Gagalo Sabamolala 2:21 - Kanasi

²¹ Ne me walamawa itune onioniantedine kadiwa bedewe insaisawa leusape God mampe dodomanalepona. Tane me nina dewawa dewasadia God mampe dodomanalepona dabualen, mai menasapona, dia.

Gagalo Sabamolala 2:21 ပူးပေါင်းရင်းမြစ်များ

Paul letawa sumanailala Rom bedewe waimoia mampo girumalena 9:22

Ema epe rua deawaa God dewasade. God menasadia nuakadiwa sabamosapio apana me mukawa ewapue atentopu. Sa baiwa God apana mida mampo me nuawa kadileidia kadimopona mai tauwadea matangelamopona, tane nua aiaisiwa mampe oniamodie.

1 Pita 3:20

Aleu ipa sa mida Noa waa debama wadedia walamawe God nua aiaisiwa mampe oniamodie tane mo mai me aiawa ruawantopona, dia. Tane waa sa Noa wadena bedewe ipa apana wisia 8 os odane inantoiena. Esa apana isiwa awanamon, tane esa ipa sa deawaa apana waa bedewe waimoia inamon.

2 Pita 3:15

Tatamba nuawa aiaisiwa wande, mai tauwadea wisepi, sa ipawa e inta banusane inaitana baiwa. No nuamba sowa Paul God me insaisawa euda wanena bedewe deawaa girumalen e manlawo.

2 Pita 3:9

Apana isiwa waiase, “Tatamba saualena tauwadea wisepona, tane alaleide.” Insena, Tatamba mai alaleipona, dia. Tane e baila onionialeidie wande. Me mai menasaipona apana da kadi donsapi, dia. Tane me menasadia apana uduudu wimopue insaisau leusapue God mampe dodomanantopu.

Gagalo Sabamolala 16:11

Tane mo kadiwa dewasaia bedewe insaisau leusape God mampe dodomanantopona dabuanton. Ita mo poka sa uduudu eteia baiwa God uboo wanwanlala wadabuasane wakadisasaiena.

Gagalo Sabamolala 16:9

Ita omo polawa apana iteiaidamon. Poka sa eteia bedewe mo mai kadi bedewe insaisau leusape God mampe dodomanantopona, ita do mai me ebowa wadaposisapona, dia. Tane mo God mida meba os poka sa oniedie wanamodia ebowa wadabuasane wakadisasaiena.