Epesus 1:7 - Kanasi

^7-8 God nuawadawada osowe mauraidalena baiwa nuaparembalene me Otopa wanaubeno wisen. Ita osinawa mampe kadi taiwa taunedia lotonaubene inanene kadiwamba insendabuasan. No mai dima euda dewasapona, dia. Tane God nuaparembalene nuawadawadawa amonawa debamawa, insaisa euwa, ita atenida do di memenaubeno unu rua osombo ieno wadatana.

Epesus 1:7 ပူးပေါင်းရင်းမြစ်များ

Matiu 20:28

Apana Otopa mai ebowa debama wadepio apana me simbiasapua baiwa wisepona, dia. Me wisena apana simbiamopie inawawa itupi epie apana uara kadi bedewe malesamopie inamopia baiwa.”

Matiu 26:28

Ema ipa ne osinana memenaubena apana uara kadiu insadabua baiwa. Inta ema bedewe ne sauana sanaa ulaipaleide.

Matiu 6:12

Ita no kadiwamba inseadabuasaa, no sosomba kadiwa mainimbo dewasaiena inseitadabuasaitana rua.

Gagalo euda Iesu Keriso umanawa Mak girumalena 14:24

Ita me mo diamone wanase, “Ema ipa ne osinana memenaubena apana uara kadiu insadabua baiwa. Inta ema bedewe ne sauana sanaa ipawanalepi.

Gagalo euda Iesu Keriso umanawa Luk girumalena 1:77

E me apanawa kadi dewasaia insadabuantompe inantompaa intawa umanawa diadewasamono atendewantompe waimompa.

Gagalo euda Iesu Keriso umanawa Luk girumalena 24:47

Ita me ebowa mampe insaisa leuleusawa ita kadi insadabua gagalowa uwa daitada apanawa bedeuwo amonantopu, tane Ierusalem bedewe bauta uwaalepi.

Gagalo euda Iesu Keriso umanawa Ion girumalena 20:23

E nolene aitane nolaitonuno apana e benemala wadapue mamposapua God mo kadiu insadabuamopi. Tane e aitane nolaitonuno apana e benemala etapue epua mo kadiu winakasalepi.”

Aposel 10:43

Peroweta uduudu me umanawa benemantoie waia apana uduudu mida me bedewe sumanaintoia me mo kadiu insadabuamopi.”

Aposel 2:38

Tane Pita sipoamone wanase, “E insaisala leusane kadi ene dodomanaitane ita Iesu Keriso ebowe babatutuitano God e kadila insepidabuasapi. E epe dewaitane God amonawa Aleu kakaiwa wadana.

Aposel 20:28

E ekelesiala eiau wainilana sumanaila bedewe eba onioniadewaitonune badowa enonuna. Ita ekelesiala Aleu kakaiwa e witalawomona oniamoipona deaitopa oniadewasamonuno waimompa. Ekelesia God me Otopaida osinawa mampe malesamona e ewadewasamonuna sipsip onionialala ruau.

Aposel 3:19

E insaisala leusane kadi ene dodomanaitane God mampe winleno me e kadila insepidabuasapi. E kadila ene dodomanaitano God Aleu nanawa enalempo nanune sumanai bedewe badowa wanlempa. Tane God Inawamba sauawalena e baila sonabene itun, me ipa Iesu.

Paul letawa sumanailala Rom bedewe waimoia mampo girumalena 2:4

God dewawa euda e manawo dewasade. Me mai tauwadea nuawa kadileipona, dia, me do nuawa aiaisiwa oniaedie wande. Tane e me dewawa euda dabuasaiana, ba? God me euwa mampe menasadia e insaisaa leusapio kadi bedewe me emawe dodomanaitaa. E ema inseiana, ba dia?

Paul letawa sumanailala Rom bedewe waimoia mampo girumalena 3:24

Tane God nuawadawadawa amonawa bopawa mampe apana God do deantopua rua. Sa ipa God Keriso Iesu bedewe mo kadi taumodia lotoaubamone inamon.

