1 Tesalonaika 1:3 - Kanasi

³ No Mamamba God danawe raupari baiwa enonte e insalenta, ipawa e sumanaila bedewe dewa eubu dewamoilana baiwa, do nuawadawadala baiwa badowa nolaitilana. Ita do no God auwasaitana, ipawa e Tatamba Iesu Keriso ando wisepia bedewe insaisala ituilana baiwa poka eteile badowa eneilana, mai dabuaitipona, dia.

1 Tesalonaika 1:3 ပူးပေါင်းရင်းမြစ်များ

Gagalo euda Iesu Keriso umanawa Ion girumalena 14:15

Ema aupe Iesu wawe alala diamone wanase, “Naita e ne nuawadawadaneanuna dima ne dialedina ruawaitonune wanlempa.

Gagalo euda Iesu Keriso umanawa Ion girumalena 15:10

E ne nuawadawadana bedewe wankasaitana intawa ema epe: Ne dima dialeno etalana ruawaitonune wanlempa. E epe dewaitonune ne nuawadawadana bedewe wankasaitana ne Mamana nuawadawadawa bedewe wankasantedine me aiawa ruawantedinatue wainedina ruawa.

Aposel 3:19

E insaisala leusane kadi ene dodomanaitane God mampe winleno me e kadila insepidabuasapi. E kadila ene dodomanaitano God Aleu nanawa enalempo nanune sumanai bedewe badowa wanlempa. Tane God Inawamba sauawalena e baila sonabene itun, me ipa Iesu.

Paul letawa sumanailala Rom bedewe waimoia mampo girumalena 12:12

E Iesu Keriso ando wisepia onioniawaitilana bedewe insaisala itunune nuaeu do wanlempa. Poka saiwa daitada e manlawo iompo e ideita bedewainta aitonuna ita do walama uduudu bedewe rauparitonuna, mai ena.

Paul letawa sumanailala Rom bedewe waimoia mampo girumalena 15:13

God ando no inaida ita inawinakasala nenepi. Me epe dewasapia bedewe no tauma insaisamba ituitana. God me ipa dewa eubu ema uduudu bumpa. Ne rauparintedina me e nuala nuaeuwa mampe nopesapi ita wanwanla euda obasa enalepi. Ema bedewe Aleu kakaiwa mukawa e insaisala nopesampo badowaida God mampe itununa.

Paul letawa sumanailala Rom bedewe waimoia mampo girumalena 15:4

Ita dima uduudu buka bedewe girumalena, sa ipa no wasaunepie dodomananepia baiwa girumalen. Wasau gagalowa buka bedewe winedia ita do poka saiwa no eteitana dewanepio no insaisamba God bedewe ituta.

Paul letawa sumanailala Rom bedewe waimoia mampo girumalena 16:26

Tane tauma ulaipa benemawa sa God dima peroweta girumantoiena bedewe wadenaubene sabamosan. Ema ipa God wanwankasalala insaisawa rua segalen tawo uduudu apanawa Gagalo euda sumanaiwantopue ruawantopua baiwa.

Paul letawa sumanailala Rom bedewe waimoia mampo girumalena 16:6

Ita ne Meri mida e baila badowa nolalena auwasadina.

Paul letawa sumanailala Rom bedewe waimoia mampo girumalena 2:7

Apana mida dewa euda dodomana dewasaia ita do God sapawaida, ebou euda ita do inawinakasala banusaie baiwantoie mai eipona, mo ipa inaida winakasala God mampe wadapu.

1 Korint 13:13

Tauma wainitana bedewe dewa ema natadea dewamonte wainenta: No God mampe sumanaintonte do insaisamba me mampe itunte dima uduudu me sauawalena ipawanalepia inta ewaewawantonte wainenta. Tane do nuawadawadantonte wainenta. Ema dewamonta bedewe nuawadawada ipa debamawaida.

1 Korint 15:58

Sa baiwa nuana sosowa Gagalo euda waeuwa bedewe wala aine badowa enonuna! Mai waeuwa da lagawaa etane uwaalepio waweitana. E eba etela ita nuala uduudu nanaitane Tatamba baiwa nolaitonuna! Ipawa e ateiten dima e Tatamba bedeweitene wanle dewasailana ipa mai ipasia, tane ipuipuaida.

2 Korint 2:17

Apana isiwa Gagalo euda nitu da maket bedewe gimaralala rua amonantoi mane wadompaa baiwa. Tane no mai mo ruau, dia. God no waaubanene muka neneno me emawe Gagalo euda Keriso mukawa mampe ulaipa dodomana os amonantitana.

Galasia 1:4

Iesu Keriso no kadiwamba baiwa me meba etepaida nanalene bolen. Me God no Mamamba insaisawa ruawalene epe dewasana no kadi taudonena lotopiaubepie ita kadi walamawa ema bedewe wadaaubanepia baiwa.

