Kolosia 1:27 - Kanasi

²⁷ God me apanawaida mampo benema ema weregalala sabamosan. Ita benema ema sapawa maurala debamawaida do, uwa daitada apanawa baibu. Ita benema ema ipawaida ipa ema epe: Keriso ipa e uwa daitada apanawa Inawala, e bedelawo wande. Me mai Iuswa os Inawau, dia. Me bedewe no ando sapawaida donsata, sa baiwa no insaisamba me bedewe ituitana.

Kolosia 1:27 ပူးပေါင်းရင်းမြစ်များ

Matiu 13:11

Ita Iesu mo diamone wanase, “God gonaawa benemawa ipawaida wadenitudena e os manlawo sabamoleidio ateitile wainilana. Tane mo mida me gonaawa adiwe waimoia mampo mai sabamosaipono atentoipona, dia. Tane mo mampo gagalo babawa waeuwa os nosedio etei.

Gagalo euda Iesu Keriso umanawa Luk girumalena 17:21

Do mai mida wisepie wapiase, ‘Ewana, God gonaawa uwaalen, Keriso no Inawamba mape wande,’ ba wapiase, ‘Me ipa sisi wande.’ Insenadewaitana, mai mida epe wapia rua, ipawa God gonaawa e bedelawo wiseno do wainilana.”

Gagalo euda Iesu Keriso umanawa Ion girumalena 14:20

Ita e ne ewaneanuna walamawa osowe ateitana ne Mamana bedewe ita e ne bedenawo ita ne e bedelawo.

Gagalo euda Iesu Keriso umanawa Ion girumalena 14:23

Ita Iesu me sipoasane wanase, “Me mida ne nuawadawadaneampa dima ne waeuwasadina ruawalempe waimpa. Ita ne Mamana me nuawadawadasampa, ita ne me nata me mampe winte me bedewentate bola wadate wankasantata.

Gagalo euda Iesu Keriso umanawa Ion girumalena 17:26

Ne mo mampo e sabamoidoeno atenei, ita ne osoweosowe mo mampo e sabamoepino atenidaempe waimompa. Tane ne mo mampo e sabamoepino e nuawadawadaa ne bedenawosaana do mo bedeuwolepio wadapu. Ita ne nebaida mo bedeuwonteapo waimompa.”

Gagalo euda Iesu Keriso umanawa Ion girumalena 6:56

Apana mida ne etena ita osinana nadia me ne bedenawo wankasaleide ita ne me bedewe wainedina.

Paul letawa sumanailala Rom bedewe waimoia mampo girumalena 11:33

Ema baiwa ne God wadaposisadina! God maurawa ambi debamawaia! Me insaisawa ita atemba mai insete atentatatuwapia rua, dia. Dima me insedia segalepia mida waeuwa wapi? Me dewa uduudu dewamodia intawa mida atenlepia rua?

Paul letawa sumanailala Rom bedewe waimoia mampo girumalena 2:4

God dewawa euda e manawo dewasade. Me mai tauwadea nuawa kadileipona, dia, me do nuawa aiaisiwa oniaedie wande. Tane e me dewawa euda dabuasaiana, ba? God me euwa mampe menasadia e insaisaa leusapio kadi bedewe me emawe dodomanaitaa. E ema inseiana, ba dia?

Paul letawa sumanailala Rom bedewe waimoia mampo girumalena 5:2

Iesu Keriso bedewe no sumanai mampe inta donsate God nuawadawadawa amonawa euwa wadate bedewe wainitana. Ita do no ando God sapawa ewate me do wantaa baiwa inta ewaewantite asowa waitana!

Paul letawa sumanailala Rom bedewe waimoia mampo girumalena 8:10

Keriso e bedelawo wandia baiwa e aleula ipa inawaa, ipawa e God mampe dodomanaiten. Tane e etela kadi baiwa bolepi.

Paul letawa sumanailala Rom bedewe waimoia mampo girumalena 9:23

Do God menasadia me sapawaida debama apana mida me nuapareuleidia mampo sabamosapona. Apana sa God bauta sonabamona me sapawaida wanamopona wana,

1 Korint 3:16

E ipa God duwaida wainilana, ita Aleu kakaiwa e bedelawo wande. E ema ateiten, ba dia?

2 Korint 2:14

Tane ne God wadaposisadine auwasadina. Keriso bedewee God kadi mukawa daitada nanausimona baiwa no tauma Keriso bedewentene mukamukaua sorodia ruau me do antitana. Ita me no dewanedio Gagalo euda amonantitano nitu bonawa eudida ruawa nosedie bola uduudu bedewe debamaleidio eteie Keriso atensai.

