2 Timoti 1:12 - Kanasi

¹² Dewa ema baibu ne dibura bedewe poka etedina. Tane ne mai malanteipona ba nuana pola waipona, dia. Ipawa ne atenten mida ne sumanaiwantedina, me ipa onionia mamba euda. Do ne badowa insedina sumanai nolawa nena me meba oniempadewalempo wiwisa walamawa wisepi.

2 Timoti 1:12 ပူးပေါင်းရင်းမြစ်များ

Matiu 12:21

Uwa daitada apanawa me ebowa mampe me baiwantopu.”

Matiu 24:36

“Apana Otopa wiwisawa walamawa ba omowa sa mai mida da atenleipona, dia! God enseliwa uboa mai atentoipona, God Otopa do dia, tane Mamamba os walama sa atenlen.

Matiu 7:22

Ompa osowe kotu walamawa wisepio apana uara ne dianeapue wapuase, ‘Tatamba, Tatamba, no nolamba benemawaeto etaa! No Gagalo euda e eboawo amonantite leite, ita e eboawo aleu kadiwa uara apana bedeuwo waimoia tanamotano nomone anton, ita do ginasa uaraia e eboawo dewamotana.’

Gagalo euda Iesu Keriso umanawa Luk girumalena 10:12

Ne ulaipa dialedina, kotu walamawe Sodom apanawa matangelau pokawa etapu, mai dia. Tane e bola dawo aitile wileilano bola sa apanawa dabualeie eleia matangelau rebarebaida osouwolepio poka etaidasapu, mai Sodom apanawa ruau.

Gagalo euda Iesu Keriso umanawa Luk girumalena 23:46

Tane Iesu aiawa debamawa mampe wane wanase, “Mako, ne aleuna e witaawo itudina!” Me ema epe wane nonaupa ompa ituniene bolen.

Gagalo euda Iesu Keriso umanawa Ion girumalena 17:15

Ne mai e dieeipona mo tawo ema epue ne e manawo iedina rua tauma manawo wimopu, dia. Tane mo tawo ema osowe nolantompe waimompo Seitan mo kadimopia sawa e ewadewasamono sumanaibu bedewe badowa enompaa baiwa.

Gagalo euda Iesu Keriso umanawa Ion girumalena 6:44

Ne epe dialedina, ipawa mai mida da meba mukawe ne mainawo wimpia rua, dia! Tane dea os, mida Mamamba nuawa teinepio ne mainawo wimpi, ita walama ompa osowe me inasapo bo bedewe enepiwisepi.

Aposel 13:46

Tane Paul Banabas nata mai mo wakadisau etape Gagalo euda amonawa epona, dia. Ita mo mai sa ba mala do badowa sipoamone waienase, “God insaisawa rua no bauta e Iuswa manlawo God aiawa wadate winene gagalowanten. Tane e God aiawa dabuasale elana, sa ipa eba eueuwaiten e mai rua inawinakasala wadana, dia. E dabuaitena baiwa no elete uwa daitada apanawa mampo Gagalo euda amonantonta.

Aposel 13:50

Tane Iuswa nuau kadileno osowe ioto ebou debamau mida God sawantoie waimoia ita do Antiok apanawa uwaulala mampo antone ensimoieno baiwa Paul Banabas nata kutumbu waie wawumoie. Mo menamodia Antiok apanawa sa Paul Banabas nata onau enapue kadimopu. Ita mo wawu gagalowa sa etane wimone Paul Banabas nata tanamone badowa anaanamoiena mai bolauwo wampu, epue aidantopu.

Aposel 21:13

Mo Paul epe waitusaio me diamone wanase, “Dima baiwa e nuala kekeleidio waituneile nuana badosailana? Ne rua os mo Ierusalem bedewe tauneapu do Tatamba Iesu baiwa inawana epe bonteapa.”