Paul letawa sumanailala Rom bedewe waimoia mampo girumalena 3:25

God me Otopa sonabene pulo rua ituno bolene osinawa memenauben. Tane me bowa mampee apana mida me sumanaiwaleidia God nuakadiwa dialepio apana sa kadiwa insepidabuasapi. God dewa ema dewasana mampe sabamosan me ipa dodomanaida. Ipawa mapo God apana kadiu ewedie mai tauwadea matangelamopona, tane nuawa aiaisiwa oniamodie wandie.

Paul letawa sumanailala Rom bedewe waimoia mampo girumalena 9:23

Do God menasadia me sapawaida debama apana mida me nuapareuleidia mampo sabamosapona. Apana sa God bauta sonabamona me sapawaida wanamopona wana,

1 Korint 1:30

God mai e atenla debama mampe ba dewala euda mampe inalepona, dia. Tane God dima dewasana mampee inaitene Keriso Iesu bedeweitene wainilana. God atemba insaisawa Keriso bedewe ipawanasano no atentitana. Keriso bedewe no God mampe dodomananten. Me no kadi taiwa taunedia bedewe inanen. Ita me bedewe no God mebaawa apanawa kakaiwaida wanantene wainitana.

2 Korint 8:9

Ne ema epe manlawo girumantedina, ipawa e ateiten e mai dima euwa dewasapona, tane Tatamba Iesu Keriso nuawadawadawa amonawa debamaia e di enalen. Me uboo maura debamaia bedewe wandie, tane e baila maura sa ene iene abolala apanawa wanalen. Ita me abolalena bedewee e dewalepio mauraitana baiwa.

Epesus 1:14

God no Aleu kakaiwa nenena, sa ipa amonamba uduudu wineia bedeuwo dea bautaa wadatana. Ita Aleu kakaiwa nenena mampe inseite atentitana God dima uduudu sauanena wadapona ando nenepio wadata. Do Aleu kakaiwa wadatana inseite atentitana walama ompe no inaidantate inawinakasalawo wankasantata, God meba apanawaida sauamona rua. Tane God no apanawaida wananene makasanena meba ebowa sapaidalepie debamalepia baiwa.

Epesus 1:18

Do ne rauparintedina God e nualawo sapawa itupio ateitana dima baiwa God e sonabalena. Sa ipa dima enalepono wadapona onioniawaitile wainilana atendewaidaitana. Ne iririntedina God sauwa amonawa eubuida, mai wisia rua, mampe wineia me apanawa kakaibu sauamona wanamopia e ateitanatuwapi.

Epesus 2:4

No kadi dewasaite aleu bedewe bobopa wainite, sa baiwa God nuasigasigawa donsapona. Tane me nuaparewa debamawaida ita me no nuawadawadaidanene baiwa no Keriso do deanene bo bedewe inaneno ina sanaa wadatana. No mai dima euda dewasapono me inanepona, dia, tane me di inanen. Ema ipa God nuawadawadawa amonawa di neneno wadatana.

Epesus 2:7

God epe dewasana, ipawa me menasadia me nuawadawadawa ita nuaparewa debamawaida, mai wataa rua, sabamosapio winakasalepi ando ita ando bedewe. Ita God me nuawadawadawa ita nuaparewa debamawaida dima euda Keriso Iesu bedewe no mainimbo dewasana mampe euwanene ipawanasan.

Epesus 3:16

Ne rauparintedina Aleu kakaiwa mampe God mukawa enalepio nuala badosane sumanai mampe badowa enana. Ne iririntedina God maurawa eubuida mampe wineia mukawa sa enalempo wadonuna.

Epesus 3:8

God meba apanawaida kakaibu bedeuwo ne ipa diapanaida, mai mo ruau. Tane God amonana nena uwa daitada apanawa mampo Keriso maurawa eubuida uaraia mampe wineia benemawantepina.

Pilipai 4:19

Ne Godna mampe maura debamaia winedia Keriso Iesu bedewee e menaledia ruawa enalempo wanlempa.

Kolosia 1:14

Me Otopa Keriso no inaida nenen, sa ipa me no kadiwamba uduudu mitenaubene riasano alen.

Kolosia 1:27

God me apanawaida mampo benema ema weregalala sabamosan. Ita benema ema sapawa maurala debamawaida do, uwa daitada apanawa baibu. Ita benema ema ipawaida ipa ema epe: Keriso ipa e uwa daitada apanawa Inawala, e bedelawo wande. Me mai Iuswa os Inawau, dia. Me bedewe no ando sapawaida donsata, sa baiwa no insaisamba me bedewe ituitana.