2 Korint 4:17

No poka daitada eteitana ipa mai saiwa, ita walama kampaida os baiwa segaleide. Tane poka sa ipawaida naupia ipa potopotowa winakasala sapawa debama do, mai poka tauma eteitana do deasataa rua, dia.

2 Korint 4:6

God tawo dewasadie wane wanase, “Dubawa bedewe sapa waa!” Me epe wano sapa wan. Me ipa sa siwawa no nuambo dewasano sapaida wan. Siwa sa no nuambo winedia dewanepio God sapawaida Keriso namba osowe enditewadia atentataa baiwa. Sa baiwa no Tatamba Keriso benemawantitana.

2 Korint 6:16

Ambi Godida duwa ita god lagawaa nata dubu dealepi? Sa ipa mai inta da wineipona, dia! Ne ema epe wadina, ipawa no sumanailala ipa God wanwankasalala duwaida wainitana. No ema atenten, ipawa God buka bedewe girumalena wadi wadiase, “Ne apanana bedeuwo wanwana bolawa dewasape mo do awodea wainenta. Ne ipa mo Godiu nuawadawadaneampe wadaposineampa, ita mo ne apananaida wanantopu.”

Galasia 2:20

Ne Keriso bowa bedewentene do bonten koros osowe. Tauma mai neida wainipona, dia, tane Keriso ne bedenawolene wandio ne wainedina. Ne tauma ete mampe inawaa wainepina, sa ipa ne God Otopa, mida ne nuawadawadanene meba inawawa ne baina itune ena, bedewe sumanaintepine wainepina.

Galasia 4:19

Obaina, osowe ne nuana bedeweido e baila poka etedina, i oto gamowa baiwaleidie poka etedia rua, ideita Keriso e bedelawo mulepio me inainambaida ruawaitana.

Epesus 1:7

God nuawadawada osowe mauraidalena baiwa nuaparembalene me Otopa wanaubeno wisen. Ita osinawa mampe kadi taiwa taunedia lotonaubene inanene kadiwamba insendabuasan. No mai dima euda dewasapona, dia. Tane God nuaparembalene nuawadawadawa amonawa debamawa, insaisa euwa, ita atenida do di memenaubeno unu rua osombo ieno wadatana.

Epesus 2:22

Tane Keriso bedewe e do du sa bedeweiten. Ita Aleu kakaiwa mampe God du sa bedewe wande.

Pilipai 4:19

Ne Godna mampe maura debamaia winedia Keriso Iesu bedewee e menaledia ruawa enalempo wanlempa.

Kolosia 1:5

Tane sumanai ita nuawadawada ema e tauma wadale bedewe wainilana ipa dima God uboo e baila nitu eubu uduudu imaamono wineia bedewe e insaisala ituile onioniawaitilana mampee wisede. Ulaipa Gagalowa euda amonantoiena bedewe ema umanawa aitamana e manlawo wiseno etale ateiten.

Kolosia 2:3

Ipawa insaisa euda dodomana ita aten maurala debamawa bauta God mampe werego winedia tauma uduudu Keriso bedewe sabamoleide, no atentataa rua.

Kolosia 3:11

Mo mida God sanaamona bola da apanawa uduudu dewau nambenambe mai do empuempula waimoipona, dia. Mo Iuswa ete nonowa dewawa dewasaia, ita uwa daitada apanawa etepu nosasiawaia, ita bola da nambea apanau, do bola da apanawa dobinoa ruau wanwanlala, tane do apana debamau ita atouwo nolantoia diapanau uduudu ipa dea os waimoi. Mo dewau nambenambe mai umanawa waipona, dia. Mo mampo dea os debamawaida, sa ipa Keriso, mai dima da. Ita Keriso sumanailala uduudu bedeuwo wande.

1 Timoti 1:1

Ne Paul ipa Keriso Iesu aposeliwa dea. God no Inawamba ita Keriso Iesu, mida bedewe no insaisamba ituitana, ne dianene waaubaneiena.

Ibru 6:19

Tane no insaisamba ema ipa God duwa uboo garawa seudia bedewainta du pouweido God mampe wisene winede. No insaisamba ema ituitana ipa anika rua inawamba wadediitue badosade.

1 Ion 4:4

Tane e ne obaina, e bumpala ipa God bedewe winede, ita e mai peroweta ema lagawaau sumanaibuitipona, dia. Tane e mo nanaumolana, ipawa Aleu kakaiwa mida e bedelawo wandia, me ipa mukawaaida, mai aleu lagawaa tawo ema mampea rua.

Gagalo Sabamolala 3:20

Gagalona ema etanadewaitana! Ne du moape enane kekesarantedina. Apana mida ne aiana etedie ita ne baina du moawa wadediaubedia ne me mampe odape me nata oda nanawa nata.