Gagalo euda Iesu Keriso umanawa Ion girumalena 16:33 - Kanasi

³³ Ne gagalona daumawa ema uduudu dialena e ne bedenawo poka saiwa bedewe nuala obasa aiaisiwa do wanlempaa baiwa. Tawo ema osowe e poka etonune nuapareitonuna. Tane badowa enana mai nuala pola wapi, ipawa ne tawo ema saiwa uduudu nanausana.”

Gagalo euda Iesu Keriso umanawa Ion girumalena 16:33 ပူးပေါင်းရင်းမြစ်များ

Matiu 9:2

Ita apana isiwa sou tampa bobopa rasirasi bedewe aine awanene Iesu mampe wimoiena. Iesu mo sumanaibu ewene apana tampa bobopa diene wanase, “Otona nuaeuitaa, e kadia insendabuasan.”

Gagalo euda Iesu Keriso umanawa Luk girumalena 19:38

“Wareremba mida Tatamba God ebowe iedia wadaposieite ionoeitana! God ionoidoa manawo euda os ita sapaida debamaia winepi!”

Gagalo euda Iesu Keriso umanawa Luk girumalena 2:14

“God uboo wanwanlala ionosaite sapaidasaitana, ipawa mo mida God nuawa eusaia tawo osowe wanwan euda obasa mo bedeuwolepio waimompa.”

Gagalo euda Iesu Keriso umanawa Ion girumalena 12:31

Taumaida ne bonteape ita ando sapaida bedewe anteapaa mampe God tawo apanawa kotumopia walamawa wisenauben. Ita God mapo walama ituno winedia wisenauben me Seitan tawo ema oniedia mukawa wadepiaubepio oauaralepie dialepi.

Gagalo euda Iesu Keriso umanawa Ion girumalena 14:1

Ema aupe Iesu wawe alala diamone wanase, “Ne e elepe a baiwantedina insenune mai nuala omepi. E sumanaila God mampe ita ne mainawo do itunune wanlempa.

Gagalo euda Iesu Keriso umanawa Ion girumalena 14:27

Ne elepe antepino mai inguguraitane nuala omaidasapi, dia, ne wanwan euwa obasa e manlawosape epe anteapa. Wanwan obasa ne manlawosapa mai tawo apanawa tawo ema osowe donsaie waimoia rua, dia. Wanwan euwa obasa ne mainawoa e bedelawosapo euda os wanlempo elepe anteapa.

Gagalo euda Iesu Keriso umanawa Ion girumalena 16:11

Do Aleu kakaiwa God kotuwa ipawaida tawo ema apanawa mampo sabamosapio atentopu, ipawa Seitan mida tawo ema oniedia kotulepia walamawa maidaleide.

Aposel 14:22

Sape mo sumanailala wabadomone ita do wasaumoiena sumanaibu mai epu, tane badowa enapu. Ita mo wadewasamone waienase, “No sumanailala ideita poka daitada etonte ita God gonaawa bedewe odata.”

Aposel 23:11

Tane tadina sawo Tatamba Paul mampe segalene tampe enene diene wanase, “Mai saite insaisaa omepi, dia! E mape Ierusalem bedewe ne wasabamona waana rua e ideita Rom bedewe aite ne wasabamona waa.”

Aposel 27:22

Tauma ne dialedina e insaisala mai omepi, ipawa mai mida da e bedelawo bolepi, dia! Waa os ando kadilepi.

Aposel 27:25

Paul osowesane wanase, “Sosona, sa baiwa insaisala mai omepi, ipawa ne God sumanaiwantedina me dianena rua uduudu segalepi.

Aposel 9:31

Tane walama sawo mai mida da ekelesia apanawa Iudia, Galili ita Samaria bedewe onau enape kadimopona, dia. Mo wanwan euda os waimoio Aleu kakaiwa saumodio sumanaibu bedewe badowa eneie. Ita mo sa mampe Tatamba aiawa ruawantoie os waimoio ekelesia inilene debamaleidie.

2 Korint 1:3

No God mida Tatamba Iesu Keriso Mamba wadaposisaitana. Me ipa no walama uduudu nuaparembaleidia mamba ita kadi daitada bedewe saunedie nuamba badosadia apanawa.

2 Korint 13:11

Tauma ne gagalona ompa osowe winene auwaledina, sosona niapo! Eba ewonunadewae dewa uduudu bedewe dodomana os dewasanune wanlempa! Wasaula gagalo ema girumantene dialena nualawo teamono winompo insamonune ruauitonuna. Do awodeaitonune insaisala dea os wadonuna. E epe dewaitonuna God, me mida nuawadawada ita wanwan euda bumpa, ipa e do wankasaitana.

2 Korint 2:14

Tane ne God wadaposisadine auwasadina. Keriso bedewee God kadi mukawa daitada nanausimona baiwa no tauma Keriso bedewentene mukamukaua sorodia ruau me do antitana. Ita me no dewanedio Gagalo euda amonantitano nitu bonawa eudida ruawa nosedie bola uduudu bedewe debamaleidio eteie Keriso atensai.

2 Korint 4:7

Gagalo euda amonawa nolawa ema ipa nitu uwatauwaida. God nola ema no apanaida onta rua etemba ando kadilepia witambosan. God me epe dewasane sabamosan Gagalo euda mukawa debamaia ipa God mampee no mainimbo wisen, mai no nubaida mainimboa, dia.