Galasia 5:13

Tane e sumanai sosona, Keriso e apalene sonabaleno me mebaawa wanaitene wainilana, ita anaana tauma e mai taudoleipona, diaida. Tane ema baiwa mai insenase, “No tauma inantene di wainitana, no insaisamba rua ete ewanuauwa asiasi wainenta.” Mai epe insenuna, tane nuawadawada mampe nola dewalala ruau sosola simbiamonune do wanlempa.

Galasia 5:6

Ne epe wadina, ipawa mo mida Keriso bedewentona mo mampo ete nonowa dewawa mai ipuipua, dia. Tane Keriso bedewe nitu dea os ipa debamawaida, sa ipa sumanai nuawadawada bedewe nolaleidie sabamoleide.

Galasia 6:9

Sa baiwa no mai insaisamba omepio dewa euda dewasaitana etedabuantate eta, dia. Tane no ideita dewasanta ita uwauwa walamawe dima no aneitana maurawa debama donsate uwauwantata.

1 Tesalonaika 3:6

Timoti taumaida e manlawoe leulene wisene e sumanaila ita nuawadawadala bedewe badowa eneilana benemawa euda no dianen. Tane do e walama uduudu euda mampe insaneile ita menaidaledia no ewanepona umanawa dianen, ambi no e ewalepona menanedia rua.

2 Tesalonaika 1:11

Sa baiwa no walama uduudu e baila rauparintitana God e dewalepio wanwan euda dodomana e apalena rua wanlempa. Do rauparintitana dima euwa e baiwaitilana, ita do e sumanaila nolawa me mukawa mampe dewasampo ulaipalempa.

2 Tesalonaika 1:3

Sumanai sosomba, no inseitana eulena walama uduudu e baila God mampe auwantonta. Ipawa e sumanaila inilene odene debamaidaleide, ita e eda nuawadawadala sumanai sosola mampo do debamaleide.

1 Timoti 1:14

Tatamba me amonawa euwa debamaia ne osonawo memediaubedie sumanai ita nuawadawada dosane Keriso Iesu bedewe ne nen.

1 Timoti 2:3

Dewa ema eudida, God no Inawamba menasadia rua.

Ibru 10:36

E poka bedewe ideita badowa enonune aitonuna. Inta ema bedewe e God insaisawa ruawaitane ita dima me sauawalena donsana.

Ibru 11:17

God Abraam rubusadio me sumanaiwa bedewe otopa Aisak pulo rua itupona baiwaleidie. Tane ema insena: Abraam mampe God saualene wanase, “E otoa Aisak mampee nosinosia uaraia segantopu.” Tane Abraam ideita me otopaida dea os pulo rua itupona baiwalen.

Ibru 13:21

No rauparintitana God ipa sa e sau euda debama enalepi me insaisawa dewasana baiwa. Do rauparintitana God Iesu Keriso mukawa mampe dima me nuawa eusapia e bedelawo segalepi. Iesu Keriso mampe sapaida ande ita ando winakasalepi! Ne epe menanede, amen!

Ibru 4:11

Gagalo ema baiwa no sumanai bedewe badowa enonte weuwante antonta bubua bolawa sa bedewe odata. Ita mai mida no bedembo sumanaiwa epie omepi Israel apanawa ruau. Mo ipa God gagalowa etane, tane mai sumanaiwantopona, dia.

Ibru 6:15

God Abraam sauasano etene nuawa aiaisiwa mampe inta ewaewalene odene alene ita dima God sauasana donsan.

1 Pita 3:4

Tane e bedelawo nua bibia ita nuaeu daina mampe simbiaitonuna, sa ipa ete benawa winakasalala eudida. Wanwan ema ipa uwatauwaida God emawe.

1 Ion 3:18

Obaina, no nuawadawadamba mai aia ita gagalo os wanta, tane nuawadawadamba ipawaida do dewasante wainenta!

1 Ion 3:21

Nuana sosowa, naita nuamba mai wawunempa no dodomana badowa enata God danawe.

1 Ion 3:3

No insaisamba me bedewe ituitana, sa baiwa no uduudu mida insaisamba epe rua wadeitana kadi uduudu miteitaaubeite euntitana, Keriso meba euda os wandia rua.

1 Ion 5:3

Tane naita no God nuawadawadasanta, sa ipa no me anaanawa ruawantitana bedewe sabamosaitana. Ita me anaanawa ipa mai saibusaibua, dia.

Gagalo Sabamolala 2:19

Ne e dewala uduudu, nuawadawadala, sumanaila, ita simbiala nolawa ateinaida. Ita ne atenten e sai pokawa eteilana bedewe sumanaila mai epona, dia. Do ateina tauma e nola debamauida dewamoile wainilana, mai bauta dewamoilana rua.

Gagalo Sabamolala 3:10

E sumanaila poka bedewe mai epona, tane ideita poka bedewe badowa enalana, sa ipa e ne waeuwana ruawaiten. E epe dewaitena baiwa ne do e mai elepa, dia, tane tawo osowe poka debamaia iompo ne e saulepo kadiwa mai donsana. Poka walamawa sa tawo apanawa uduudu rubumopia baiwa iede.