Gagalo euda Iesu Keriso umanawa Ion girumalena 1:19 - Kanasi

¹⁹ Ion esa Ioadan bedewe apana babatutumodio Iuswa eiau me umanawa etane inseienase me dauwa Keriso mida God sauawalena wisepona tauma wisen, ba? Sa baiwa mo pirisi ita God duwa nolawa dewalala apanawa waaubamoiena me waitarasapua baiwa. Mo Ierusalemwae nomone antone Ion mampe wimone waitarasane waienase, “E mida, dianewo etato!”

Gagalo euda Iesu Keriso umanawa Ion girumalena 1:19 ပူးပေါင်းရင်းမြစ်များ

Gagalo euda Iesu Keriso umanawa Ion girumalena 1:7

Me mebaida ipa mai sapa, tane me wisena inaida sapawa benemawalepia baiwa. Me wisena sapa sa umanawa benemalepio apana etapue me bedewee inaida sapawa me umanawa wadia bedewe sumanaintopua baiwa.

Gagalo euda Iesu Keriso umanawa Ion girumalena 10:24

Sape me leidio Iuswa eiau wimone Iesu enane tonusane waienase, “No walama daumawa e insakoaeite wainite. No epe enewo insakoantate wankasantataa meneede, ba? Naita e Keriso God sauawalena wiene wainiana benemaidanewo atentata.”

Gagalo euda Iesu Keriso umanawa Ion girumalena 10:31

Iesu epe badowa gagaloleidio Iuswa eiau etane nuau kadiidaleno seu otamone me epaepabolepona baiwantoie.

Gagalo euda Iesu Keriso umanawa Ion girumalena 11:19

Sa baiwa Iuswa uara Betaniwa wimone Mata Meri nata nopu bolena osowe mo wasaumoie wabadomoie waimoie.

Gagalo euda Iesu Keriso umanawa Ion girumalena 2:18

Tane Iuswa eiau dima Iesu dewasana ewane me bumpawa atendewantopua baiwa mampe wimone diane waienase, “Ginasa da dewasawo no ewate atentata e ulaipa God mampe muka wadee dewa ema dewasaiana!”

Gagalo euda Iesu Keriso umanawa Ion girumalena 2:20

Ius apanawa eiau Iesu aiawa ema etane sipoasane waienase, “Du ema no ena 46 bedewe nolawa pokaidaneno diasatana, tane ambi e waianase, ‘Ne du ema walama natadea bedewe wadapatuwapi.’”

Gagalo euda Iesu Keriso umanawa Ion girumalena 5:10

Sa baiwa mo apana inalena diane waienase, “E ateiten ba dia, ande ipa Sabat walamawa, no anaanamba wadia e Sabat walamawe mai nogi awanene leuna, dia!”

Gagalo euda Iesu Keriso umanawa Ion girumalena 5:15

Ita apana ema mida me inasana apanawaida donsane atenlene me leulene alene Iuswa mo mida eiau diamone wanase, “Apana ebowa Iesu ne inanen.”

Gagalo euda Iesu Keriso umanawa Ion girumalena 5:16

Tane Ius apanawa eiau Iesu emalawoasane amboitusaie, ipawa me dewa ema Sabat walamawe dewamodie.

Gagalo euda Iesu Keriso umanawa Ion girumalena 5:18

Ius apanawa eiau bauta inta banusaie Iesu bosapona baiwa. Tauma Iesu aia ema wane bopawa ensimono badowaida inta banusaiena me bosapu. Mo epe dewantoie, ipawa mo inseienase, “Me Sabat anaanawa ainpunden, tane mai sa os, dia. Do me God umanawa wadi wadiase, ‘Ne Mamana.’ Me epe wadia ewaewawa abo me God nata deawaa.”

Gagalo euda Iesu Keriso umanawa Ion girumalena 6:41

Ius apanawa gagalo ema etane momoduntoiena, ipawa Iesu wane wanase, “Ne ipa buredida uboe iane winen.”

Gagalo euda Iesu Keriso umanawa Ion girumalena 6:52

Iuswa gagalo ema etane nuau kadileno muba wawadiadiantone waienase, “Ambi apana ema meba etepa nenepio nata?”

Gagalo euda Iesu Keriso umanawa Ion girumalena 7:1

Ema aupe Iesu bola Galili bedewainta leidie, me mai menasapona Iudia bedewe alepi, dia, ipawa Iuswa eiau sape waimoia inta banusaia me bosapua baiwa.

Gagalo euda Iesu Keriso umanawa Ion girumalena 7:11

Tane oda sa bedewe Iuswa eiau Iesu wadapua baiwa onioniawantoie waimoie waitarantoie waiase, “Apana ema naepe, e ibuwa ewalana, ba dia?”

Gagalo euda Iesu Keriso umanawa Ion girumalena 7:15

Ita Ius apanawa me waeuwawa etane memesantone waienase, “Apana ema aten insaisawa naepe wadene epe gagaloleide? Me mai anaana waeuwalala mampo girumalepe aten wadapona, dia.”

Gagalo euda Iesu Keriso umanawa Ion girumalena 8:22

Ius apanawa aia ema etane insakoantone waitarantone waienase, “Me meba insaisawa rua epaepabobolepi, ba? Dauwa ema baiwa me wadi wadiase, ‘Ne naepe antedinawo e mai winlena rua.’”

Gagalo euda Iesu Keriso umanawa Ion girumalena 8:48

Mape mo Iesu wawusane waienase, “E epe waiana baiwa no dodomana waite waitanase, ‘E ipa Samaria apanawa mida no dabualeitana wainiana ita e bedeawo aleu kadiwa wande.’”

Gagalo euda Iesu Keriso umanawa Ion girumalena 8:52

Tane mo Iesu diane waienase, “Tauma no atendewanten e bedeawo ipa aleu kadiwa wande! Abraam ita peroweta uduudu bontoiena, tane e waianase, ‘Mida ne aiana oniempe ruawalempa me tauma ita ando mai bolepi, diaida.’

Gagalo euda Iesu Keriso umanawa Ion girumalena 8:57

Iesu epe wano mo etane Iesu wanadabue waienase, “E mai ena 50 tauma wainipe epe waipona, dia. Abraam mapoido bolen, tane e waianase, ‘Ne Abraam ewana!’ E ambi epe waiana!”

Aposel 13:25

Ion me nolawa diasadie apana waitaramone wanase, ‘E ne ewaneile ambi inseilana ne mida? E inseilana ne Inawala, ba? Sa dia, ne mai e Inawala mida onioniawaitilana! Me mida e onioniawaitilana ne wanawo iede, ne mai apana euda ita dunenteape me sendorowa otawiamope nambemopa.’

Aposel 19:4

Mo epe waio Paul waeuwadewasamone wanase, “Ion Babatutu apana insaisau leusapue kadi epue God mampe dodomanantopue babatutuntopua waeuwalen. Ita me Israel apanawa diamone wanase, ‘E mida ne wanawo iedia bedewe insaisala itune sumanaiwaitana.’ Ion sa ipa Iesu umanawa wan.”

1 Ion 1:5

Tane benema no God Otopa mampe etate benemaleitana ipa ema epe: God ipa sapa, me bedewe mai dubawa da wineipona, dia.