Epesus 2:8 - Kanasi

^8-9 E inaitena, sa ipa e mai anaana ruawaitile simbiaitilana mampee inaitapona, diaida. Tane God nuawadawadawa amonawa euwa mampe e sumanaila bedewe inalen. E mai dima euwa dewasapona, diaida, tane God e di inalen. Sa ipa God amonawa di neneno wadatana. Me epe dewasana, apana muba segarau wapua sawa.

Epesus 2:8 ပူးပေါင်းရင်းမြစ်များ

Matiu 16:17

Iesu me sipoasane wanase, “Saimon Iona otopa, e sau euda donsana nuaa eulempa! Insaisa ema mai apanaida mampe e nuaawo odapono wapona, dia, tane ne Mamana uboo wandia insaisa ema eneen.

Matiu 20:9

Oniamodia apanawa apana mida muriwa rawileidio wimoiena mane nepa dea wanamono oteiena.

Gagalo euda Iesu Keriso umanawa Mak girumalena 16:16

Ita mida Gagalo euda etapue sumanaintopue babatutuntopua God mo inamopi. Tane mida mai sumanaintopua God mo kotumopio kadiwa bedewe antopu.

Gagalo euda Iesu Keriso umanawa Luk girumalena 7:50

Mo epe wakoantoio Iesu i diene wanase, “E nuabolaa dialentuwan, eba sumanaia inaeno God mampe dodomanaiten, nuaeu mampe aite wanempa.”

Gagalo euda Iesu Keriso umanawa Ion girumalena 3:36

Tauma me mida God Otopa sumanaiwaleidia inawinakasala donsane waden. Tane mida me Otopa aiawa mai eteipe ruawaleipona me inaida mai donsapie wadepi, dia, tane God nuakadiwa matangelawa me osowe winakasalepi.

Gagalo euda Iesu Keriso umanawa Ion girumalena 4:10

Tauma Iesu i sipoasane wanase, “E God amonawa euda enepia menasadia mai ateitapona, tane do apana mida e esa baiwa iririedia e mai atensapona. E dewa ema ateitapono e me iririsapono esa akasalala eneepona.”

Gagalo euda Iesu Keriso umanawa Ion girumalena 5:24

Ne ulaipa dialedina, mida ne aiana etedie ruawaleidie ita mida ne waaubanena sumanaiwaleidia, me inawinakasala donsan. Me mai kotulepie kadiwa donsapi, dia, me aitamana bo ene inaida bedewe wisen.

Gagalo euda Iesu Keriso umanawa Ion girumalena 6:35

Tauma Iesu wasabamosane wanase, “Ne ipa buredida apana inawinakasala wanamodina. Mida ne mainawo iedia mai omanatopi, diaida, ita mida ne mainawo sumanaileidia mai nuawa makolepi, dia.

Gagalo euda Iesu Keriso umanawa Ion girumalena 6:37

Mai apana da meba insaisawa rua sumanailepie mainawo wimpia rua, dia! Tane apana mida Mamana sonabedie ne nedia me ipa mainawo wimpi. Ita mida ne mainawo wisena ne mai tanapo nosepie alepi, diaida.

Gagalo euda Iesu Keriso umanawa Ion girumalena 6:40

Ita do ne Mamana waaubanena insaisawa ema epe: Apana mida me Otopa ewedie me bedewe sumanaileidia inawinakasala wadedie mampesade. Ita ne walama ompa osowe me inasapo bo bedewe enepiwisepi.”

Gagalo euda Iesu Keriso umanawa Ion girumalena 6:44

Ne epe dialedina, ipawa mai mida da meba mukawe ne mainawo wimpia rua, dia! Tane dea os, mida Mamamba nuawa teinepio ne mainawo wimpi, ita walama ompa osowe me inasapo bo bedewe enepiwisepi.

Gagalo euda Iesu Keriso umanawa Ion girumalena 6:65

Iesu osowesane wanase, “E bedelawo isiwa mai sumanaintoipona baiwa ne bauta dialene wanase, ‘Mai mida da me meba mukawe mainawo wimpia rua, dia. Tane me mida ne Mamana sausapie mukawa wanepio mainawo wimpi, mai mida da.’”

Aposel 14:27

Mo Antiokiwa wimone ekelesia apanawa auwamone God dima uduudu nolau bedewe dewamona umanawa benemamoieno eteiena. Ita do God uwa daitada apanawa baibu inta wadenaubene banlamono sumanaintoiena umanawa diamoiena.

Aposel 15:11

No nuamba bedewe sumanaintite inseitana mai anaanamba ruawantonte asiasi inantata, dia, tane Tatamba Iesu inaida amonawa bopawa wadate inantata. Epe rua deawaa uwa daitada apanawa sumanaintoia inaida amonawa bopawa wadapue inantopu.”

Aposel 16:14

Mo bedeuwo i dea ebowa Lidia no asisunedie. Me bola Taiatira bedewe wisene Pilipai bedewe wandie. Me gara bumau eubu mampe wineio apana wimoie me mampe gimaramoia iwa. Me mapo God dauwa etene Iuswa sumanaibu bedewelene wandie. No ioto mampo gagalontitano Lidia asisuleidio Tatamba me sausano nuawa wadenaubeno Paul dima wana atendewalene Iesu bedewe sumanailen.