Aposel 7:59

Mo epeio bedewe Sitiwin rauparilene wanase, “Tatamba Iesu, ne aleuna wadee manawosaa!”

Aposel 9:16

Tane me nolalempo ne ebona baiwa poka daitada etaidasampe dauwa etompa.”

Paul letawa sumanailala Rom bedewe waimoia mampo girumalena 1:16

Ne epe dewantedina, ipawa ne Gagalo euda wawawa mai malawanteipona, dia. Ne Gagalo euda bedewe insaisana itudina, ipawa ema bedewe God mukawa winede sumanailala uduudu inamopia rua. Gagalo euda ema ipa bauta Ius apanawa baibu, tane do uwa daitada apanawa baibu.

Paul letawa sumanailala Rom bedewe waimoia mampo girumalena 9:33

Seu sa umanawa buka bedewe wadi wadiase, “Ewana, ne seu bola Saion bedewe itudina. Seu ipa sa apana bagoramopio omepu, ita seu ema osowe mo ampupare kadi donsapu. Tane mida me bedewe sumanaileidia ando mai malalepi, tane sumanaiwa ipawaida ideita donsapie wadepi, mai di sumanaileipona, dia.”

1 Korint 1:8

God e saulempo badowaida enonune newa osowe wilena ita Tatamba Iesu Keriso leulepi wisepie apana kotumompe e manlawo mai wawu da donsapi, dia. God e sonabalene apalena, me Otopa Tatamba Iesu Keriso bedeweitane wankasaitana baiwa. Me ipa onionia apanawa euda e saulempo sumanaila bedewe badowaida enonune ompa osowe wilena.

1 Korint 3:13

Ando God kotuwa walamawe me nolawa dewalala mai God lagasapie nolawa weregasapia rua, diaida. Tane walama sawo ia iilala segalepio God nola dewalala uduudu nolau ia sa bedewe alepituwapi. Ita God ia sa mampee nolau ipawa sabamosapi, dainea ipuipua, tane dainea ipusiawaia.

Pilipai 1:20

Ne nuana bedeweido insedine baiwantedina ipa ne nolana bedewe mai epe omepa, sa ipa malanepi. Tane ne walama uduudu ita tauma bedewe do menaidanedia ne nuana badolepio enapa ita ne etena uduudu mampe Keriso ebowa debamasapa, wainepina ba bonteapaa bedewe.

Pilipai 3:10

Ne menanedia Keriso mida bo bedewe enenwisene wandia mukawa etaetawa atenidanteapa. Sa ipa ne Iesu poka etena ruawa etape ita bo bedewe do Iesu ruawanteapaa menanede.

Pilipai 3:21

Me mukawa debamaia mampe nitu uduudu me atowemopie oniamopi. Muka ipa deawaa mampe me no etemba oauara leusapio sanaalepie meba etepa sapawaida do wandia ruawalepio me do wanta.

Pilipai 3:8

Ita dima uduudu ne bauta bedeuwo insaisana ituna tauma ne mainawo diapana rua seganton. Nitu dea os uwatauwaida ne mainawo, sa ipa ne Tatana Keriso Iesu atenidanteapa. Me ebowa baiwa dewa uduudu bauta dewamodine asowawauntedina tauma se rua aubamone eidamona. Ne menaidanedia Keriso os wadape mainawosape

1 Tesalonaika 5:4

Tane sumanai sosomba, e mai dubawa bedewe wanleipona ita Tatamba wiwisawa walamawa e wankoaitonuna bedewe poi apanawa rua wisepie melepi, dia.

1 Timoti 6:20

O Timoti, nitu uduudu God e witaawosana oniadewasamoa! Apana isiwa warebasa gagalowa ita gagalo ipasia osowe di diadiantoie waie waiase, “Ema ipa atenida.” Tane e gagalo sa sawaite ea.

2 Timoti 1:14

Gagalo euda waeuwa dima God e witaawosana Aleu kakaiwa no bedembo wandia mukawa mampe gonaaite oniadewasamoa.

