Galasia 3:2 - Kanasi

² Ne waitarana ema dialepo sipoa dianeana: E anaana dima wadia ruawaitilana bedewee Aleu kakaiwa wadalana, ba Gagalo euda etale sumanaiwaitena bedewee Aleu kakaiwa wadalana?

Galasia 3:2 ပူးပေါင်းရင်းမြစ်များ

Aposel 15:8

God apana nuau bedewe ewedia atemba wande. Me uwa daitada apanawa insaisau ewedie intau wadenaubeno Aleu kakaiwa no nenena rua mo wadane me mebaawa wananton. Ita mo Aleu kakaiwa wanamodia mampe God no euwanen me uwa daitada apanawa mampemono waimoi, mai dabuamope emopona, dia. Mo sumanaibu asiasi God mo kadiu nuau bedewe wineia mitenauben, no kadimba mitenaubena rua. Ema dewasana mampe God no euwanen mo ita no ipa me emawe deawaa wainitana.

Aposel 2:38

Tane Pita sipoamone wanase, “E insaisala leusane kadi ene dodomanaitane ita Iesu Keriso ebowe babatutuitano God e kadila insepidabuasapi. E epe dewaitane God amonawa Aleu kakaiwa wadana.

Aposel 8:15

Sumanailala sanaa sa Tatamba Iesu ebowe babatutunton. Tane babatutu sa bedewe mo Aleu kakaiwa wadasiantono osowe Pita Ion nata mo mampo antone baibu rauparinton Aleu kakaiwa wadapua baiwa.

Paul letawa sumanailala Rom bedewe waimoia mampo girumalena 1:17

Ipawa Gagalo euda bedewe sabamoleide ambi God meba dewasadio apana me emawe dodomanantoie me do deantoi. Tane apana God mampe dodomanantoia, sa ipa sumanai os mampe segaleide, mai dima da, buka bedewe girumalena rua. Buka bedewe wadi wadiase, “Apana mida sumanai bedewee God emawe dodomanaleidia, me ipa inaida donsapi.”

1 Korint 9:21

Tane ne uwa daitada apanawa anaana wadasiawaia bedeuwo nolantedina walamawe ne mo ambi waimoia rua wainedina mo nuau teinepo Keriso bedewe sumanaintopua baiwa. Tane inta ema bedewe ne mai God anaanawa ampuiasaipona, dia, ipawa ne Keriso anaanawa bedewe wainedino banlanedie dodomananede.

2 Korint 11:4

Ne inguguralantedina, ipawa apana isiwa e manlawo wimoie Iesu umanawa inta da inta waeuwantoi, mai no waeuwantena rua, e mo aiau eteile wauwoitilana, mai etamoipe emoipona, dia. Tane mo aleu da nambea, mai Aleupa kakaiwa e aitamana wadalana rua, umanawa waio e eteile manlawosailana. Ita do mo Gagalo euda waeuwa nambea mai no amonantena rua benemantoio e eteile nuala wadeilaaubeile asisumoilana.

Galasia 3:14

Keriso God matangelawa ema wadena bedewee inanen. Me epe dewasana uwa daitada apanawa God sauwa euda me Abraam sauasana donsapue wadapua baiwa. Inta ema bedewe no sumanai asiasi Aleu kakaiwa God sauawalena wadata.

Galasia 3:3

E ambi oopauida! E ina sanaa Aleu kakaiwa mukawa mampe uwaaitene aitile, tane tauma ele e eba mukala mampe ompa osowe wilena baiwaitilana, ba?

Galasia 3:5

God me Aleupa enaledie do dewa mukamukaua e bedelawo dewamode. Ema baiwa e ambi inseilana? E dima anaana wadia ruawaitilana baiwa God e bedelawo epe dewasade, ba e Gagalo euda etale wadale sumanaiwaitilana baiwa?

Ibru 2:4

Tane do God ina gagalowa ema dewa mukamukaua daitada ita eueuwa isiwa dewamona mampe ipawanasan. Ita do Aleu kakaiwa amonawa apana deadea mampo me insaisawa rua wanamona mampe me gagalowa ulaipawanasan.

Ibru 4:2

Gagalo euda mainimbo wiseno etatana Israel apanawa eteiena rua. Mo gagalo eteiena, tane mai euwa da donsapona, dia. Dima baiwa ema epe segalen? Ipawa mo gagalo etaetawa eteiena, tane mai sumanaibu dima eteiena bedewe itupona, dia.

Ibru 6:4

Apana mida sumanaiwa epiiepie adiananasapia ambi me osowe insaisawa leusapie God mampe dodomanalepi? Mai inta da wineipona, dia! Dima baiwa? Ipawa me bauta God sapawa bedewe wandie, me God amonawa euda eueuwa osowe itune atenlen, ita do Aleu kakaiwa me waden.

1 Pita 1:12

Tauma God Aleu kakaiwa wanaubeno wisena mukawa mampe Gagalo euda amonantoieno e etalana. Gagalo euda sa umanawa peroweta tontau mapo benemawantoie. Tane God euwamon mo nolau sa ipa mai muba baibu, tane e baila. Ensel do menamodia inaida dewawa uduudu atentopona, tane mai atentopua rua, dia.