Gagalo Sabamolala 4:4 - Kanasi

⁴ Tane kolaiwata tampeinta kolaiwata isiwa 24 eneie. Kolaiwata sa osouwo 24 eiau waimoie. Mo garau sapusapua ita uwau benawa uwataubu eudida gold mampe dewalala taumone waimoie.

Gagalo Sabamolala 4:4 ပူးပေါင်းရင်းမြစ်များ

Matiu 19:28

Iesu mo diamone wanase, “Ne ulaipa dialedina, nitu uduudu sanaalempaa walamawa osowe Apana Otopa kolaiwatawa sapawaida bedewe waimpo e mida ne waroronealana do kolaiwata 12 osouwo waine ita Israel apanawa dambu uduudu 12 oniamona.

Gagalo euda Iesu Keriso umanawa Luk girumalena 22:30

ne gonaana bedewe warereitano ne do wante oda nanawa nata. Tane do ne e sonabaledine muka enaledina ando kolaiwata osowe waine Israel damba 12 kotumona.”

2 Timoti 4:8

Tauma uwa benawa uwatauwaida ne baina imaala winede, sa ipa apana mida God mampe dodomanantoia mo os uneu. Tatamba Iesu Keriso mida apana uduudu dodomana os kotumopia, me walamawa debama sa bedewe unena nepi. Mai ne os, tane mo mida nuawadawada mampe me wiwisawa onioniawantoia do uneu wadapu.

Gagalo Sabamolala 11:16

Ita eiau 24 mida kolaiwatau osowe God danawe waimoia God wawa bumpe imimpu emmisintone dunentone me wadaposisaie ionoidosaie waiase,

Gagalo Sabamolala 14:3

Apana 144.000 kolaiwata danawe, ita nitu da wanwanlala 4, ita do mo eiau danauwo eneie sasa sanaa sasantoie. Mo mida tawo osowe wanwanlala bedeuwo Tatamba osinawa mampe malesamone inamona mo muba os sasa sanaa ema sasantoie, mai apana da sasa ema atenlepona rua, dia.

Gagalo Sabamolala 19:14

Ita uba sorodiawa garau eubu sapusapuaida aimone oas sapusapua osowe waine aleidia wawe mo oasiu asiasi antoie.

Gagalo Sabamolala 19:4

Mape mo eiau 24 ita nitu da wanwanlala 4 imimpu emmisintone dunentone God mida kolaiwatawa osowe wandia wadaposisaie waiase, “Amen, sa ipa sa! Aleluia, God wadaposisaitana!”

Gagalo Sabamolala 2:10

E poka daitada etana baiwaitilana mai sawaitana, dia! Ne dialedina isiwa e bedelawo kadiwa mamba Seitan rubulepia baiwa wadalepie diburalepi. Ita e walama 10 bedewe poka daitada apana mampo etaidasana. Mo e kadilempo boida baiwaitonune sumanaila mai ena, diaida, ne mainawo sumanaiidaitana. E epe dewaitano ne unela uwa benawa uwatauwa eudida, sa ipa inawinakasalala, enalepa.”

Gagalo Sabamolala 20:4

Ema aupe ne kolaiwata isiwa eneio ewamodinee. Mo mida God mukawa wanamona apana kotumopua baiwa kolaiwata sa osowe waimoie. Tane mo mida Iesu sumanaiwantoie benemawantoia ita do God aiawa baiwa imumbu topuiamoiena aleupu sape waimoio ewamodinee. Mo ipa mida pue kadiwa owa bedewe wisena mai wadaposisape ionoidosapona, dia. Do mo nambu ba witapu osowe pue kadiwa makawa mai wadapona, dia. Tane mo mida toboiamoiena bo bedewe enanawimone Keriso do warere ruawa ena 1,000 bedewe warerentoiena.

