Gagalo Sabamolala 21:9 - Kanasi

⁹ Mape ensel mainawo wisen. Me ipa ensel mida aboma 7 bedewe poka rebarebaida 7 ompa wineio otamoia bedeuwo sou dea. Ita me ne dianene wanase, “Winea, ne mida Sip sanaa naisepia iwa euwaepa. I sa ipa Sip sanaa manainapa wanalepi.”

Gagalo Sabamolala 21:9 ပူးပေါင်းရင်းမြစ်များ

Gagalo Sabamolala 1:1

Buka ema ipa dima Iesu Keriso sabamosana benemawaleide. God dewa daitada walama kampaida dialepio aupe segaidantopua benemawa Iesu Keriso wanen, me nolawa dewalala mampo sabamosapia baiwa. Tane Iesu Keriso me enseliwa mampe dewa ema sabamosane ita wanaubena me nola dewalala Ion diepio atenlepia baiwa.

Gagalo Sabamolala 17:1

Tane ensel 7 mida aboma 7 oteia bedeuwo dea ne mainawo wisene dianedie wadiase, “Winewo, ne euwaepa ambi God i ninala pokawaaida esa uara sawanauwo wandia matangelasapi.

Gagalo Sabamolala 19:7

Tauma no nuaeuntate nuamba eudidalepio God sapasate ionoidosata, ipawa Sip sanaa nainaiwa walamawa tauma wisen ita me iwa imaalene wande.”

Gagalo Sabamolala 21:17

Bola gonaawa potopotowaida ita me rualeno 60 mita waden. Ensel sa apanaida koinawa makaleidia mampe uduudu ruasamon.

Gagalo Sabamolala 21:2

Mape ne bola debama kakaila Ierusalem sanaa God mampe uboe iedio ewedinee. Bola ipa ewaewawa eudida nainai iwa abo garawa eudida taupe benalepe imaalepe monawa onioniawaleipona ruawa.

Gagalo Sabamolala 22:1

Mape ensel ina esawa ne euwaneno ewana. Esa sa bedewa euda ewaewawa garasi eudida kiboraleidia rua. Ita mida esa sa nampa inawaa wankasalepi. Tane esa bumpa ipa God kolaiwatawe ita Sip sanaa mampoe iene aleidie

Gagalo Sabamolala 22:17

Aleu kakaiwa ita i mida Sip sanaa naisepia, sa ipa God apanawaida, waie waiase, ‘Winea!’ Ita me mida aia ema etedia do wapiase, ‘Winea!’ Me mida gadompawa makoleidio wandia esa awa wimpi. Ita apana uduudu bedeuwo mida esa nanawa menasadia me wimpie ina esawa di napia rua os, mai enabodawa intawa da wineipona, dia.”

Gagalo Sabamolala 22:6

Mape ensel dianene wanase, “Aia ema ipa ipuipua sumanaiwalala. Tatamba God, me mida perowetawa mampoe gagaloleidie, me enseliwa wanaubeno dima God insaisawa rua walama kampaida os bedewe segalepia me nolawa dewalala euwamodia atentompe waimompaa baiwa.”