Gagalo Sabamolala 19:14 - Kanasi

¹⁴ Ita uba sorodiawa garau eubu sapusapuaida aimone oas sapusapua osowe waine aleidia wawe mo oasiu asiasi antoie.

Gagalo Sabamolala 19:14 ပူးပေါင်းရင်းမြစ်များ

Matiu 21:5

“Ierusalem apanawa ema epe benemamoa, ‘Ewana, e warerela manlawo iede! Me etepa molaaisiwa donki osowe waine aleide, me donki sanaa osowe waine iede.’”

Matiu 26:53

E ateiten ba dia, ne rua os Mamana mampe iririnteapono ita me tauwadea ensel uaraia waaubamopona ne baina?

Matiu 28:3

Me inainamba ewaewa kelama rua ita garawa sapusapuaida.

2 Tesalonaika 1:7

Tane mo mampo poka eteilana bedewe God e saulepi ita wadaaubalepie no do osombo sai wadepiaubepi. Tatamba Iesu me enseliwa mukamukaua ita ia iilala epawa do uboe sabamolepie wisepio dewa ema uduudu segantopu.

Iud letawa sumanailala mampo girumalena 1:14

Adam atanosiwa Enok apana lagawaau ema umanau bautasane wane wanase, “Tatamba God me enseliwa kakaibu uaraia do apana uduudu kotumopua baiwa wimopu. Ita God mo mida me mai sawantopona dewau kadiwa ita aiau badowa mo me mampe waiena baiwa kotu gagalowa wapie matangelamopi.” Enok ema epe wan.

Gagalo Sabamolala 14:1

Ema aupe ne Sip sanaa wadi Saion osowe enedio ewedinee. Ita apana 144.000 me do eneie. Mo nambu osowe Sip sanaa ebowa ita do me Mamba ebowa girumalala winamoi.

Gagalo Sabamolala 14:20

Mo wain gadantoia abomawa Ierusalem tampe enedia bedewe wain ipawa, sa ipa kadi apanawa, ansisimoieno osinau debamaia abaia rua nosen. Ita osina sa esa bumpe alene waape nosena rua aleidia, kilomitawa daumawaia 300. Ita do esa sa nagaia apana bedewe enapono ampabolepona rua.

Gagalo Sabamolala 17:14

Ita pue kadiwa warere 10 dontopue Sip sanaa do onantopu. Tane Sip sanaa ita me warorowa dontopue ona bedewe mo nanausimopu. Ipawa me Tatamba ionoidoa, warere uduudu bedeuwo me dea os debamawaida. Me ipa warere mukamukauaida, ita me warorowa apanawa ipa mo mida God apamone sonabamona ita mo me os wawe antoie sumanaiwantoia.

Gagalo Sabamolala 19:11

Ema aupe ne uba wadaaubalala ewedinee ita sape pue oas sapusapua enedie. Me mida oas osowe wandia ebowa nata, Sumanaiwalala, ita ebowa da Ulaipa. Me kotuwa ita onawa dodomana os dewamode.

Gagalo Sabamolala 19:8

Tane God i nainai garawa sapusapua eudida uwatauwa taupia baiwa wanen. Gara sa ipawa God apanawaida kakaibu dewau eubu dodomana dewasaia eueuwawa.

Gagalo Sabamolala 3:4

Tane e bola Sadis ekelesiawa bedelawo apana nata os garau mai miramirasaipona waimoi. Mo ipa dodomanauida, sa baiwa mo ando gara sapusapua taumopuo ne do wainente leunta.

Gagalo Sabamolala 4:4

Tane kolaiwata tampeinta kolaiwata isiwa 24 eneie. Kolaiwata sa osouwo 24 eiau waimoie. Mo garau sapusapua ita uwau benawa uwataubu eudida gold mampe dewalala taumone waimoie.

Gagalo Sabamolala 7:9

Ema aupe apana uaraia wisiasiawaia ewamodinee. Mo uwa daitada bedeuwoe wimoiena. Mo ipa dan daitada apanawa, ita ete daitada, ita do aia daitada wawalala bedeuwoe wimone kolaiwata ita Sip sanaa danawe eneie. Mo garau sapusapua daumawa taumoie ita witapo notonkela asiwa otamoie do eneie.