1 Korint 14:37 - Kanasi

³⁷ Naita apana da e bedelawo insepiase me amonawa wadena God insaisawa sabamosampe gagalowalempaa rua, do insempaase me ipa Aleu kakaiwa nopesana apanawa, me do ewepie atenlepi dima ne girumantene waeuwantedina, sa ipa Tatamba anaanawa.

1 Korint 14:37 ပူးပေါင်းရင်းမြစ်များ

Gagalo euda Iesu Keriso umanawa Luk girumalena 10:16

Iesu apana sa kotu matangelawa donsapua umanawa wane diasane warorowa nolau awa baiwantoia gagalo da diamone wanase, “E gagaloitilano apana mida e etaleie baiwantoia, sa ipa neida bainantoie waimoi. Tane apana mida e etaleie dabualeie eleia, sa ipa neida dabuaneie enei, ita do mida ne waaubanena dabuasaie ei.”

Paul letawa sumanailala Rom bedewe waimoia mampo girumalena 12:3

God me nuaeuwa amonawa aposel nolawa nena baiwa e deadea ne badowa dialedina: Mai e eba itupositane ebola debamasana, dia. Tane e insaisala aiaisiwa dodomana God e sumanaila amonawa enalena rua wanlempa.

1 Korint 14:29

Ita do apana nata, ba natadea, God insaisawa Aleu kakaiwa diamodia rua benemantompa ita sumanai sosou isiwa wampue gagalou ipawaida wadaewasapue ewapu.

1 Korint 14:36

Ne dima waeuwalena ruawaitana. E inseilana God aiawa e manlawoe wisen, ba? Do inseilana God aiawa e os manlawo wisen mai bola isiwa do, sa baiwa e eba insaisala dewasana rua, ba?

1 Korint 14:38

Me mida waeuwana ema mai wadepie mampesapia God do mai me wadepie mampesapi, diaida.

1 Korint 2:15

Apana mida God Aleupa kakaiwa bedewelene banledia dewa uduudu dauwa etaetawa atenlempaa rua os, dainea euda, dainea kadiwa. Tane me mida Aleu kakaiwa mai bedeweleipona me apana mida Aleu kakaiwa banlamodio dima gagalowantoia do dima dewasaia dauwa etaetawa mai atenlepie wadaewasapia rua.

1 Korint 3:1

Sumanai sosona, ne e do wainite e Aleu kakaiwa abo bedelawo dia rua manlawo gagalonten, ipawa e gagalo badowa mai etane ateitana rua. E tawo insaisawa inseile wainilana, sa baiwa God waeuwa isiwa mo mida sumanaibu bedewe badowa eneia waeuwamona rua, e mai dialepona, dia.

1 Korint 7:25

Tauma ne sai da e waitarawaitena gagalowanteapa. Ioto wasana mo mida nainaintopua saua waiena umanau ne ema epe wapa: Aia ema ipa mai Tatamba mebaida mampea, dia, tane neida neba insaisana rua wadina. Tane God me nuawadawadawa amonawa ne nena baiwa dima ne wapo etane wadana, mai ena.

1 Korint 7:40

Tane ne insaisanaida ipa ema epe: Me meba baiwa eulena ipa obu sa di waimpa, nainaisia. Ne insedina God Aleupa kakaiwa ne bedenawo wandie insaisana nedio wadina.

1 Korint 8:2

Mo mida muba insaisau wadeie waiase, “No aten insaisawa debama wadate wainitana,” sa ipa mo mampo aten kerauda winede, mai debama wadapona, dia.

2 Korint 10:12

Apana isiwa e bedelawo mo muba ebou wadaposila waimoi. Mo inseiase, “No ipa ionoido sosomba nanaumotana.” Tauma ne Paul ambi dewantape mo do ewaewamba dealepi? Tane mo mai insaisa da euwa mampo wineipona, diaida. Mo muba dewau eweie asou waie waiase, “No ipa apana eubuida!” Ita do muba nolau eweie waiase, “No ide, noladewanten!” Mo epe asowawantoi.

2 Korint 10:7

Ewanadewaitana, mai dewa onapea ewonune insaisawaitonuna, tane ipawaida bedewea insaisawa wadonuna. E bedelawo apana mida insedie wadiase, “Ne ipa Keriso mampea me nolawa dewalala!” Apana sa mai insepiase, “Ne os Keriso mampea wainedina!” Ipawa ne do Keriso mampea waaubaneno nolawa dewasadina.

2 Korint 11:4

Ne inguguralantedina, ipawa apana isiwa e manlawo wimoie Iesu umanawa inta da inta waeuwantoi, mai no waeuwantena rua, e mo aiau eteile wauwoitilana, mai etamoipe emoipona, dia. Tane mo aleu da nambea, mai Aleupa kakaiwa e aitamana wadalana rua, umanawa waio e eteile manlawosailana. Ita do mo Gagalo euda waeuwa nambea mai no amonantena rua benemantoio e eteile nuala wadeilaaubeile asisumoilana.

2 Pita 3:2

Ne menanedia peroweta kakaibu gagalou, ita do dima Tatamba Iesu Keriso no Inawamba no dianena aposel waeuwau mampe manlawo wiseno etalana osowe insena.

1 Ion 4:6

Tane no aposel, mida Iesu ibuwa ewate do wankasantene me waaubanena, no bumpamba ipa God bedewe winede. Eueuwa ema no ewate atentata mida bedewe ulaipa aleupa wande ita mida bedewe Keriso onawa aleupa wande: Apana mida God atemba me no waeuwamba asisusadie mampesade, tane me mida mai God mampea, me mai no asisuneipona, dia.

Iud letawa sumanailala mampo girumalena 1:17

Ne sosonaida, e dima Tatamba Iesu Keriso aposeliwa bauta dialeiena insenuna.