2 Timoti 1:16

Tatamba Keriso no sumanai somba Onesiporus duwa bedewe wanwanlala do nuapareulepie saumopi, ipawa me walama uduudu ne saunedie nuana eusadie. Do ne dibura bedewe seni do wainedino me mai ne malanalepona, dia.

2 Timoti 1:18

Timoti, e ateiten ne Epesus bedewe wainedino ambi me ne simbianen. Ne rauparintedina Tatamba me wiwisa walamawe Onesiporus nuaparewalepie inasapi.

2 Timoti 1:8

Sa baiwa Tatamba Iesu benemawa sabamo wawawa mai malaitaa, dia. Do ne Keriso baiwa diburantena mai malanaitaa. Tane ne do Gagalo euda baiwa God mukamba nenedia bedewe poka etonta.

2 Timoti 2:9

Ne do Gagalo euda ema baiwa poka etedina, ita kadi dewalala ruau seni mampe tauneieno dibura bedewe wainedina. Tane God aiawa mai mida taupidodepia rua, dia!

2 Timoti 4:8

Tauma uwa benawa uwatauwaida ne baina imaala winede, sa ipa apana mida God mampe dodomanantoia mo os uneu. Tatamba Iesu Keriso mida apana uduudu dodomana os kotumopia, me walamawa debama sa bedewe unena nepi. Mai ne os, tane mo mida nuawadawada mampe me wiwisawa onioniawantoia do uneu wadapu.

Taitus 3:8

Aia ema ipa ulaipa ipuipua, bedewe no insaisamba itunta. Ne menanedia e dewa ema uduudu deaitopa waeuwadewasamona, mo mida God bedewe sumanaintoia insaisau ita nuau uduudu mampe dewa eubu ideita ruawantompe dewamompaa baiwa. Nola sa ipa ipuipua eubu apana baibu.

Ibru 12:2

No weuwante bedewe Iesu ewadosante antonta. Tane Iesu, me ipa no sumanaimba bumpa ita ompa. Me nuaeuwa debama winedia ewene baiwa koros pokawa etedie do koros osowe bowa malawa mai insepona. Ita ompa osowe me God kolaiwatawa on deneuwe aisidene wain.

Ibru 2:18

Iesu meba rubu bedewe pokaida etene atenlen, sa baiwa apana rubu bedewe antoia me saumompaa rua.

Ibru 7:25

Ema baiwa me rua os mo mida me bedewainta God mampe wimoia me tauma ita ando inaidamopia rua. Ipawa me wanwankasalala, ita me walama uduudu God danawe mo baibu enedie rauparileide.

1 Pita 1:5

E mida sumanai bedewe wainilana God meba mukawa mampe gonaaledie oniadewasaledia, ideita inaida walama ompa osowe iedia sabamolepio bedewe aitana.

1 Pita 4:16

Mida Kerisolala wanalena baiwa poka etompa mai poka sa malawalepi, dia. Tane me Keriso ebowa wadena baiwa ideita God auwasapi.

1 Pita 4:19

Sa baiwa me mida God insaisawa rua poka etedia God mida me dewasana ita oniadewasasadia bedewe insaisawa itumpa ita ideita dewa euda os dewasampa.

Iud letawa sumanailala mampo girumalena 1:24

Tauma Godida no Inawamba ebowa wadaposisata! Me ipa rua os saulepio sumanaila bedewe mai omena, ita banlalepio e God sapawaida do danawe enana. Do dewalepio e walama sawo nuaeu debama donsana, ita mai kadi da e bedelawo winepio ewepi, dia. No Tatamba Iesu Keriso bedewe God wadaposisanta! Me ipa debamawaida ita mukawaaida, nitu uduudu ipa me atowe. Sapaida me mampea tawo segasia walamawe wisena, tauma ita ando winakasala! Amen.