Galasia 2:20 - Kanasi

²⁰ Ne Keriso bowa bedewentene do bonten koros osowe. Tauma mai neida wainipona, dia, tane Keriso ne bedenawolene wandio ne wainedina. Ne tauma ete mampe inawaa wainepina, sa ipa ne God Otopa, mida ne nuawadawadanene meba inawawa ne baina itune ena, bedewe sumanaintepine wainepina.

Galasia 2:20 ပူးပေါင်းရင်းမြစ်များ

Matiu 20:28

Apana Otopa mai ebowa debama wadepio apana me simbiasapua baiwa wisepona, dia. Me wisena apana simbiamopie inawawa itupi epie apana uara kadi bedewe malesamopie inamopia baiwa.”

Matiu 4:3

Ita kadi mamba Seitan me mampe wisene diene wanase, “Naita e God Otopaida seu emanta diawo bured wanalepio nae nuaa topi.”

Gagalo euda Iesu Keriso umanawa Ion girumalena 1:49

Tane Nataniel Iesu epe wano insendewalene wanase, “Debamana, e ipa God Otopa, Israelwa warereu.”

Gagalo euda Iesu Keriso umanawa Ion girumalena 10:11

Ne gamo apanawaida euda dodomana, gamo oniadewasau apanawa wainedina. Gamo apanawaida euda dodomana meba insaisawa mai wadeipona, dia, me sipsipwa nuawadawadamodie mo inamopio wampudewantopua baiwa inawawa itupi epi.

Gagalo euda Iesu Keriso umanawa Ion girumalena 15:13

Apana mida inawawa dabuasadi edie sosowa baibuleidia me nuawadawada debamaia dewasade, mai mida da ruawa, dia.

Gagalo euda Iesu Keriso umanawa Ion girumalena 17:21

Mako, e ne bedenawo ita ne e bedeawo deaida wainitana ruawa ne menanedia sumanailala uduudu muba deaidantompe waimompa. Ita ne iririntedina mo no bedemboidontompo deaida wainento tawo apanawa ewompe e ne waaubaneano winena sumanaiwantompa.

Gagalo euda Iesu Keriso umanawa Ion girumalena 3:16

God tawo nuawadawadaidasana baiwa me Otopa deaida amonalene nenen. Ita mida me bedewe sumanaileidia mai kadiwa donsapie rebalepi, dia, tane inawinakasala wadepi.

Gagalo euda Iesu Keriso umanawa Ion girumalena 3:35

Mamamba Otopa nuawadawadasane ita dewa uduudu me witapesano oniede.

Gagalo euda Iesu Keriso umanawa Ion girumalena 6:57

Mamamba wankasalala ne waaubanen ita me wandia baiwa ne wainedina. Deawaa mida ne etena nadia ne wainedina baiwa me rua os wankasalepi.

Gagalo euda Iesu Keriso umanawa Ion girumalena 6:69

No sumanaintene atenten e ipa kakaiwaida God mampea wien!”

Aposel 8:36

Mo antoie into esa mampe wimoie Etiopia apanawa Pilip diene wanase, “Sona, esa emanta ewee, bedewe babatutunea menanede! Ne mai dima da bagoraneipona, dia!”

Aposel 9:20

Me Iuswa gagalou dubu bedewe alene Gagalo euda benemamodie wadiase, “Iesu ipa God Otopa.”

Paul letawa sumanailala Rom bedewe waimoia mampo girumalena 1:17

Ipawa Gagalo euda bedewe sabamoleide ambi God meba dewasadio apana me emawe dodomanantoie me do deantoi. Tane apana God mampe dodomanantoia, sa ipa sumanai os mampe segaleide, mai dima da, buka bedewe girumalena rua. Buka bedewe wadi wadiase, “Apana mida sumanai bedewee God emawe dodomanaleidia, me ipa inaida donsapi.”

Paul letawa sumanailala Rom bedewe waimoia mampo girumalena 14:7

Mai mida da me meba os baiwa wainipe leipona, ita do mai mida me meba bowe boleipona, dia.

Paul letawa sumanailala Rom bedewe waimoia mampo girumalena 3:22

Apana God mampe dodomanantopua intawa me meba wadenaubene sabamosan. Inta ema bedewe apana uduudu mo mida Iesu Keriso sumanaiwantoia God do deantopu. Apana uduudu God emawe ipa deawaa, mo kadiwa dewasane ita me sapawaida ene nambeidontoiena. Mai mida da dodomana wainipona, dia.

Paul letawa sumanailala Rom bedewe waimoia mampo girumalena 4:25

No kadiwamba baiwa Iesu Keriso nanantoieno bolen, ita no God mampe dodomanantataa baiwa me bo bedewe inasano enenwisen.

Paul letawa sumanailala Rom bedewe waimoia mampo girumalena 5:2

Iesu Keriso bedewe no sumanai mampe inta donsate God nuawadawadawa amonawa euwa wadate bedewe wainitana. Ita do no ando God sapawa ewate me do wantaa baiwa inta ewaewantite asowa waitana!

