Galasia 5:18 - Kanasi

¹⁸ Tane Aleu kakaiwa e banlalempa e mai anaana muka atowe wanleipona, dia.

Galasia 5:18 ပူးပေါင်းရင်းမြစ်များ

Gagalo euda Iesu Keriso umanawa Ion girumalena 16:13

Tane walamaipa Aleu kakaiwa mida God ulaipawa sabamosampa me wisepie ulaipaida intawa asiasi banlalempa. Me mai meba mukawa mampe gagalolepi, dia, tane dima me etedia rua wampe ita dima ompa osowe iedia dialempa.

Paul letawa sumanailala Rom bedewe waimoia mampo girumalena 7:4

Sumanai sosona, ema rua insenuna: Mapo e anaana taudoleno wainile, tane e Keriso etepa do boiten ita anaana mukawa e osolawo tauma mai wineipona, dia. Tauma e mai anaana mampea, tane Keriso mida bo bedewe inasano enenwisena mebaawa, God nolawa ipuipuaida dewasana baiwa.

Paul letawa sumanailala Rom bedewe waimoia mampo girumalena 8:12

Sa baiwa, sumanai sosomba, no mainimbo sai debama winede: No mai apanaida ete insaisawa asiasi wanta, dia, tane no Aleu kakaiwa insaisawa ruawa wanta.

Paul letawa sumanailala Rom bedewe waimoia mampo girumalena 8:14

Ipawa mo mida God Aleupa banlamodio ruawantoia mo ipa God obampaida.

Galasia 5:16

Sa baiwa ne ema epe dialedina: E wanwanla bedewe Aleu kakaiwa banlalempe dodomanalempo wanlempa. Aleu kakaiwa e banlalempa e ando mai ete ewanuauwa kadiwa intawa asiasi aitana rua, diaida.

Galasia 5:23

Tane do mo nuau euwa mampe sosou atouwontompe simbiamompa, ita muba onioniadewantompa. Dewa inainamba epe rua dewamonuna e mai anaana da aneipapundeipona, dia.

Galasia 5:25

Ita Aleu kakaiwa no inaida sanaa nenen, sa baiwa Aleu kakaiwa no banlanempe dodomananempo wainenta.

1 Timoti 1:9

Tane ema do wapo insena: Moses anaanawa ipa mai apana dodomanau eubu baibu, dia. Tane anaana sa ipa mo mida anaana ampuialala, asipotalala, God sawasiawaia apanawa ita kadi dewalala baibu. Tane do apana isiwa God umanawa mai waipona, dima kakaiwa uduudu mai wiwirawantoipona, mamamau ba inainau bomoi, apana sosou epaboiamoi,

2 Timoti 1:7

Ema dewasana, ipawa God me Aleupa kakaiwa nenena, no mukaida, nuawadawada ita insaisa dodomana onioniadewadewa bedewe wainentaa baiwa. Me Aleupa mai dewanepio santonta ba malantonta, dia.