Gagalo euda Iesu Keriso umanawa Ion girumalena 12:48 - Kanasi

⁴⁸ Ne mai me mida ne dabuanedie ita do ne aiana mai wadeipe mampesaipe ruawaleipona kotusapa, tane kotu winedia kotulepi, mai dia. Kotu sa ipa ne aiana amonantedino me dabuasana walama ompa osowe enepie me kotusapio matangelawa wadepi.

Gagalo euda Iesu Keriso umanawa Ion girumalena 12:48 ပူးပေါင်းရင်းမြစ်များ

Matiu 10:15

Ne ulaipa dialedina, bola Sodom ita Gomora kotu walamawe pokawa etapu. Tane e bola dawo aitile wileilano bola sa apanawa dabualeie eleia matangelau rebarebaida osouwolepio poka etaidasapu, mai Sodom ita Gomora apanawa ruau!”

Matiu 21:42

Mape Iesu wane wanase, “Ne dialedina, deawaa God gonaawa e manlawo wadepiaubepie ita apana da wanamopio wadapu, mo mida ia euda rua naupudewantopua. E buka bedewe wisiaitene ateiten, ba dia, naepe wadi wadiase, ‘Du wadawadalala apanawa seu dea ewanadabue eiena, mai menamopona, dia. Tane seu sa ewadabuasaia ipa eudidalene du awanediposidede. Tane ema ipa Tatamba God insaisawa rua dewasano segalen, mai di segalepona, dia. Ita insaisa sa me dewasana ewaewawa eudidalen no mainimbo.’

Matiu 25:31

“Apana Otopa ensel uduudu do wimopue tauma me kolaiwatawa osowe sapaida do wampio

Gagalo euda Iesu Keriso umanawa Mak girumalena 12:10

E buka bedewe giruma ema wisiaitene ewale ateiten, ba dia? Ema epe wadi wadiase, ‘Du wadawadala apanawa seu dea ewanadabue eiena, mai menamopona, dia. Tane seu sa ewadabuasaia eudidalene du awanediposidede.

Gagalo euda Iesu Keriso umanawa Mak girumalena 16:16

Ita mida Gagalo euda etapue sumanaintopue babatutuntopua God mo inamopi. Tane mida mai sumanaintopua God mo kotumopio kadiwa bedewe antopu.

Gagalo euda Iesu Keriso umanawa Mak girumalena 8:31

Iesu ema aupe mo waeuwamone wanase, “God insaisawa ituna rua Apana Otopa poka debama etaidasapi, ita apana debamau, pirisi debamau, do anaana waeuwalala me dabuasapue epu. Ita mo me bosapu, tane walama natadeawo me bo bedewe enepiwisepi.”

Gagalo euda Iesu Keriso umanawa Luk girumalena 10:16

Iesu apana sa kotu matangelawa donsapua umanawa wane diasane warorowa nolau awa baiwantoia gagalo da diamone wanase, “E gagaloitilano apana mida e etaleie baiwantoia, sa ipa neida bainantoie waimoi. Tane apana mida e etaleie dabualeie eleia, sa ipa neida dabuaneie enei, ita do mida ne waaubanena dabuasaie ei.”

Gagalo euda Iesu Keriso umanawa Luk girumalena 17:25

Tane dewa ema mai tauwadea segalepiama, dia. Bauta apana ande walamawa bedewe waimoia Apana Otopa nibuasapue epuo poka daitada etepi.

Gagalo euda Iesu Keriso umanawa Luk girumalena 20:17

Mo epe waio Iesu mo ewadomone waitaramone wanase, “E buka bedewe giruma ema wisiaitene dima umanawa wadia ipawaida ateiten, ba dia? Ema epe wadi wadiase, ‘Du wadawadala apanawa seu dea ewanadabue eiena, mai menamopona, dia. Tane seu sa ewadabuasaia eudidalene du awanediposidede.’

Gagalo euda Iesu Keriso umanawa Luk girumalena 7:30

Tane Parisi ita anaana waeuwalala sape asisuntoie eneie Ion babatutuwa bedewe mai sumanaibu itupona, dia, dabuasane eiena, sa ipa dima God insaisawaida dewasapona dabuasane eiena.

Gagalo euda Iesu Keriso umanawa Luk girumalena 9:22

Me do diamone wanase, “God insaisawa ituna rua Apana Otopa poka debama etaidasapi, ita apana debamau, pirisi debamau, do anaana waeuwalala me dabuasapue epu. Ita mo me bosapu, tane walama natadeawo me bo bedewe enepiwisepie waimpa.”

Gagalo euda Iesu Keriso umanawa Luk girumalena 9:26

Apana mida sosowa do waimoie laia bedewe mai ne baina eneipona, tane malanaleidie di wankoaleidia, ita do ne aiana malawaleidia, Apana Otopa sapawaida do leulepie wisepie apana sa do malawalepie dabuasapie epi. Me Mamba sapawa ita ensel kakaibu sapauida do leulepie wisepio ewapu.

