2 Tesalonaika 2:13 - Kanasi

¹³ No walama uduudu God auwasanta e sumanai sosomba baila, e mida Tatamba nuawadawadaledia. God e bautalene sonabalena, me Aleupa kakaiwa e bedelawolepie inalepie dewalepio meba apanawaida kakaiwa segaitana baiwa. Ema ipa e sumanaila ulaipa gagalowa bedewe ituilana mampe segaleide.

2 Tesalonaika 2:13 ပူးပေါင်းရင်းမြစ်များ

Gagalo euda Iesu Keriso umanawa Luk girumalena 1:75

Ita me no saunempo walama uduudu wanwanimba bedewe dewa dodomana dewasante kakaiwaida os me simbiasante wainenta.

Gagalo euda Iesu Keriso umanawa Ion girumalena 1:1

Bumpeido tawo segasia walamawe ipa aia, tane aia sa ipa God mampe wandie ita me ipa Godida.

Gagalo euda Iesu Keriso umanawa Ion girumalena 14:6

Ita Iesu me sipoasane wanase, “Ne nebaida ipa inta, ulaipa ita inawinakasala wainedina. Mai mida Mamamba mampe alepia rua, dia. Tane inta dea os, sa ipa ne bedenawoe Mamamba mampe wisepi.

Aposel 13:48

Uwa daitada apanawa gagalo ema etane nuau euleno Tatamba aiawa baiwa God ebowa wadaposisaiena. Ita bedeuwo apana mida God inawinakasala baiwa sonabamona sumanaintoiena.

Paul letawa sumanailala Rom bedewe waimoia mampo girumalena 6:17

Ulaipa, mapo e kadi mebaawaida nolawa dewalala wainile. Tane ne God auwasadina, e tauma nuala uduudu mampe Gagalo euda waeuwawa uduudu wadale ruawaiten.

Paul letawa sumanailala Rom bedewe waimoia mampo girumalena 8:33

Mida enepie God mebaawa sonabalala wawumopi? Mai mida da epe dewalepia rua, dia. Ipawa God meba apanawa dodomanamon, mai wawu da mo mampo wineipona, dia.

Paul letawa sumanailala Rom bedewe waimoia mampo girumalena 9:11

Tane God menasana me sonabawa ipa me insaisawa rua segalepi, mai dima apana euda ba kadiwa dewasaia asiasi, dia. Rebeka obampa ragaraga inau, bupa bedewe waimoia walamawe God Rebeka diene wanase, “Mai oto kerauwa tatawa tautua simbiasapi, tane tautua wamba kerauwa simbiasapi.” God epe wane me oto kerauwa sonaben. Sa ipa dima me bauta insaisawa ituna rua segalen, ipawa ragaraga walama sawo mai muntope euda ba kadiwa dewasapona, dia.

1 Korint 1:21

Apana tawo insaisawa asiasi God atensapua baiwantoia God atemba mampe mo bodamono koanton, mai atensapona rua, dia. Tane God menasadia koros gagalowa, dima apana mampo ipasiawaia, no gagalowantitana mampe mo mida sumanaiwantoia inamopi.

Galasia 3:1

O Galasia apanawa, e ipa oopauida! Ne Iesu Keriso koros osowe bosaieno tane inalena umanawa deaitopa waeuwadewasaleno ewaladewaitene ateiten. Tane tauma e ambi? Mida e banlakadisalene insaisala dubasan? E inseilana God nuawadawadawa amonawa ipasia, ba?

Epesus 2:8

E inaitena, sa ipa e mai anaana ruawaitile simbiaitilana mampee inaitapona, diaida. Tane God nuawadawadawa amonawa euwa mampe e sumanaila bedewe inalen. E mai dima euwa dewasapona, diaida, tane God e di inalen. Sa ipa God amonawa di neneno wadatana. Me epe dewasana, apana muba segarau wapua sawa.

Kolosia 1:5

Tane sumanai ita nuawadawada ema e tauma wadale bedewe wainilana ipa dima God uboo e baila nitu eubu uduudu imaamono wineia bedewe e insaisala ituile onioniawaitilana mampee wisede. Ulaipa Gagalowa euda amonantoiena bedewe ema umanawa aitamana e manlawo wiseno etale ateiten.

