Gagalo euda Iesu Keriso umanawa Ion girumalena 8:20 - Kanasi

²⁰ Iesu aia ema God duwa bedewe naepe pulo itutulawo waeuwamodie epe wan. Tane mai mida da me wadapaitudepona, dia, ipawa me walamawaida God insaisawa rua ituna mai wisepona.

Gagalo euda Iesu Keriso umanawa Ion girumalena 8:20 ပူးပေါင်းရင်းမြစ်များ

Matiu 26:55

Mape Iesu apana uara diamone wanase, “E isimala ita koinala do otele mainawo wilen wadaneana baiwa, ewaewawa abo ne witakadilala apanawa rua. Ne e do wainite walama ruawantedine God duwa bedewe waeuwantedine wainedine, tane e mai wadaneapona, dia.

Matiu 27:6

Pirisi debamau mane sa otamone waienase, “Mane ema osina wadawadala! No anaanamba bedewe mai eulepona mane ema God duwa manewa do deasata!”

Gagalo euda Iesu Keriso umanawa Mak girumalena 12:41

Ema aupe Iesu pulo ituia watawa tampe aisidene waine apana uara maneu pulontoio ewadewasamodie. Mauralala uara wimone mane debamaia teamoie.

Gagalo euda Iesu Keriso umanawa Mak girumalena 12:43

Iesu me ewedie wawe alala apamono mampe wimono diamone wanase, “Ne ulaipa dialedina, obu sa pulowa ituna mai apana uduudu pulontoiena rua, me ipa debamawaida itun.

Gagalo euda Iesu Keriso umanawa Luk girumalena 20:19

Sape anaana waeuwalala ita pirisi debamau tauwadea inta banuntoiena Iesu wadape kotusapona baiwa, ipawa mo gagalo babawa ema etane atentoiena Iesu moida wawumone umanau wadie. Tane mo apana uaraia sape eneie Iesu adiwentoia sauntone ene di antoiena, mai me wadapaitudepona, dia.

Gagalo euda Iesu Keriso umanawa Luk girumalena 21:1

Tauma Iesu pisiwane apana mauralala God duwa bedewe pulo ituia watawa osowe pulontoio ewamon.

Gagalo euda Iesu Keriso umanawa Ion girumalena 10:39

Iesu gagalo badowa sa wadio mo etane nuau kadiidaleno mo bauta dewantoiena rua Iesu wadapaitudepona baiwantoie, tane mo wadapona baiwa rubusailewantoio me emone alen.

Gagalo euda Iesu Keriso umanawa Ion girumalena 2:4

Tane Iesu inawa aiawa etendabue diene wanase, “Inana, e dima ne mainawo ewaano kadileno baiwa ne wasurakauneiana, ne walamanaida tauma mai wisepona, dia.”

Gagalo euda Iesu Keriso umanawa Ion girumalena 7:14

Iuswa odau sawanawe Iesu do God duwa bedewe odene alene God aiawa waeuwaleidie.

Gagalo euda Iesu Keriso umanawa Ion girumalena 7:30

Iesu mo dodomana sipoamono mo etane nuau kadiidaleno baiwa inta banusaie me wadapaitudepona baiwa. Tane mai mida da witapa me osowe itupona, dia, ipawa Iesu walamawaida mai wisepona.

Gagalo euda Iesu Keriso umanawa Ion girumalena 7:44

Apana isiwa menamona Iesu wadapaitudepona, tane mai mida da witapa me osowe itupona, dia.

Gagalo euda Iesu Keriso umanawa Ion girumalena 7:8

Me epe wano dialeno aupe wanwamba diamone wanase, “E eba oda awa aitana! Ne tauma mai ieipona, ipawa ne walamanaida mai wisepona, dia.”

Gagalo euda Iesu Keriso umanawa Ion girumalena 8:2

Tane imonemba walama pundedio me leulene God duwa bedewe alen. Me sape wiseno apana uduudu me mampe wimoieno me aisidene waine waeuwamodie.

Gagalo euda Iesu Keriso umanawa Ion girumalena 8:59

Me epe wana etaetawa abo me God wakadisasapona. Sa baiwa mo seu otene me epapona, tane Iesu weregainta God duwa ene nosene alen.