Kolosia 2:11 - Kanasi

¹¹ Keriso bedewe e ete nonowa dewawa Iuswa dewantoia rua ipawaida wadalana. Sa ipa e ete insaisawa dewawa kadiwa wadaaubamole riamole emolana. Tane ete nonowa ipawaida ema mai apana witapa mampe dewasapona, dia, tane Keriso nualawo dewasan.

Kolosia 2:11 ပူးပေါင်းရင်းမြစ်များ

Gagalo euda Iesu Keriso umanawa Mak girumalena 14:58

“No eteitano me wanase, ‘Ne God duwa apana wadeiena kadisapatue tane walama natadea bedewe ne God duwa da mai apana witapo dewalala wadapatuwapio segalepi.’”

Gagalo euda Iesu Keriso umanawa Luk girumalena 2:21

Meri otopa mulene wandio walama 8 wadedio me etepa nopua walamawa wiseno ita mo dewau rua oto etepa none ebowa Iesu wane ituiena. Ebo sa bauta God enseliwa Meri benemasano atenlene muriwa bulen.

Aposel 17:24

God sa tawo ita nitu uduudu osowe winedia dewamontuwan. Ita uduudu ipa me os atowe, me ipa uba ita tawo mamba. Me mai du da kakaiwa apana witapo wadeia bedewe wainipona, dia!

Aposel 7:48

Tane God ionoidoa mai du apana witapo dewasaia bedewe wainipona, dia. No ema atentena, ipawa peroweta bukawa bedewe God wadi wadiase,

Paul letawa sumanailala Rom bedewe waimoia mampo girumalena 2:29

Apana mida nuawa bedewe nonola, me ipa Ius apanawaida God mampea. Dewa ema mai anaana buka bedewe girumalena mampe segaleipona, tane Aleu kakaiwa mampe segaleide. Apana mida Aleu kakaiwa me nuawa nodia apana mai wadaposisaipona, tane God me wadaposisade.

Paul letawa sumanailala Rom bedewe waimoia mampo girumalena 6:6

No atenten no nubaida inainanimba tontawa Keriso do deantone koros osowe bontoiena no etembaida dewawa tontawa mukawa obasasapio dialepia baiwa. Ita kadi tauma mai taudonepie nanaunepia rua, ipawa apana bolena osowe kadi mukawa mai wineipona, dia.

Paul letawa sumanailala Rom bedewe waimoia mampo girumalena 7:24

Ambi ne ipa apana nuaparelalaida! Mida saunepie etena bo bedewe banlanene aleidia taiwa lotopiaubepie inanepi?

2 Korint 5:1

No insaisamba dima ewasiawaia bedewe ituitana, ipawa no atenten no etemba tauma do wainitana ipa ape rua, mai du badowa, dia. Tane etemba ape rua kadilepie dialepio God etemba sanaa nenepio bedewe wanta. Du ipa sa me meba dewasana winakasala uboa, mai apanaida witape wadapona, dia.

2 Korint 5:17

No epe waitana, ipawa no epe atenten: Apana mida Keriso nata deantoia, me ipa sanaaida segalene eulen. Dewa tontawa aitamana dialen ita tauma sanaa wisen!

Galasia 2:20

Ne Keriso bowa bedewentene do bonten koros osowe. Tauma mai neida wainipona, dia, tane Keriso ne bedenawolene wandio ne wainedina. Ne tauma ete mampe inawaa wainepina, sa ipa ne God Otopa, mida ne nuawadawadanene meba inawawa ne baina itune ena, bedewe sumanaintepine wainepina.

Galasia 5:24

Tane mo mida Keriso Iesu mampea muba apanaida etepu insaisawa ita ewanuauwa kadiwa Keriso korosiwa osowe bosane eidasaiena.

Epesus 4:22

Keriso waeuwa intawa ipa ema epe: E mapo nuala insaisawa tontawa bedewe eba ewanuaula rua duba dewawa daitada dewamoile. Tane e nuala insaisawa ita dewala tontawa uduudu tauma riasane eidasana, e insaisala ita dewala tontawa ete ewanuauwa daitada banlakadisasane kadiidasan.

Pilipai 3:3

Mo ete nonowa dewawa onapea dewasai. Tane no sumanailala ipa ete nonowa ipawaida dewasaitana. Sa ipa no God me Aleupa kakaiwa bedewe wadaposisaite ita dima Keriso Iesu no baimba dewasana asowa waitana. No mai apanaida nuba mukamba dima dewasaitana bedewe sumanaimba ba insaisamba ituipona mo ruau, dia.

Kolosia 3:5

Sa baiwa ete tontawa ewanuauwa daitada manlawo wineia eidamono diaidantopu. Nina rebareba, ete ewanuauwa kadiwa malawalaida, ewanuau daitada di teinaledia, do kadi ewanina daitada uduudu emonatuwapi. Do anaanata dewawa eidasana. Apana epe dewantoie waimoia mo sumanaibu mane ita puraiwa os osowe itui, mai God inseipona, dia.

Ibru 9:11

Tane Keriso no Pirisimba ionoidoa wisen ita nitu uduudu eubu intawa aitamana sabamosan. Me God duwa kakaiwaida eudida bedewe odene alene simbialeide. Du debama uboa, sa ipa eudida mai du kakaila tawo ema mampea apana witapo wadeiena rua, dia.

Ibru 9:24

Keriso mai du kakaila apana witapo wadeiena bedewe odape alepona, dia. Du kakaila sa ipa dima uboo winedia aleupa os. Tane Keriso ubaida bedewe odene alene ita tauma wisedie no baimba God danawe enede.