Gagalo euda Iesu Keriso umanawa Ion girumalena 11:24

Iesu Mata epe diedio etene leusane wanase, “Ne ateina ne nona walama ompa osowe bolala uduudu enawisau walamawe me bo bedewe inalepie enepiwisepi.”

Gagalo euda Iesu Keriso umanawa Ion girumalena 5:45

Mai insenase kotu walamawe ne Mamamba danawe enape e wawulepa, dia. E anaanala Moses enalana bedewe insaisala ituile inseilanase, “No anaanamba sa asiasi kotu bedewe inaida donsata.” Tane Moses dima girumalena enepie e wawulepio kotuitana, ipawa e mai Moses sumanaiwaitapona, dia.

Gagalo euda Iesu Keriso umanawa Ion girumalena 6:39

Ita ne Mamana waaubanena insaisawa ipa ema epe: Apana mida Mamana ne nedia mai da ewapakadisapo rebalepi, dia. Tane walama ompa osowe inasapo bo bedewe enepiwisepi.

Gagalo euda Iesu Keriso umanawa Ion girumalena 8:47

Me mida God mampea dima God wadia etede. Tane e mai God mampea, dia. Sa baiwa dima me wadia e mai eteipona.”

Aposel 17:31

God kotu walamawa ituna winedia osowe me sonabena apanawa dea bedewe tawo uduudu kotumopi. God sonabena apanawa sa bo bedewe inasano enenwisene wande. Ema bedewe God apana uduudu mampo sabamoidosano atentoiena me kotu gagalowa wana ipa ulaipaida.”

Aposel 3:23

Ita mida me aiawa mai etepie ruawalepia God meba apanawaida bedeuwo me nambesapie kadisapi.’

Paul letawa sumanailala Rom bedewe waimoia mampo girumalena 2:16

Ema epe inta segalepi walamaipa God Iesu Keriso bedewee apana uduudu nuau insaisawa weregalala kotumopi, Gagalo euda ne amonantedina wadia rua.

2 Korint 4:3

Gagalo euda ipa siwa rua Keriso sapawa debamasade. Me bedewe God inainambaida sabamosade ita sapawa do enditewade. No me benemawa ema sabamo amonantitana, tane apana isiwa insaisau rupulala baiwa ipawaida mai atentopua rua. Ita mo ipa sa ando kadi donsapua. Ema epe segaleidia, ipawa tawo ema godiwa Seitan mo insaisau dubasan. Sa baiwa mo Gagalo euda sapawaida mai eweipona, dia.

2 Tesalonaika 1:8

God apana mida mai me insaisawantoipe waimoipona ita do Gagalo euda Tatamba Iesu umanawa adiananasaia walama sawo matangelamopi.

Ibru 10:25

Do kainokaino awodeantonta, mai eta, sosomba isiwa dewantoia rua. Tane no ideita sumanaimba bedewe eda wasauidantonta, ipawa no ewate atenten Tatamba God walamawa debama maidaleide.

Ibru 12:25

Sa baiwa ewanadewaitana, God e manlawo gagaloleidia mai adiananasana! Mo mida God gagalowa tawo osowe gagaloleidio etane adiananasaiena matangela mai saiepe inantopona, dia. Tane tauma God gagalowa uboe iedia no etate adiananasata ambi no matangela saiete inantata? Mai inta da wineipona, diaida!

Ibru 2:3

Tane ina gagalowa sanaa ipa pokawaaida, mai gagalo bautaa rua. No tauma ina gagalowa sanaa etate adiananasate ete, ambi no matangela saiete inantata? Diaida, mai inta da wineipona! Ina gagalowa sanaa ema Tatamba bumpe benemaleno aposel etane no mainimbo wane sabamosane badosaiena.

Ibru 4:12

Aia dima God wadia, sa ipa inawaa mukamukaua nolaleide. Me aiawa ipa isima moamoauaida rua apana etepa nodie bedeweido komempa ita merompa nopuiasade. Sa ipa apana nuawa naumba ita aleupa enidasade. God aiawa ema bedewe dima apana nuawa ita insaisawa bedewe euwa ita kadiwa winedia sabamosadie empuempusadie euwasade.

1 Pita 1:5

E mida sumanai bedewe wainilana God meba mukawa mampe gonaaledie oniadewasaledia, ideita inaida walama ompa osowe iedia sabamolepio bedewe aitana.

2 Pita 3:3

Ema ipa gagalo debamaia e insenadewaitana: Walama ompa osowe wareuwa apanawa mo muba ete insaisawa mampe laia segantopue ita Gagalo euda wareuwasapu.

2 Pita 3:7

Tane God aiawa ipa deawaa mampe uba ita tawo tauma ituno winedia ando ia iilawo kadisapia baiwa. God uba ita tawo eno winedia apana God sawasiawaia kotu ita kadi donsapua walamawa wisepio tauma uduudu kadilepituwapi.