Paul letawa sumanailala Rom bedewe waimoia mampo girumalena 5:6

Mapo mai muka da no mainimbo wineipe kadi bedewe inantepona baiwa, dia. Tane no kadi bedewe God atensia wainitano God walamawa itunawo Keriso no baimba bolen.

Paul letawa sumanailala Rom bedewe waimoia mampo girumalena 5:8

Tane no kadi bedewe wainitano Keriso baimba bolen. Inta ema bedewe God me nuawadawadawa no baimba sabamosane euwanen.

Paul letawa sumanailala Rom bedewe waimoia mampo girumalena 6:13

Mai etela waiwa da nanaitana kadi nolawa baiwa, dia. Tane e ibulaida God wanana, ipawa e bo bedewe inaleno enalawilen, ita e etela uduudu nanaitana dewa euda dodomana nolawa baiwa.

Paul letawa sumanailala Rom bedewe waimoia mampo girumalena 6:8

No Keriso do bontena baiwa sumanaintitana no ipa me do wainitana.

Paul letawa sumanailala Rom bedewe waimoia mampo girumalena 8:10

Keriso e bedelawo wandia baiwa e aleula ipa inawaa, ipawa e God mampe dodomanaiten. Tane e etela kadi baiwa bolepi.

Paul letawa sumanailala Rom bedewe waimoia mampo girumalena 8:37

Tane Iesu Keriso no nuawadawadanena mukawa mampe no dewa inainambu ema uduudu amboiamote nanaumotaa rua.

1 Korint 6:17

Ita me mida Tatamba do deantoia mo nata aleu bedewe dea os.

2 Korint 1:24

Do no mai menaneipona e sumanaila bedewe wante dialento rua dewasanuna, ipawa no atenten e sumanaila bedewe badowa eneilana. Tane no menanedia e do awodea nolantonta, e nuaeu nuala nopesampaa baiwa.

2 Korint 10:3

Ulaipa, tauma no tawo ema osowe duba bedewe wainitana ita Gagalo euda baiwa onantite duba nanausaitana. Tane no mai apanaida insaisawa tawo ema mampea asiasi onantipona, dia.

2 Korint 11:10

Keriso me ulaipa os wadie, rua deawaa ne saua ema wadina. Ne Akaia bolawa bedeuwointa Gagalo euda amonantepine mo mampo mai dima da sipoa wadapa, dia. Ema baiwa ne asowawantedina, mai apana da wadabuanepie bodanepio epaa rua, dia.

2 Korint 13:3

Ne epe dewanteapa, ipawa e menaledia Keriso mukawa ne bedenawo nolaleidia gagalona wapina bedewe ewana. Keriso me ipa mai oauara e bedelawo, tane mukawa sabamosapie e saulepie dodomanalepia rua.

2 Korint 13:5

Ne dialedina e eba nuala waitarasane etana e ulaipa sumanaila Keriso bedewe itule wainilana, ba dia? Keriso Iesu e bedelawo wandia dauwa etale ateiten, ba dia? Naita dia, sa ipa e sumanaila mai ipawanalepona, dia.

2 Korint 5:14

Ipawa dima no dewasaitana, sa ipa Keriso nuawadawadawa no nenena banlanedie dodomananedio bedewe dewamoitana. No epe donsate atenten: Apana dea no uduudu baimba bolen. Ema ipawa ipa no uduudu me bowa bedewentene do awodea bonten.

2 Korint 5:15

Keriso, me ipa apana uduudu baibu bolen. Sa baiwa mo mida tauma inawaa waimoia mai muba insaisau rua dewasampe waimompa, dia, tane me mida mo baibu bolene ita bo bedewe enenwisena os baiwa waimompa.

Galasia 1:4

Iesu Keriso no kadiwamba baiwa me meba etepaida nanalene bolen. Me God no Mamamba insaisawa ruawalene epe dewasana no kadi taudonena lotopiaubepie ita kadi walamawa ema bedewe wadaaubanepia baiwa.

Galasia 2:16

Tane no atenten mai apana da anaana ruawaleidia asiasi God mampe dodomanalepia rua, dia. Tane me mida Iesu Keriso bedewe sumanaileidia, me os God mampe dodomanalepi. Sa baiwa no Iuswa do Keriso Iesu bedewe insaisamba itutana. No epe dewantena no sumanaimba Keriso bedewe ituitana asiasi God mampe dodomanantataa baiwa, mai anaana asiasi, dia. Ipawa mai mida dima anaana wadia ruawaleidia asiasi God mampe dodomanalepia rua, dia.

Galasia 3:11

No ewate atenten, mai apana da anaana wadia rua dewasampe God mampe dodomanalepi, dia. Ipawa buka do wadi wadiase, “Apana mida sumanai bedewee God emawe dodomanaleidia, me ipa inaida donsapi.”