Kolosia 2:13

E uwa daitada apanawa mapo kadi dewasaile dubawa bedewe bobopa wainile ita ete nonowa dewawa ipawaida mai dewasapona. Sa ipa e mai God apanawa wanleipe tane ete insaisawa tontawa asiasi wainile. Tane God e Keriso do awodealene bo bedewe inaleno ina sanaa wadalana ita me e kadila uduudu insendabuasane riasano alen.

Kolosia 2:2

Ne epe badowa nolantedina, ipawa ne menanedia sumanailala uduudu nuau badolepio ita nuawadawada mampe ete dea rua deaidantopu. Ema bedewe mo insaisau wadepiaubepie debamalepio God benemawa bauta weregala uduudu atentoputuwapi. Benema ema weregalene winedia ipawaida ipa Keriso.

1 Timoti 2:6

mida me meba etepa itune ena apana uduudu malesamopie inamopia baiwa. Gagalo ema umanawa God walama euda itudiawo benemantoio apana etei.

Taitus 2:14

Me meba etepaida no baimba nanalene en. Ema epe inta no wanwanimba rebareba bedewe malesanene inanene euneno me apanawaida wananten, ita dewa euwa baiwa nuamba uduudu mampe nolantonta.

Taitus 3:6

God Iesu Keriso no Inawamba bedewee Aleu kakaiwa unu rua no osombosane memenaubeno wadatana.

Ibru 9:22

Ulaipa, kerauda os nitu uduudu osina memaaubala mampe euntoie Moses anaana wadia rua. Tane osina diaewo apana kadiu mai insepadabuasapona, dia.

1 Pita 2:24

Keriso me meba etepa mampe no kadiwamba koros iawa osowe awanenauben. Dima baiwa? No kadi mampe bobopa segantate etaiate dodomanaida wantaa baiwa me bolen. Me epeiena pokawa sa bedewe e inaiten.

1 Pita 3:18

Ne ema epe wadina, ipawa Keriso do kadi baiwa walama dea os deasane poka eten. Me ipa apana dodomanaida, tane kadi dewalala baibu bolen. Ema bedewe me e banlalepio God mampe wilena. Keriso eteida wandio bosaiena, tane God me inasano enenwisene aleu gonaawa bedewe wandie

1 Ion 2:12

Obaina, e mida tauma sanaa sumanai bedewe odale wainilana manlawo girumantedina, ipawa e kadila Iesu ebowa mampe insendabuasane mitenauben.

1 Ion 2:2

Iesu Keriso me meba etepa no kadiwamba malesawa itune bolen. Tane mai sa os, dia, me ipa tawo uduudu kadiu malesawa do meba etepa itune en.

1 Ion 4:10

Tane God nuawadawadawa ipawaida ipa ema epe: No mai bauta God nuawadawadasapona, dia, tane me no di nuawadawadanene me Otopa wanaubena bolepi pulo eudida no kadiwamba malesawa ita ema bedewe no dodomananepio God sosowaida wanantataa baiwa.

Gagalo Sabamolala 14:4

Mo ipa mida mai ioto do ninantoipe etepu miramirasapona, tane etepu kakaisaie di waimoia. Mo ipa sa Sip sanaa naepe aleidia ruawa wawe antoi. Nana bauta ipawa itudio uwauwantoia ruawa epe mo ipa tawo osowe wanwanlala uduudu bedeuwo gimaramona uwauwamon God ita Sip sanaa baibu.

Gagalo Sabamolala 5:9

Ita mo Sip sanaa danawe dunentone wadaposisaie sasa sanaawa sasantoie waiase, “Mo e koros osowe seueieno boiteno ita osinaa mampe dan daitada bedeuwoe apana malesamoana God baiwa. Ita do aia daitada wawalala bedeuwoe, do ete daitada ita do uwa daitada bedeuwoe e apana malesamoana God baiwa. Mo ipa God gonaawa apanawaida wananton. Ita e dewamoano pirisintona no Godimba simbiawantompe warere ruau tawo uduudu oniempa. E os epe dewaitene boitene apana God baiwa malesamoana, sa baiwa eulena e buka wadee lomiwa wadaaube wadaake ewaa.”