2 Korint 6:4

No dewamba uduudu bedewe sabamosaitana no ipa God nolawa dewalala apanawaida. No kadi ita poka saiwa daitada eteitana, ita inta badowaida bedewainta antitana, mai etedabuantipe eipona, dia.

2 Korint 7:4

Ne e sumanailantedina e nuala wadanaaubene dodomanaitana rua. Ne e asola wadina ita dima ne e umanala etana mampe insaisa dodomana mainawo wisen. Poka saiwa daitada bedewe nuaeu nuana nopeidosadio badowa enedine antedina.

Galasia 1:4

Iesu Keriso no kadiwamba baiwa me meba etepaida nanalene bolen. Me God no Mamamba insaisawa ruawalene epe dewasana no kadi taudonena lotopiaubepie ita kadi walamawa ema bedewe wadaaubanepia baiwa.

Galasia 6:14

Tane ne, Paul, menanedia mai dima da asowawanteapa, diaida. Tane dea os, ne Tatamba Iesu Keriso koros osowe bolena asowa wapina. Me koros osowe baina bolena bedewee tawo dewawa ita insaisawa ne mainawo bolene ipasialen. Tane do me bedewee ne tawo dewawa ita insaisawa mampe bonten.

Pilipai 4:7

Ita God, mida wanwan euda obasa mamba, e nuala ita insaisala do oniadewasamopi Keriso Iesu bedewe. God amonawa euwa ema debamawaida, no apanaida mai atentatatuwapia rua, dia.

Kolosia 1:20

Mamamba God me Otopa bedewe dewa uduudu tawo osowe ita uboo winawinalala dewamono me mampe dodomananton. Sa ipa God me Otopa koros osowe bolena osinawa mampe dewa uduudu eumone mampesane me do deanton.

1 Tesalonaika 3:4

No e do wainitana walamawe diaimaaletana no sumanailala ando poka etata apana mampo. Tane no dialetana rua segalen, sa ipa e atenlaida, dauwa etalana.

1 Tesalonaika 3:7

Sumanai sosomba, no poka daitada ita apana kadineia bedewe e benemala etate sau debama no nenen. E sumanaila inilene debamalena benemawa no etate insaisamba badosan.

2 Tesalonaika 3:16

Tatamba, mida wanwan euwa bumpaida walama uduudu ita do dewa uduudu bedewe wanwan euda enalempa. Tatamba Iesu e do wanlempa!

2 Timoti 3:12

Ulaipa, apana mida Keriso Iesu bedewe wanwan euda God menasadia ruawa baiwaleidia, me ideita poka etepi.

Ibru 11:25

Me mai menasapona walama kerauda os dewa kadiwa bedewe nuaeulepona. Tane me sonasonabalen me God apanawaida do wampe ita Isibt apanawa mampo poka etapona.

Ibru 7:2

Tane Abraam nitu uduudu me onaleidie wadedia moawa dea Melikisedek wanen. Ita Melikisedek ebowa ipawaida ipa warere dodomanaida. Me ebowa da ipa Bola Salem warerewa. Ebo sa ipawaida ipa ema epe: Wanwan euwa obasa segalepia warerewa.

1 Pita 5:9

Poka etonune sumanai bedewe badowa enane kadi mamba enabodasanuna. Epe dewaitonune ateitena e sumanai sosola bola uduudu bedewe waimoia poka e eteilana rua deawaa etei.

1 Ion 2:13

Gomba, e mida sumanaila bedewe badowa eneilana manlawo girumantedina, ipawa me mida bumpeido wandia e ateiten. Apana sanaa, e mida sumanai intawa awa ateitena manlawo girumantedina, ipawa e kadi mamba Seitan nanausalana. Obaina, ne girumantedina e manlawo, ipawa e Mamamba ateiten.

1 Ion 4:4

Tane e ne obaina, e bumpala ipa God bedewe winede, ita e mai peroweta ema lagawaau sumanaibuitipona, dia. Tane e mo nanaumolana, ipawa Aleu kakaiwa mida e bedelawo wandia, me ipa mukawaaida, mai aleu lagawaa tawo ema mampea rua.

1 Ion 5:4

No muka wadatana me anaanawa onietadewantataa baiwa. Ne ema epe wadina, ipawa apana mida God segasano ina sanaa bedewe mulena tawo ema me nanausapia rua. Tane no sumanaimba mampe tawo nanausaitana, mai dima da, dia.

Gagalo Sabamolala 12:11

No sumanai sosomba Sip sanaa osinawa mampe duragon nanausane aneiena. Mo God aiawa sumanaiwantoie benemawantoia mai bo sawantope sumanaibu ita God aiawa amonawa epona, dia. Mo epaboiamopua baiwantoio mai bo sawantope etepu anatepona, dia, tane mo waienase, ‘Ide rua, no bontata.’ Ita mo sumanaibu baiwa epaboiamoiena. Mo epe dewantone duragon nanausaiena.

Gagalo Sabamolala 3:21

Apana mida badowa enompe poka iompo nanausampa, ne me diape muka wanapa ita ne nata kolaiwatana osowe wanta, ne badowa enane poka iedio nanausana ita Mamana nata me kolaiwatawa osowe wainitana ruawa.”

Gagalo Sabamolala 7:14

Ne me sipoasane wanase, “Debamana, sa ne mai atenteapona, e ateitena waa!” Ita me ne dianene wanase, “Mo ipa poka debamaia rebarebaida walamawa osowe euda os nomone mape wimoiena apanawa. Mo Sip sanaa osinawa mampe garau mitamoieno sapusapuaida seganton.