantataa rua. Ema umanawa kampakampa os girumamona gagalona bautasane wana bedewe.

Epesus 6:22

Ne me wapaaubepo manlawo wimpie no ambi wainitana benemawalepio ateitana do wasaulepie nuala badosapi.

Pilipai 2:1

E Keriso bedeweitena baiwa insaisala badosadio wainilana, do me nuawadawadawa e sauledie muka enalede. God Aleupa kakaiwa e dewaledio sumanai sosola do deaitilana ita nuala bibia do sosola waaisimoile nuapareuitile saumoilana.

Pilipai 3:8

Ita dima uduudu ne bauta bedeuwo insaisana ituna tauma ne mainawo diapana rua seganton. Nitu dea os uwatauwaida ne mainawo, sa ipa ne Tatana Keriso Iesu atenidanteapa. Me ebowa baiwa dewa uduudu bauta dewamodine asowawauntedina tauma se rua aubamone eidamona. Ne menaidanedia Keriso os wadape mainawosape

Kolosia 1:26

Benema ema bumpeido odene ita tauma mai apana da mampo sabamolepona, dia. God benema ema ipawaida weregasano winedie. Tane tauma me apanawaida kakaibu mampo sabamosano atenton.

Kolosia 1:27

God me apanawaida mampo benema ema weregalala sabamosan. Ita benema ema sapawa maurala debamawaida do, uwa daitada apanawa baibu. Ita benema ema ipawaida ipa ema epe: Keriso ipa e uwa daitada apanawa Inawala, e bedelawo wande. Me mai Iuswa os Inawau, dia. Me bedewe no ando sapawaida donsata, sa baiwa no insaisamba me bedewe ituitana.

Kolosia 1:9

Dewa ema e dewamoilana umanawa no etate baiwa walama uduudu no e umanala bumpe etatana walamawe odene ita tauma e baila rauparintitana. No God iririsaitana me insaisawa uduudu e atenidaitana. Ita do Aleu kakaiwa mampe e insaisala ita atenla nopesapio ita dauwaida etane ateitana.

Kolosia 2:19

Apana sa Keriso, me mida ekelesia uwau nepa, eniene nambeinta alen. Keriso me ekelesiawa uduudu, sa ipa me etepa rua, awodeamodie saumodio badowa eneie ita God menasadia rua inintoie debamantoi.

Kolosia 3:14

Dewa sa uduudu nuawadawada mampe dealeidie euleide, ita ewaewa dodomana eudida segaleide. Sa baiwa nuawadawada bedelawosanune wanlempa, mai ena.

Kolosia 4:3

Tane no baimba do rauparitonuno God inta wadepiaubepi no Gagalo euda amonantontaa baiwa. Iriritonuno ita Gagalo euda Keriso umanawa God bauta meba wadenitudene tane tauma sabamosana benemawantonta. Ne Gagalo euda ema benemawantedino baiwa seni mampe taunene diburaneieno wainedina.

Kolosia 4:8

Ne me wapaaubepo e manlawo wimpie no ambi nolantite wainitana benemawalepi, do e wasaulepio nuala badolepi insaisala omepia sawa.

1 Tesalonaika 1:5

No epe atentena, ipawa Gagalo euda no e manlawo amonantena, sa ipa mai aia os wapona, dia. Tane no muka ita Aleu kakaiwa mampe e manlawo gagalonteno etale wadalana. Tane do gagalomba ulaipawa dauwaida do etalana. E ateiten no wanwanimba bedewe e sauletaa baiwa ambi e do wainitee.

1 Tesalonaika 5:14

Sumanai sosomba, no dialeitana apana nola sawantoie di waimoia badowaida diamonuno nolantompa, apana mida malawaau wabadomonuna, apana oauarau saumonuna, ita etela obasa mampe apana uduudu banlamonuna.

1 Timoti 3:16

No uduudu atentene waite waitanase, “No sumanaimba waeuwa debamaia God sabamosana ipa ema epe: ‘Keriso Iesu apanaida etepa wadene no ruambaleno emambo ewatana. Aleu kakaiwa me bedewe wandia mukawa mampe sabamolen me ipa God Otopa. Ensel me ewane waimoi. Me gagalowa uwa daitada apanawa bedeuwo benemantoieno tawo osowe wanwanlala me sumanaiwanton. Ita God me wadenposideno sapaida bedewe uboo odene alen.’”

Ibru 10:22

Sa baiwa insaisamba dodomana ita sumanaimba badowa mampe ane God mampentata! No epe dewantataa rua, ipawa Iesu no esa eudida, sa ipa me osinawa mampe no nuamba ita etemba uduudu mitene eusan. Ita mai dima da no nuamba wawusaipona, dia.

Ibru 6:11

Tane no menaidanede e uduudu ompa osowe badowa enonune nolaitonuna, ita dima bedewe e insaisala ituilana ando ulaipa segalepi.

2 Pita 1:10

Sumanai sosona, e sumanaila ipuipua segalepia baiwa badowa nolaitane God apawa ita sonabawa e baila saisaisane ipawanasana. E epe dewaitana sumanaila bedewe mai omena rua, dia.

2 Pita 1:3

Iesu Keriso me meba sapawaida ita nuaeuwa mampe no apanen. No me atensatana bedewe me God mukawa wadena mampee no dima wanwan dodomana kakaiwaida wampona baiwa menanedia uduudu nenen.

2 Pita 3:18

Tane e Tatamba Iesu Keriso no Inawamba nuawadawadawa amonawa ita me atendewaitana atemba bedewe ideita initonune wanlempa. Me mampe ipa sapaida tauma ita ando winakasala! Ulaipa, amen.

1 Ion 3:19

Sosona, no nuawadawadamba ipawaida do dewasantaa bedewe ewate atentata no ulaipa bedewe wainitana. Naita no kadi mai dewasapona, tane di nuamba wawunempa, no mai ingugurantate nuamba pola wapi, dia. Tane nuamba aiaisiwa God danawe badowa enata, ipawa no atenten no ulaipa bedewe wainitana. No epe dewantonta, ipawa no God sumanaiwantitana. Me dewa uduudu atemba, mai no nuamba rua.

1 Ion 5:7

God Aleupa benemaleide Iesu me ipa Keriso, ita do Iesu Keriso esa mampe babatutulena benemawa, ita do me koros osowe osinawa memenaubena benemawa deawaa waie ulaipasai. Gagalo ema natadea benemau waia ipa dea, mai nambenambe.