Galasia 5:24

Tane mo mida Keriso Iesu mampea muba apanaida etepu insaisawa ita ewanuauwa kadiwa Keriso korosiwa osowe bosane eidasaiena.

Galasia 6:14

Tane ne, Paul, menanedia mai dima da asowawanteapa, diaida. Tane dea os, ne Tatamba Iesu Keriso koros osowe bolena asowa wapina. Me koros osowe baina bolena bedewee tawo dewawa ita insaisawa ne mainawo bolene ipasialen. Tane do me bedewee ne tawo dewawa ita insaisawa mampe bonten.

Epesus 3:17

Ne kena God mampe odedia sumanaila mampe Keriso nualawo bola wadepie wankasalepi. Do baila rauparintedina e dewa uduudu nuawadawada mampe dewasanuna, sa ipa e waapala.

Epesus 5:2

E eda nuawadawadaitonuna Keriso nuawadawadaledia rua. Keriso nuawadawadanene meba inawawa no baimba itune en. Sa ipa pulo amonawa euda God mampe nitu uwatauwa bonabonaua rua me ewene nuawa eulen.

Epesus 5:25

Apana nainailala manamanaila nuawadawadamonuna Keriso ekelesia nuawadawadamodia rua. Me ekelesia nuawadawadamone meba inawawa mo baibu itune en,

Pilipai 1:21

Ne wainepina, sa ipa Keriso os baiwa wainepina. Tane ne bonteapa, sa ipa eudida, mai wainedine donsadina rua, dia.

Pilipai 4:13

Ne dewa ema uduudu Keriso bedewee mida ne muka nedia dewasapaa rua.

Kolosia 1:27

God me apanawaida mampo benema ema weregalala sabamosan. Ita benema ema sapawa maurala debamawaida do, uwa daitada apanawa baibu. Ita benema ema ipawaida ipa ema epe: Keriso ipa e uwa daitada apanawa Inawala, e bedelawo wande. Me mai Iuswa os Inawau, dia. Me bedewe no ando sapawaida donsata, sa baiwa no insaisamba me bedewe ituitana.

1 Tesalonaika 1:10

Ita do me Otopa, mida bo bedewe inasano enenwisena, uboe wimpia onioniawaitile wainilana. Me ipa Iesu mida no God nuakadiwa ando wimpia bedewe inanedia.

1 Tesalonaika 5:10

No inawaa wainento ba bontato Tatamba Iesu wisepia walamawe no ideita me do inawaa wanta. No ema epa wainentaa baiwa Tatamba Iesu no baimba bolen, mai di bolepona.

Taitus 2:14

Me meba etepaida no baimba nanalene en. Ema epe inta no wanwanimba rebareba bedewe malesanene inanene euneno me apanawaida wananten, ita dewa euwa baiwa nuamba uduudu mampe nolantonta.

Ibru 8:3

Israel bedewe pirisi ionoidoa sonabamoie amona daitada ita do pue pulowa God mampe itumpaa baiwa. Sa baiwa no Pirisimba ionoidoa Iesu ideita deawaa God mampe nitu da pulolepi.

1 Pita 1:8

Iesu Keriso ibuwa e ewasiala, tane e me nuawadawadasailana. Meida e mai eweipona, tane ideita sumanaiwaitilana. Ita e nuaeu sapawaida bedewe nuaeuitilana, nuaeu sa umanawa no mai wataa rua.

1 Ion 1:7

Tane no sapa bedewainta antonta God sapa bedewe wandia rua, sa ipa no sumanai sosomba do deaidantitana, ita God Otopa Iesu osinawa no kadiwamba uduudu mitaaubamodie eunede.

1 Ion 4:14

Tane no aposel Iesu emamboido ewate ita benemawantite waitanase, “God, no Mamamba, me Otopa deaida wanauben tawo ema kadi bedewe inasapie euwa osowe itupia baiwa.”

1 Ion 5:20

No atenten God Otopa wisene aten insaisawa euda nenen, sa baiwa no God mida ulaipaida wandia no ewate atensatana. Tane no Godida ita me Otopa Iesu Keriso do deaidantene mo bedeuwontene wainitana. Me ipa Godida ita inawinakasalala.

Gagalo Sabamolala 1:5

Tane do amona euwa ita wanwan euda e manlawo Iesu Keriso mampe, mida God gagalowa ulaipa mampe benemaleidia. Uduudu bedeuwo me bautalene bo bedewe enenwisen. Me ipa apana debamau tawo onieia uduudu oniamode, mo uduudu ipa me atowe. Iesu Keriso no nuawadawadanede ita me osinawa kadi taunedia lotonauben.

Gagalo Sabamolala 3:20

Gagalona ema etanadewaitana! Ne du moape enane kekesarantedina. Apana mida ne aiana etedie ita ne baina du moawa wadediaubedia ne me mampe odape me nata oda nanawa nata.