Gagalo Sabamolala 3:18

Sa baiwa ne wasauledine dialedina ulaipa goldiwa ne mainawo iririwaitane wadane ita mauraitana. Do gara sapusapua ne mainawo wadane tauna ita monamonaua wainilana malawa dialepi. Tane emala potalena bunama ne mainawo iririwaitane wadane emala bunamaitano inalepio sala ewanadewaitana.

Gagalo Sabamolala 4:10

Mo epe dewantoio mo eiau uduudu 24 me mida wanwankasalala kolaiwata osowe wandia danawe imimpu emmisintone wadaposisaie ionoidosai. Ita mo uwau benawa uwataubu eubuida taumoia otaaubantoie kolaiwata danawe teamoie waiase,

Gagalo Sabamolala 4:6

Ita do kolaiwata danawe nitu da owa ruawa ewaewawa garasiida sapa wadie eudida winedie. Nitu sa ipa sabamo ewaewawa garasi bedewe eweiana ruawa. Kolaiwata tampeinta nitu da wanwanlala 4 mo adiuwo ita danauwo emau uduudulen.

Gagalo Sabamolala 5:11

Mo Sip sanaa epe wadaposisaieno dialeno aupe ensel uaraia, nambawa 100 milion ruawa, ewamone do aiau etana. Mo ipa kolaiwata ita nitu da wanwanlala ita do mo eiau mida kolaiwata tampeinta eneia enane paneiena.

Gagalo Sabamolala 5:14

Tauma nitu da wanwanlala 4 wane waienase, “Oa, sa no menaidanede, amen!” Ita eiau sape waimoia God ita Sip sanaa danauwo imimpu emmisintone mo wadaposimoie ionoidomoie.

Gagalo Sabamolala 5:6

Me epe dianeno kolaiwata enediawo Sip sanaa enedio ewana. Me ewaewawa bosaiena ruawa pira do enedie, ita tampeinta nitu da wanwanlala 4 ita eiau do eneie. Tane Sip sanaa donawa 7 ita emawa 7 do enedie. Emawa sa ipa God Aleupa 7 waaubamona tawo uduudu bedewe alentuwan.

Gagalo Sabamolala 5:8

Ita me buka sa wadedio nitu da wanwanlala 4 ita eiau 24 do imimpu emmisintone me wawa bumpe dunentone wadaposisaie. Mo uduudu nitu gita rua otamoiena. Ita do mo deadea redu gold mampe dewalala piupiu bedewe nopelala otamoiena. Sa ipa apana mida God apanawaida kakaibu raupariu aimoia reduwa.

Gagalo Sabamolala 6:11

Mo deadea garau daumawa sapusapua otamone taumoieno Tatamba God diamone wanase, “Bauta e sumanai sosola ne nolana dewalala nambau ne sonabene ituna ruawa e epaboialeiena rua epaboiamopuo, muriwa ne tawo osowe wanwanlala kotumope matangelamopa. E walama kerauda os osowe onioniaitonune bubuaitonuna, muriwa e iririla dewasapa!”

Gagalo Sabamolala 7:11

Mo mukantone epe waio ensel uduudu wimone kolaiwata, ita mo eiau ita do nitu da wanwanlala 4 enane panamoiena. Tane muba ituaisintone uwau dunemone kolaiwata danawe ituntone wadapos mampe God ionoidosaie waiase,

Gagalo Sabamolala 7:9

Ema aupe apana uaraia wisiasiawaia ewamodinee. Mo uwa daitada bedeuwoe wimoiena. Mo ipa dan daitada apanawa, ita ete daitada, ita do aia daitada wawalala bedeuwoe wimone kolaiwata ita Sip sanaa danawe eneie. Mo garau sapusapua daumawa taumoie ita witapo notonkela asiwa otamoie do eneie.

Gagalo Sabamolala 9:7

Kapoi ewaewau pue oas ona baiwa benantopue enompaa rua. Mo uwau osowe nitu da ewaewawa bena uwatauwa gold mampe dewalala wineie. Tane nambu ewaewawa apanaida namba rua.