Kolosia 3:12

E ipa God sonabaidalena apanawa kakaibu nuawadawadaledia wainilana. Sa baiwa sosola nuapareuitana, ita e bedelawo dewa euwa, sosola atouwoitonuna, nuabibia dewawa dewasanune do etela aiaisiwa obasa wanlempa.

1 Tesalonaika 1:4

Sumanai sosomba God e nuawadawadaledia, no atenten e me sonabalala apanawaida wainilana.

1 Tesalonaika 2:12

No e wadodomanalete badoletana ita nuala ituite wanwan euda God menasadia rua wanlempa. Tane God e me gonaawa ita sapawaida bedewe waina baiwa apalen.

1 Tesalonaika 4:7

God no mai dewa kadiu dewamontaa baiwa apanepona, dia, tane kakaiwa os wainentaa baiwa apanen.

1 Tesalonaika 5:9

Epe dewantonta, ipawa God no mai sonabanepe itunepona me nuakadiwa pokawa etataa baiwa, dia. Tane me no sonabanena inaida no Tatamba Iesu Keriso bedewe wadataa baiwa itunen.

2 Tesalonaika 1:3

Sumanai sosomba, no inseitana eulena walama uduudu e baila God mampe auwantonta. Ipawa e sumanaila inilene odene debamaidaleide, ita e eda nuawadawadala sumanai sosola mampo do debamaleide.

2 Tesalonaika 2:10

Ita do me kadi uara mampe apana mo mida kadi donsapua lagamopi. Mo kadi donsapu, ipawa mo ulaipa gagalowa dabuasaiena, mai nuawadawadasape wadape mamposapona inantopona baiwa.

2 Tesalonaika 2:12

Inta ema bedewe mo mida kadiwaida dewawa nuawadawadasane ita ulaipa gagalowa mai sumanaiwantopona kotuntopue kadiwa donsapu.

2 Tesalonaika 2:16

Do Tatamba Iesu Keriso me meba ita Mamamba God, mida no nuawadawadanene mo saubu amonawa euwa mampe nuamba badosaiena winakasalepia baiwa,

2 Timoti 1:9

Me no inanene ita apanena me meba apanawaida kakaibu wantaa baiwa. Me mai no dewamba da euda baiwa inanepona, dia. Tane me meba insaisawa bauta ituna ita nuawadawadawa amonawa euwa nenena mampe inanen. Amona euwa ema God tawo segasia walamawe Keriso Iesu bedewe dewasane no baimba itun.

2 Timoti 2:15

Sona, badowa enone nolaitona, God e asoa wapia baiwa. Ita nola dewalala euda wanaite God aiawa ulaipa dodomana os mampe waeuwaitona, mai apana mida nolawa malawaleipona rua.

2 Timoti 3:15

Ita insea e oto kerauda wainiana walamawe e gagalo kakaiwa buka bedewe girumalena ateiten. Gagalo sa e waeuwaepie insaisaa dodomanasapio sumanai mampe Keriso Iesu bedewe inaida donsaa.

Ibru 1:10

Do peroweta ema epe wane wanase, “O Tatamba, bumpeido e tawo segasaana. Ita e eba witaa mampe uba dewasaana.

Iems 1:18

Me ulaipa gagalowa no baimba ituna bedewe ina intawaida euwaneno ewatana. Ita inta sa mampe no ina sanaa nenen me insaisawa rua. Me epe dewalena, ipawa me menasana dewa uduudu segamona bedeuwo no debamaidantepona.

1 Ion 4:10

Tane God nuawadawadawa ipawaida ipa ema epe: No mai bauta God nuawadawadasapona, dia, tane me no di nuawadawadanene me Otopa wanaubena bolepi pulo eudida no kadiwamba malesawa ita ema bedewe no dodomananepio God sosowaida wanantataa baiwa.

1 Ion 4:19

No nuawadawadantitana, ipawa God bauta no nuawadawadanen.