Gagalo Sabamolala 18:24 - Kanasi

²⁴ Tane peroweta osinau, ita God apanawaida kakaibu osinau, ita do uduudu mo mida tawo osowe epaboiamoiena osinau e bolaawo winede.”

Gagalo Sabamolala 18:24 ပူးပေါင်းရင်းမြစ်များ

Matiu 23:27

Kadiwa rebarebaida e anaana waeuwalala ita Parisi manlawo! E lagawaauida! E ewaewala ipa bo meamba deuntoio euda winedia rua, onapea ewaewa eudida, tane bedewe ipa bolala nepa ita boawa kadiwaida winede.

Matiu 23:35

Bumpeido ita tauma apana eubu dodomanau e bomolana ita mo osinau e witalawo winede! Bauta apana euda dodomana ebowa Abel e bosalana ita odene wisene ompa osowe e Berakia otopa ebowa Sakaria God duwa bedewe pulo ituia bolawa ita du pouwaida sawanawe bosalana.

Aposel 7:52

E nosinosila peroweta uduudu dabuamone kadimoiena. Ita do peroweta mida mapo benemantona God apana dodomanaida wapiaubepio wisepia e nosinosila epaboiamoiena. E ipa ensel mampoe me anaanawa wadalana, tane mai oniepadewaitapona, dia. Ita e apana sa dodomanaida God wanaubeno wisena nanaitene koros osowe bosalana.”

1 Tesalonaika 2:15

Mapo mo perowetau epaboiamoiena, ita do mo Tatamba Iesu bosaiena. Tane tauma kadi daitada no mainimbo dewasaiena. No menaidanena mo mida mai Iuswa mampo do Gagalo euda amonantepono mo do inaida donsapona. Tane mo badowa rubusaie no enabodanepono nola sa epona baiwa. Ema bedewe mo God nuawa mai eusaipona ita apana uduudu dabuamoie emalawoamoi. Mo epe dewantoie kainokaino kadiu dewasaio debamaleidie nope wisede. Ita tauma ompa osowe God nuakadiwa matangelawa mo osouwo ien.

Gagalo Sabamolala 11:7

Dima God diamona rua benemawantone diasaieno pue kadiwa don totola dogo bedeweido iene aidalena bedewee wisepie mo do onantopu. Tane pue kadiwa sa ona bedewe kasawogalepie peroweta nata aimopie bomopi.

Gagalo Sabamolala 16:6

Mo e apanaa kakaibu ita perowetaa bomone osinau memenaaubeiena, sa baiwa e sipoasae osina wanamoano naiena. Mo dewasaiena rua deawaa mampo segalen.”

Gagalo Sabamolala 17:6

Ita ne i ewane atenten me God apanawaida kakaibu mida bomoiena osinau nane uwa koakoalen. Mo Iesu sumanaiwantone benemawantoiena baiwa epaboiamoiena. Ne i sa ewedinee memesantene saidanten.

Gagalo Sabamolala 19:2

Me kotuwa matangelawa dewamodia ulaipa dodomana os. Me i ninala pokawaaida kotusane kadisantue diaidasan. I sa nina ita ewanuauwa kadiu daitada mampe tawo osowe wanwanlala nuau teinene banlakadisamono kadi dewasaiena. I ninala sa God nolawa dewalala bomono ita mo osinau God sipoa leusane me matangelasan.”