Aposel 16:31

Mo sipoasane waienase, “E Tatamba Iesu bedewe sumanaite ita inaitaa, e eba ita e apanaa duawo waimoia do inaitana.”

Paul letawa sumanailala Rom bedewe waimoia mampo girumalena 10:14

Mo ipa Tatamba mampe sumanai dia, ambi sau baiwa iririntopu? Tane mo Gagalo euda Tatamba umanawa etasiantopua mo ambi me bedewe sumanaintopu? Tane mai mida Gagalo euda amonalepia, ambi mo Gagalo euda etapue sumanaiwantopu?

Paul letawa sumanailala Rom bedewe waimoia mampo girumalena 10:17

Sa baiwa no ewate atenten: Gagalo euda eteitana bedewe sumanai wadedi wisede, tane Gagalo euda etaetawa ipa Keriso benemawa amonantoia bedewe wisede.

Paul letawa sumanailala Rom bedewe waimoia mampo girumalena 4:16

Abraam eueuwa mampe no ewate atenten, God sauawa ipa sumanai mampe ipawanaleide. God epe dewasadia me sauawa ipawaida Abraam nosinosiwa uduudu amona bopawa wadapona baiwa. Mai Iuswa, mo mida God anaanawa ruawantoia os God sauawa sumanai mampe wadapu. Tane do mo mida Abraam dewalena rua sumanaintoia God sauawa amonawa wadapua rua. Ipawa Abraam no sumanailala uduudu mamamba,

Paul letawa sumanailala Rom bedewe waimoia mampo girumalena 4:5

Tane God mampe mai epe. Apana mida mai dewa uduudu dewasadia inseipona tane insaisawa sumanai os bedewe itudia God mampe dodomanaleide. God, mida kadi dewalala dodomanamodia, apana sa sumanaiwa me ewedie mampesadio dodomanaleide.

Paul letawa sumanailala Rom bedewe waimoia mampo girumalena 9:16

Ema bedewe no eweite atenten: God sonabawa ipa mai apana dima menaidamodio inseie badowa nolawantoia bedewe segaleipona, dia. Tane God meba nuaparewa mampe sonabaleide.

Galasia 3:14

Keriso God matangelawa ema wadena bedewee inanen. Me epe dewasana uwa daitada apanawa God sauwa euda me Abraam sauasana donsapue wadapua baiwa. Inta ema bedewe no sumanai asiasi Aleu kakaiwa God sauawalena wadata.

Galasia 3:22

Buka bedewe girumalena sabamo wade apana uduudu kadi bedewentono taudomono waimoi. Ema segalena ando sumanailala sumanai asiasi God sauawa euda donsate inantataa baiwa, ipawa Iesu Keriso bedewee God sauawa ipawanalen.

Epesus 1:19

Do rauparintedina God mukawa debama pokawaaida, mai wataa rua, sumanailala bedembo nolaleidia dauwa etape ateitapona. Mukawa debamaia sa mampe God Keriso bo bedewe inasano enenwiseno me witapa on deneuwe ituno uboo wande. Ita me mukawa debamaia sa deawaa no bedembo nolaleide.

Epesus 2:10

No God seganena wainitana. Ita tauma Keriso Iesu bedewe dewaneno sanaanten dewa eubu me bautaido insamona rua dewamonte wainentaa baiwa.

Pilipai 1:29

Ne epe wadina, ipawa God sauwa amonawa euda enalena e Keriso simbiawaitonune sumanaiwaitonuna baiwa. Tane mai sa os, do Keriso ebowa baiwa poka etonuna baiwa God amonawa euda e enalen.

Kolosia 2:12

Do e babatutu mampe Keriso bowa bedewe e do dobosaleiena ita Keriso doitene bo bedewe enalawilene inaida sanaa bedewe wainilana, ipawa e God, me mida mukawa debama mampe Keriso bo bedewe inasano enenwisena, bedewe sumanaila ituilana baiwa.

2 Tesalonaika 1:9

Tatamba iompa walamawe mo matangela kadiwaida winakasala donsapu. Sa ipa Tatamba, ita do me mukawa sapawaida mo epue nambeidontopue ita me ibuwa mai ewapu, dia. Walama sawo Iesu wisepie me meba apanawaida kakaibu bedeuwo sapawaida donsapi, ita mo mida sumanaiwantoiena uduudu me ewapue asosapu. Tane e do mo bedeuwoitana, ipawa Gagalo euda no e benemaletano etale sumanaiwaitena baiwa.

Ibru 6:4

Apana mida sumanaiwa epiiepie adiananasapia ambi me osowe insaisawa leusapie God mampe dodomanalepi? Mai inta da wineipona, dia! Dima baiwa? Ipawa me bauta God sapawa bedewe wandie, me God amonawa euda eueuwa osowe itune atenlen, ita do Aleu kakaiwa me waden.

1 Pita 1:5

E mida sumanai bedewe wainilana God meba mukawa mampe gonaaledie oniadewasaledia, ideita inaida walama ompa osowe iedia sabamolepio bedewe aitana.